ପୋଙ୍ଗୟାଙ୍ଗ,୨୭।୨ : ରୁଷିଆ ଏବଂ ୟୁକ୍ରେନ ମଧ୍ୟରେ ପ୍ରବଳ ଯୁଦ୍ଧ ଜାରି ରହିଛି। ଏହା ଯୋଗୁ ପୃଥିବୀରେ ସଙ୍କଟ ସୃଷ୍ଟି ହୋଇଛି। ଏପରିସ୍ଥଳେ ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍ ଜୋଙ୍ଗ ଉନ୍ ରବିବାର ସମୁଦ୍ରରେ ଏକ ବାଲାଷ୍ଟିକ କ୍ଷେପଣାସ୍ତ୍ର ପରୀକ୍ଷା କରିଛନ୍ତି। ଜାପାନ ଏହି କ୍ଷେପଣାସ୍ତ୍ରର ପ୍ରତ୍ୟକ୍ଷ ଲକ୍ଷ୍ୟ ବୋଲି କୁହାଯାଉଛି। ଉତ୍ତର କୋରିଆର କ୍ଷେପଣାସ୍ତ୍ର ପରୀକ୍ଷଣ ପରେ ଆମେରିକା ଉପରେ ଚାପ ପଡିଛି। ୟୁକ୍ରେନ ସଙ୍କଟରେ ଆମେରିକାର ଧ୍ୟାନ ୟୁକ୍ରେନ୍ ଉପରେ କେନ୍ଦ୍ରୀତ ହୋଇଥିବାବେଳେଏକଛତ୍ରବାଦୀ ଶାସକ କିମ ଜୋଙ୍ଗ ଉନ ଏହାର ଲାଭ ଉଠାଇବାକୁ ଚେଷ୍ଟା କରୁଛନ୍ତି।
ଉତ୍ତର କୋରିଆ ଦ୍ୱାରା ଏଥର ଉତକ୍ଷେପଣ ହୋଇଥିବା ବାଲିଷ୍ଟିକ କ୍ଷେପଣାସ୍ତ୍ର ଚଳିତ ବର୍ଷ ଅଷ୍ଟମ ଏବଂ ଜାନୁଆରୀ ୩୦ ପରଠାରୁ ପ୍ରଥମ ବାଲିଷ୍ଟିକ କ୍ଷେପଣାସ୍ତ୍ର ପରୀକ୍ଷା। କେତେକ ବିଶେଷଜ୍ଞ କହିଛନ୍ତି ଯେ ଉତ୍ତର କୋରିଆ ଏହାର ଅସ୍ତ୍ରଶସ୍ତ୍ର ପ୍ରଯୁକ୍ତିବିଦ୍ୟାକୁ ସିଦ୍ଧ କରିବାକୁ ଚେଷ୍ଟା କରୁଛି ଏବଂ ଉତ୍ତର କୋରିଆ ବର୍ତ୍ତମାନ ଆମେରିକା ଉପରେ ଚାପ ପ୍ରୟୋଗ କରିବାକୁ ଚେଷ୍ଟା କରୁଛି। ଉତ୍ତର କୋରିଆ ଆମେରିକା ସହ ଅସ୍ତ୍ରଶସ୍ତ୍ର ନିରସ୍ତ୍ରୀକରଣ କ୍ଷେତ୍ରରେ ପୁଣି ଆଲୋଚନା କରିବାକୁ ଚାହୁଁଛି।
