ବ୍ୟାଙ୍କ ଗ୍ରାହକଙ୍କ ସେବା ସଂକ୍ରାନ୍ତ ଅଭିଯୋଗ ୫୭% ବୃଦ୍ଧି
9:19 amFebruary 10, 2021February 10, 2021 / 21

ନୂଆଦିଲ୍ଲୀ: ବ୍ୟାଙ୍କଗୁଡିକ ପକ୍ଷରୁ ପ୍ରଦାନ କରାଯାଉଥିବା ସେବାରେ ଗ୍ରାହକ ବିଭିନ୍ନ ସମସ୍ୟା ସାମ୍ନା କରୁଥିବା ନଜରକୁ ଆସିଛି। ଫଳରେ ଗ୍ରାହଙ୍କ ସେବା ସଂକ୍ରାନ୍ତ ଅଭିଯୋଗ ୫୭% ବୃଦ୍ଧି ପାଇ ୩.୦୮ ଲକ୍ଷ ଛୁଇଁଛି। ୨୦୨୦ ଜୁନ୍‌ ୩୦ ସୁଦ୍ଧା ଗ୍ରାହକ ଏଭଳି ଅଭିଯୋଗ କରିଥିବା ରିଜର୍ଭ ବ୍ୟାଙ୍କ ପକ୍ଷରୁ ସୂଚନା ପ୍ରଦାନ କରାଯାଇଛି। କେନ୍ଦ୍ରୀୟ ବ୍ୟାଙ୍କ ଏହାର ଅମ୍ବୁଡସମ୍ୟାନ ସ୍କିମ୍‌ ରିପୋର୍ଟରେ କହିଛି, ମୋଟ ଅଭିଯୋଗ ମଧ୍ୟରୁ ପ୍ରାୟ ଏକ ପଞ୍ଚମାଂଶ ଏଟିଏମ୍‌ କିମ୍ବା ଡେବିଟ୍‌ କାର୍ଡ ସହ ସମ୍ପର୍କ ରହିଛି। ସେହିଭଳି ୧୩.୩୮% ମାମଲା ମୋବାଇଲ କିମ୍ବା ଇଲେକ୍‌ଟ୍ରୋନିକ୍ସ ବ୍ୟାଙ୍କିଙ୍ଗ୍‌ ସହ ଜଡିତ ରହିଛି। ସେହିଭଳି ତୃତୀୟରେ ଫେୟାର ପ୍ରାକ୍ଟିସ କୋଡ୍‌ ଠିକ୍‌ ଭାବେ ପାଳନ ହେଉ ନ ଥିବା ଅଭିଯୋଗ ଆସୁଛି। ସେହିଭଳି କ୍ରେଡିଟ୍‌ କାର୍ଡ, ପ୍ରତିଶ୍ରୁତି ପାଳନରେ ଅବହେଳା, ବିନା ନୋଟିସରେ ଚାର୍ଜ ଲଗାଇବା, ଋଣ ଏବଂ ଅଗ୍ରିମ ସମେତ ବ୍ୟାଙ୍କିଙ୍ଗ୍‌ କୋଡ୍‌ ଏବଂ ଷ୍ଟାଣ୍ଡାର୍ଡ ବୋର୍ଡ ଅଫ୍‌ ଇଣ୍ଡିଆ (ବିସିଏସ୍‌ବିଆଇ) ନିୟମ ପାଳନ ହେଉଥିବାର ଅଭିଯୋଗ ବୃଦ୍ଧି ହେଉଛି।