ପଦ୍ମପୁର, ୨୭।୨(ଡି.ଏନ୍.ଏ.): ରାୟଗଡା ଜିଲା ପଦ୍ମପୁର ବ୍ଲକର ‘କ’ ଜୋନ୍ରେ ବିଜେଡି ଜିଲା ପରିଷଦ ପ୍ରାର୍ଥୀ ଡର୍ଗିନ୍ ଶବର ବିଜୟୀ ହୋଇଛନ୍ତି। ସେ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ କଂଗ୍ରେସର ସବିତା ଗମାଙ୍ଗଙ୍କୁ ୧୪୮୬ ଖଣ୍ଡ ଭୋଟରେ ପରାସ୍ତ କରିଛନ୍ତି। ପଦ୍ମପୁର ‘କ’ ଜୋନ୍ ପଦ୍ମପୁର, ଗୁଡ଼ିଆବନ୍ଧ ଖମାପଦର,ଖିଲାପଦର, ନାଇରା ଓ ଡେରିଗା କୁ ନେଇ ଗଠିତ। ଜିଲା ପରିଷଦ ଆସନ ପାଇଁ ସର୍ବମୋଟ ୧୩, ୪୯୩ ଜଣ ଭୋଟ ଦେଇଥିଲେ। ସେଥିରୁ ବିଜେଡିର ଡ଼ରଗିନ ଶବର ୫୬୧୮ଭୋଟ ପାଇଚନ୍ତି। ସେହିଭଳି କଂଗ୍ରସରୁ ସବିତା ଗମାଙ୍ଗ ୪୧୩୨ ଭୋଟ ଓ ଭାଜପାରୁ ରେଣୁକା ଗମାଙ୍ଗ ୩୦୭୯ ଖଣ୍ଡ ଭୋଟ ପାଇଛନ୍ତି। ସେହିଭଳି ସମିତି ସଭ୍ୟ ପ୍ରାର୍ଥୀ ରମେଶ ସାହୁ ବିଜୟୀ ହୋଇଛନ୍ତି। ପଦ୍ମପୁର ପଞ୍ଚାୟତରୁ ପ୍ରକାଶ କଣ୍ଡାଗିରି, ଡେରିଗାଁରୁ ମାଗୁଣି ଶବର, ନାଇରାରୁ ତୁଳସୀ ଶବର ସରପଞ୍ଚ ନିର୍ବାଚିତ ହୋଇଛନ୍ତି।
