ଆଜିର ସମୟ ଡିଜିଟାଲ ହୋଇଗଲାଣି। ଲୋକେ ପ୍ରତ୍ୟେକ କାର୍ଯ୍ୟ ପାଇଁ ଡିଜିଟାଲ ମିଡିଆ ଉପରେ ନିର୍ଭର କରୁଛନ୍ତି। ଆଜିର ସମୟରେ ସ୍ମାର୍ଟଫୋନ ମଣିଷ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ ଜିନିଷ ପାଲଟିଛି। ଏହା ବିନା ଗୋଟିଏ ମିନିଟ୍ ମଧ୍ୟ କାଟିବା କଷ୍ଟକର ମନେହୁଏ। ଏପରି ପରିସ୍ଥିତିରେ, ଯଦି କହିବା ଦୁନିଆରେ ଏପରି ଏକ ସହର ଅଛି, ଯେଉଁଠାରେ ଆପଣ ଟିଭି ଦେଖିପାରିବେ ନାହିଁ କିମ୍ବା ମୋବାଇଲ ବ୍ୟବହାର କରିପାରିବେ ନାହିଁ? ଆପଣ ଭାବିବେ, ଏହା ନିଶ୍ଚିତ ଭାବରେ ଉତ୍ତର କୋରିଆ ହୋଇଥିବ, କିନ୍ତୁ ତାହା ବି ନୁହଁ।
ଏମିତି ସହର ଆମେରିକାରେ ରହିଛି। ଆମେରିକାର ଏହି ସହରରେ ମୋବାଇଲ, ଟିଭି ଏବଂ ରେଡିଓ ନିଷେଧ। ଏହି ସାମଗ୍ରୀଗୁଡ଼ିକ ଏଠାରେ କେହି ବ୍ୟବହାର କରିପାରିବେ ନାହିଁ। ଯଦି କେହି ବ୍ୟବହାର କରୁଥିବା ଧରାପଡ଼ନ୍ତି ତେବେ ତାଙ୍କୁ ଜେଲ୍ ଭୋଗିବାକୁ ପଡ଼ିବ। ଏହି ସହରର ନାମ ହେଲା ଗ୍ରୀନ ବ୍ୟାଙ୍କ। ଏହା ଆମେରିକାର ପଶ୍ଚିମ ଭର୍ଜିନିଆର ପୋକାହୋଣ୍ଟାସରେ ଅବସ୍ଥିତ। ଏଠାରେ ପ୍ରାୟ ୧୫୦ ଜଣ ଲୋକ ବାସ କରନ୍ତି। କିନ୍ତୁ କାହା ପାଖରେ ଟିଭି କିମ୍ବା ମୋବାଇଲ ନାହିଁ। ଏହାର ଏକ ବିଶେଷ କାରଣ ରହିଛି।
ଏହି ସହରରେ ଦୁନିଆର ସବୁଠୁ ବଡ଼ ଷ୍ଟିରେବଲ୍ ରେଡିଓ ଟେଲିସ୍କୋପ ରହିଛି। ଏହାକୁ ଗ୍ରୀନ ବ୍ୟାଙ୍କ ଟେଲିସ୍କୋପ ମଧ୍ୟ କୁହାଯାଏ। ଏହି ଟେଲିସ୍କୋପ ବହୁତ ବଡ଼ ଏବଂ ପରିବହନ ଯୋଗ୍ୟ। ତାହା ହେଉଛି, ଏହାକୁ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ନିଆଯାଇପାରେ। ଏହି ଟେଲିସ୍କୋପ ଏତେ ବଡ଼ ଯେ ଏକ ବଡ଼ ଫୁଟବଲ ପଡ଼ିଆ ପରି। ଏହି ଟେଲିସ୍କୋପ ଲମ୍ବ ୪୮୫ ଫୁଟ ଏବଂ ଚଉଡ଼ା ୭୬ ଶହ ମେଟ୍ରିକ ଟନ୍।
ଯେଉଁଠାରେ ଏହି ବିଶାଳ ଟେଲିସ୍କୋପ ସ୍ଥାପିତ ହୋଇଛି, ସେଠାରେ ଆମେରିକାର ନ୍ୟାଶନାଲ ରେଡିଓ ଜ୍ୟୋତିର୍ବିଜ୍ଞାନ ପର୍ଯ୍ୟବେକ୍ଷକ ରହିଛି। ଏହା ୧୯୫୮ରେ ପ୍ରତିଷ୍ଠିତ ହୋଇଥିଲା। ଏଠାରୁ ବୈଜ୍ଞାନିକମାନେ ମହାକାଶରୁ ପୃଥିବୀକୁ ଆସୁଥିବା ତରଙ୍ଗ ବିଷୟରେ ଜାଣିପାରନ୍ତି। ଏହି ସ୍ଥାନରେ ଅନେକ ଟେଲିସ୍କୋପ ଅଛି, ଯାହା ମାଧ୍ୟାକର୍ଷଣରୁ କଳା ଛିଦ୍ର ପର୍ଯ୍ୟନ୍ତ ଅଧ୍ୟୟନ କରେ। ବିଶାଳ ଟେଲିସ୍କୋପ ବିଷୟରେ ଏକ ଗୁରୁତ୍ୱପୂର୍ଣ୍ଣ ତଥ୍ୟ ହେଉଛି ଏହା ଏତେ ବଡ଼ ଯେ, ଏହା ମହାକାଶରେ ୧୩ ବିଲିୟନ ଆଲୋକ ବର୍ଷ ଦୂରରେ ମଧ୍ୟ ସଙ୍କେତ ଗ୍ରହଣ କରିଥାଏ। ଟିଭି, ରେଡିଓ, ମୋବାଇଲଠାରୁ ଆରମ୍ଭ କରି ଆଇପ୍ୟାଡ, ବେତାର ହେଡଫୋନ, ରିମୋଟ କଣ୍ଟ୍ରୋଲ ଖେଳନା ଏବଂ ମାଇକ୍ରୋଓ୍ବେଭ୍ ମଧ୍ୟ ଏଠାରେ ନିଷେଧ। ଏହାର ଏକ ବିଶେଷ କାରଣ ଅଛି। ଏହି ଇଲେକ୍ଟ୍ରୋନିକ ଉପକରଣଗୁଡ଼ିକରୁ ଉତ୍ପନ୍ନ ତରଙ୍ଗ ମହାକାଶରୁ ଆସୁଥିବା ତରଙ୍ଗକୁ ପ୍ରଭାବିତ କରିବ ଏବଂବୈଜ୍ଞାଜ୍ଞାନିକମାନେ ଏହାକୁ ସଠିକ ଭାବରେ ଧରି ପାରିବେ ନାହିଁ। ଏହି କାରଣରୁ ଅନ୍ୟାନ୍ୟ ଇଲେକ୍ଟ୍ରୋନିକ ଜିନିଷ ମଧ୍ୟ ଏଠାରେ ନିଷେଧ।
