Odisha Elections 2024

ବାର୍‌ହା ଉପଦ୍ରବ, ଜମି ହୁଡ଼ାରେ ଚାଷୀଙ୍କ ମଞ୍ଚା

ମହାକାଳପଡ଼ା,୧୯ା୧୧ (ଡି.ଏନ.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଗହୀରମଥା ସାମୁଦ୍ରିକ ଅଭୟାରଣ୍ୟ ଅଞ୍ଚଳରେ ବାର୍‌ହା ଉପଦ୍ରବ ଦେଖିବାକୁ ମିଳିଛି। ପାଚିଲା ଧାନକୁ ଖାଇବାକୁ ଦଳ ଦଳ ହୋଇ ବାର୍‌ହା ପଲ କ୍ଷେତକୁ ଆସି ନଷ୍ଟ କରୁଛନ୍ତି। ଏହାକୁ ନେଇ ଚାଷୀ ଜମି ନିକଟରେ ମଞ୍ଚା ତିଆରି କରି ରାତି ଉଜାଗର ରହି ଫସଲକୁ ଜଗୁଛନ୍ତି। ବ୍ଲକ ଅଧୀନ ନାଞ୍ଜୁରା ପଞ୍ଚାୟତ ନରସିଂହପୁର, ରଟପଙ୍କ, ଓସ୍ତିରା, ଭୋପାଳ, ନାଞ୍ଜୁରା ଆଦି ଗ୍ରାମର ଚାଷୀଙ୍କ ପାଚିଲା ଧାନକୁ ବାର୍‌ହା ପଲ ପ୍ରବେଶ କରି ବ୍ୟାପକ ପରିମାଣରେ ନଷ୍ଟ କରୁଥିବା ଅଭିଯୋଗ କରିଛନ୍ତି। ନିକଟ ଜଙ୍ଗଲରୁ ବାର୍‌ହା ସା ହେଲେ ଧାନ ଫସଲ ଖାଇବା ପାଇ ଜମିକୁ ଆସ ଦଳି ଚକଟି ନଷ୍ଟ କରୁଛନ୍ତି। ଚାଷୀମାନେ ନିଜ ଚାଷ ଜମି ହିଡଠାରେ ଟିଣ ଓ ବାଜା ବଜାଇ ଓ ବାଣ ଫୁଟାଇ ବାର୍‌ହା ପଲଙ୍କୁ ଘଉଡାଉଛନ୍ତି। ଅନେକ ସମୟରେ ବାର୍‌ହା ପଲଙ୍କ ଆକ୍ରମଣରେ ଚାଷୀମାନଙ୍କ ଜୀବନ ଯାଇଥିବା ନଜିର ରହିଛି।
୨୦୧୩ ଅକ୍ଟୋବର ୧୮ରେ ପଞ୍ଚାୟତର ରଟପଙ୍କ ଗ୍ରାମର କିରିଟି ମଣ୍ଡଳ ଚାଷ ଜମିରୁ ଫେରୁଥିବା ବେଳେ ବାର୍‌ହା ଆକ୍ରମଣରେ ପ୍ରାଣ ହରାଇଥିଲେ। ଲୋକମାନେ ଉତ୍ତ୍ୟକ୍ତ ହୋଇ ଗହୀରମଥା ରେଞ୍ଜ କାର୍ଯ୍ୟାଳୟକୁ ନିଆଁ ଲଗାଇ ଜାଳି ଦେଇଥିଲେ। ଫଳରେ ବନ ବିଭାଗର ବିପୁଳ ପରିମାଣରେ କ୍ଷତି ହୋଇଥିଲା। ତତ୍‌କାଳୀନ ରେଞ୍ଜ ଅଧିକାରୀ ଶୁଭେନ୍ଦୁ ବେହେରାଙ୍କୁ ଉତ୍ତ୍ୟକ୍ତ ଲୋକମାନେ ଘେରି ଆକ୍ରମଣ କରିଥିଲେ। ଉତ୍ତ୍ୟକ୍ତ ଲୋକଙ୍କୁ ବନ ବିଭାଗ ବୁଝାଶୁଝା କରିବା ସହ ମୃତ ଚାଷୀଙ୍କୁ ପରିବାରକୁ ସରକାରୀ ନିୟମ ଅନୁସାରେ, ଆର୍ଥିକ ଅନୁଦାନ ପ୍ରଦାନ କରାଯାଇଥିଲା। ସେହିପରି ଅନ୍ୟ ଏକ ଘଟଣାରେ ୨୦୧୮ରେ ନରସିଂହପୁର ଗ୍ରାମର ମହିଳା ଚାଷ ଜମି ମଞ୍ଚରେ ରାତିରେ ଧାନ ଫସଲ ଜଗି ସକାଳେ ଘରକୁ ଫେରୁଥିଲେ। ଏହି ସମୟରେ ବାଡି ପଛପଟ ଧାନ ଜମିରେ ଥିବା ବାର୍‌ହା ଆକ୍ରମଣରେ ମହିଳା ଭାରତୀ ଜାନା (୫୧) ପ୍ରାଣ ହରାଇଥିଲେ।
ବର୍‌ହା ଆକ୍ରମଣରେ ଅନେକ ଚାଷୀ ଶିକାର ହୋଇଥାନ୍ତି। ଧାନ ଫସଲ ନଷ୍ଟ ହେଉଥିବା ସ୍ଥାନୀୟ ଚାଷୀମାନଙ୍କୁ ଆର୍ଥିକ ସହାୟତା ଯୋଗାଇ ଦେବା ପାଇଁ ନରସିଂହପୁର ଗ୍ରାମର ସୁଧାଂଶୁ ବେରା, ନଟେନ୍‌ ଜାନା, ଶମ୍ଭୁ ଜାନା, ବାପି ଜାନା, ପ୍ରଫୁଲ୍ଲ ସେଠୀ, ଶ୍ରୀକାନ୍ତ ମଣ୍ଡଳଙ୍କ ସମେତ ବହୁ ଚାଷୀ ଅଭିଯୋଗ କରିଛନ୍ତି। ଧାନ କ୍ଷେତ ଚତୃଃପାର୍ଶ୍ୱରେ ତାର ବାଡ ଘେରା କରିବାକୁ ଚାଷୀମାନେ ଦାବି କରିଛନ୍ତି। ଏ ସମ୍ପର୍କରେ ଗହୀରମଥା ରେଞ୍ଜ ଅଧିକାରୀ ମାନସ କୁମାର ଦାସଙ୍କୁ ପଚାରିବାରେ ଏହି ସମୟରେ ପାଚିଲା ଧାନ ଫସଲ ଖାଇବାକୁ ବାର୍‌ହା ପଲ କ୍ଷେତ ମଧ୍ୟକୁ ଆସିଥାନ୍ତି। ବନ ବିଭାଗ କର୍ମଚାରୀମାନେ ରାତ୍ରିରେ ପାଟ୍ରୋଲିଂ କରୁଛନ୍ତି। ସରକାରୀ ନିୟମ ଅନୁସାରେ, ଚାଷୀଙ୍କ ସମସ୍ୟା ସମାଧାନ କରିବାକୁ ବିଭାଗ ପଦକ୍ଷେପ ଗ୍ରହଣ କରିବ। ଫସଲ ନଷ୍ଟ ହେଉଥିବା କ୍ଷତିଗ୍ରସ୍ତ ଚାଷୀଙ୍କୁ ସରଜମିନ ତଦନ୍ତ କରିବା ସହ ଆର୍ଥିକ ସହାୟତା ପ୍ରଦାନ ପାଇଁ ବନ ବିଭାଗ ଉଚ୍ଚ ପଦସ୍ଥ ଅଧିକାରୀଙ୍କ ନିକଟରେ ମହାକାଳପଡ଼ା ପୂର୍ବତନ ବ୍ଲକ ଅଧ୍ୟକ୍ଷା ସସ୍ମିତା ବରାଳ ଦାବି କରିଛନ୍ତି।


Enter your email to get our daily news in your inbox.

All Right Reserved By Dharitri.Com

କୁଲଡିଆ ରେଞ୍ଜରୁ ଆସିଲା ଦୁଃଖଦ ଘଟଣା: ଟ୍ରେଞ୍ଜ ଗାତରେ ପଡ଼ି ଗର୍ଭବତୀ ହାତୀର ମୃତ୍ୟୁ

ବାଲେଶ୍ୱର,୨୮।୫: ବାଲେଶ୍ୱର ଜିଲା କୁଲଡିଆ ରେଞ୍ଜ ଅସନଘାଟି ଜଙ୍ଗଲରୁ ମଙ୍ଗଳବାର ଏକ ଦୁଃଖଦ ଖବର ସାମ୍‌ନାକୁ ଆସିଛି। ଖୋଲାଯାଇଥିବା ଏକ ଟ୍ରେଞ୍ଜ ଗାତରେ ପଡିରେ ଏକ...

ଅସହ୍ୟ ଗୁଳୁଗୁଳିରେ ଗାଁ, ସହରବାସୀ କଲବଲ

ପଟ୍ଟାମୁଣ୍ଡାଇ,୨୮ା୫ (କଳ୍ପତରୁ ନାୟକ):ଲଘୁଚାପଜନିତ ରବିବାର ମେଘ ପବନ ପରେ ସୋମବାର ତାପମାତ୍ରା ବଢ଼ିବା ଆରମ୍ଭ କରିଛି। ସହରର ତାପମାତ୍ରା ବୃଦ୍ଧି ହେବା ସହ ଅସହ୍ୟ ଗୁଳୁଗୁଳିରେ...

କମ ନମ୍ବର ରଖିବାରୁ ମୂଷା ଔଷଧ ପିଇଦେଲେ ଛାତ୍ରୀ

ହାଟଡିହୀ,୨୮l୫(ଶୁଭକାନ୍ତ ନାୟକ): ମାଟ୍ରିକ ପରୀକ୍ଷାରେ କମ ନମ୍ବର ରଖିବାରୁ କେନ୍ଦୁଝର ଜିଲା ହାଟଡିହୀ ବ୍ଲକ୍‌ ନନ୍ଦିପଦା ଥାନା ଅଞ୍ଚଳରେ ଜଣେ ଛାତ୍ରୀ ସୋମବାର ବିଷ ପିଇ...

ସହରାଟିକ୍ରାରେ ଚାଞ୍ଚଲ୍ୟ: ଛାତରେ ଶୋଇଥିବାବେଳେ ଗୃହକର୍ତ୍ତାଙ୍କୁ ହତ୍ୟା

ବରଗଡ଼,୨୮।୫(ପ୍ରେମାନନ୍ଦ ଖମାରୀ):ବରଗଡ଼ ଜିଲା ଭେଡେନ ଥାନା ଅର୍ନ୍ତଗତ ସହରାଟିକ୍ରା ଗ୍ରାମରେ ସୋମବାର ବିଳମ୍ବିତ ରାତିରେ ଏକ ହତ୍ୟାକାଣ୍ଡ ଘଟିଛି। ଘରଛାତ ଉପରେ ଏକ ଖଟିଆରେ ଶୋଇଥିବାବେଳେ...

୪ ସୁଦ୍ଧା ରତ୍ନଭଣ୍ଡାର ଚାବି ହାଇକୋର୍ଟଙ୍କୁ ହସ୍ତାନ୍ତର କର

କେନ୍ଦ୍ରାପଡ଼ା/ମାର୍ଶାଘାଇ, ୨୮ା୫(ଜଗନ୍ନାଥ ଧଳ/ ଶୁଭେନ୍ଦୁ ପ୍ରସାଦ ଚୌଧୁରୀ):ଶ୍ରୀମନ୍ଦିର ରତ୍ନଭଣ୍ଡାର ଚାବି ମିଳୁନାହିଁ। ତଦନ୍ତ ରିପୋର୍ଟ ଚାପିଦିଆଯାଇଛି। ମୋର ସନ୍ଦେହ ହେଉଛି ଯେ, ରତ୍ନଭଣ୍ଡାର ଚାବି ପାଣ୍ଡିଆନ...

ମାଟ୍ରିକ ପରୀକ୍ଷାରେ କମ୍‌ ନମ୍ବର ରହିବାରୁ ଛାତ୍ରଙ୍କ ଆତ୍ମହତ୍ୟା

କାଳିଆପାଣି,୨୮ା୫(ଅସିତ୍‌ ମହାନ୍ତ):ଯାଜପୁର ଜିଲା ସୁକିନ୍ଦା ଅଞ୍ଚଳର ଜଣେ ଛାତ୍ର ମାଟ୍ରିକ ପରୀକ୍ଷାରେ କମ୍‌ ନମ୍ବର ରଖିଥିବାରୁ ଆତ୍ମହତ୍ୟା କରିଛନ୍ତି। ମୃତକ ହେଲେ ସୁକିନ୍ଦା ଜଗନ୍ନାଥ ନୋଡାଲ...

ନାବାଳିକାଙ୍କୁ ବଳାତ୍କାର ପରେ ଫଟୋ ଭାଇରାଲ

ବ୍ରହ୍ମପୁର,୨୭ା୫(ସୁବାସ ଚନ୍ଦ୍ର ପାଢ଼ୀ): ଜଣେ ନାବାଳିକାଙ୍କୁ ବଳାତ୍କାର କରିବା ଓ ଫଟୋଗୁଡିକୁ ସୋସିଆଲ ମିଡ଼ିଆରେ ଭାଇରାଲ କରିଥିବା ଅଭିଯୋଗରେ ବଡ଼ବଜାର ଥାନା ପୋଲିସ ଜଣେ ଯୁବକଙ୍କୁ...

ନିରଞ୍ଜନ ପଟ୍ଟନାୟକଙ୍କ ଅଫିସରେ ଚଢାଉ

ଭଦ୍ରକ,୨୭।୫: ଭଦ୍ରକ ଜିଲା ଭଣ୍ଡାରିପୋଖରୀ ବିଧାନସଭା ନିର୍ବାଚନମଣ୍ଡଳୀ କଂଗ୍ରେସ ପ୍ରାର୍ଥୀ ତଥା ବରିଷ୍ଠ ନେତା ନିରଞ୍ଜନ ପଟ୍ଟନାୟକଙ୍କ ଭଦ୍ରକ ମୋଟଲ ଛକସ୍ଥିତ ଅଫିସ୍‌ରେ ଫ୍ଲାଇଂ ସ୍କ୍ବାଡ୍‌...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri