କୋଲକତା,୧୨।୧: ଭାରତ ଏବଂ ଅଷ୍ଟ୍ରେଲିଆ ମଧ୍ୟ ଖେଳାଯାଉଥିବା ବର୍ଡର-ଗାଭାସ୍କର ଟ୍ରଫିର ତୃତୀୟ ମ୍ୟାଚ୍ ବିନା ହାର୍ ଜିତ୍ରେ ଶେଷ ହୋଇଛି। ୪୦୭ ରନ୍ର ବିଜୟ ଲକ୍ଷ୍ୟ ପିଛା କରି ଭାରତୀୟ ବ୍ୟାଟ୍ସମ୍ୟାନ୍ ହାର୍ ନ ମାନି ମ୍ୟାଚ୍କୁ ଡ୍ର’ କରିବାରେ ସକ୍ଷମ ହୋଇଥିଲେ। ଶେଷ ଦୁଇଟି ସେସନରେ ଆର୍ ଅଶ୍ୱିନ୍ ଏବଂ ହନୁମା ବିହାରୀ କ୍ରିଜ୍ରେ ପାଚେରୀ ଭଳି ଛିଡା ହୋଇଥିଲେ। ଦୁହେଁ ଅର୍ଦ୍ଧଶତକୀୟ ଭାଗିଦାରୀ କରିଥିଲେ। ଭାରତର ଦ୍ୱିତୀୟ ଇନିଂସରେ ବିହାରୀ ୧୬୧ ବଲରୁ ଅପରାଜିତ ୨୩ ରନ୍ର ପାଳି ଖେଲିଥିଲେ। ଆହତ ସତ୍ତ୍ୱେ ମ୍ୟାଚ୍ ଖେଳୁଥିବା ହନୁମାଙ୍କ ସାହସକୁ ସମସ୍ତେ ସଲାମ କରିଥିବାବେଳେ ଭାଜପା ଏମ୍ପି ତଥା ଗାୟକ ବାବୁଲ ସୁପ୍ରିଓ ତାଙ୍କୁ କ୍ରିକେଟର୍ ହତ୍ୟାକାରୀ ଆଖି ଦେଇଛନ୍ତି। ହନୁମା ବିହାରୀ ରବିଚନ୍ଦ୍ରନ ଅଶ୍ୱିନଙ୍କ ସହ ସିଡନୀ ଟେଷ୍ଟ ପରାଜୟରୁ ଭାରତକୁ ରକ୍ଷା କରିଥିଲେ, ଏହା ପରେ ମଧ୍ୟ ବାବୁଲ ସୁପ୍ରିଓ ତାଙ୍କୁ କ୍ରିକେଟର ଘାତକ ବୋଲି ବର୍ଣ୍ଣନା କରିଛନ୍ତି। ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ତୃତୀୟ ଟେଷ୍ଟ ମ୍ୟାଚ ସମୟରେ ସୁପ୍ରିଓ ଦୁଇଟି ଟୁଇଟ୍ କରିଥିଲେ।
ହନୁମା ବିହାରୀ କ୍ରିଜରେ ଥିବାବେଳେ ବାବୁଲ ସୁପ୍ରିଓ ଦୁଇଟି ଟୁଇଟ୍ କରିଥିଲେ। ସେ ଲେଖିଛନ୍ତି, ହନୁମା ବିହାରୀ ୭ ରନ ସ୍କୋର କରିବାକୁ ୧୦୯ଟି ବଲ ଖେଳିଛନ୍ତି। ଏହା ବହୁତ କ୍ୱଚିତ୍। ହନୁମା ବିହାରୀ କେବଳ ଭାରତର ଐତିହାସିକ ବିଜୟର ସମ୍ଭାବନାକୁ ଏଡାଇ ନାହାଁନ୍ତି, କ୍ରିକେଟକୁ ମଧ୍ୟ ହତ୍ୟା କରିଛନ୍ତି। ସେ ଆହୁରି ମଧ୍ୟ ଲେଖିଛନ୍ତି ଯେ ମୁଁ କ୍ରିକେଟ ବିଷୟରେ କିଛି ଜାଣେ ନାହିଁ। ବାବୁଲ ସୁପ୍ରିଓ ଏକ ଘଣ୍ଟା ପରେ ଆଉ ଏକ ଟୁଇଟ୍ କରିଛନ୍ତି। ସେ ଲେଖିଛନ୍ତି, ଯଦି ହନୁମା ଟିକେ ଚେଷ୍ଟା କରି ଖରାପ ବଲରେ ଚୌକା ମାରିଥାନ୍ତେ, ତେବେ ଭାରତ ଏହି ମ୍ୟାଚରେ ଜିତି ପାରିଥାନ୍ତା। ବିଶେଷକରି ଯେତେବେଳେ ପନ୍ତ ଏତେ ଭଲ ପ୍ରଦର୍ଶନ କରିଥିଲେ, ଯାହା କେହି ଆଶା କରି ନ ଥିଲେ। ମୁଁ ଦୋହରାଉଛି ଯେ ହନୁମା ସେଟ୍ ହୋଇଯାଇଥିବାରୁ କେବଳ ଖରାପ ବଲକୁ ହିଟ ମାରିଥିଲେ ହୋଇଥାନ୍ତା।
