ଥୁଆମୂଳ ରାମପୁର, ୧୪।୪ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକରେ ସମ୍ବିଧାନ ପ୍ରଣେତା ଡଃ. ବାବାସାହେବ ଭୀମରାଓ ଆମ୍ବେଦକରଙ୍କ ୧୩୫ତମ ଜନ୍ମ ଜୟନ୍ତୀ ଅତି ଭବ୍ୟ ଓ ଆକର୍ଷଣୀୟ ଭାବେ ପାଳିତ ହୋଇଯାଇଛି। ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ବ୍ଲକର ୨୪ଟି ପଞ୍ଚାୟତରୁ ହଜାର ହଜାର ସଂଖ୍ୟାରେ ବାବାସାହେବ ପ୍ରେମୀ ସାମିଲ ହୋଇ ଏହାକୁ ଏକ ଐତିହାସିକ ଗଣପର୍ବର ରୂପ ଦେଇଛନ୍ତି।
କାର୍ଯ୍ୟକ୍ରମର ଆରମ୍ଭରେ ବିରିକୋଟରୁ ଏକ ବିଶାଳ ବାଇକ୍ ରାଲି ବାହାରି ବଳଙ୍ଗି, ବଡ଼ ଛତ୍ରଙ୍ଗ, ଦାବରିଗୁଡ଼ା, ବାଗଡ଼ିଆଣି, ଡୁମେରପଦର, କୁମ୍ଭାରକାନି ଓ କାଠକୁରା ଆଦି ଅଞ୍ଚଳ ପରିକ୍ରମା କରି ଥୁଆମୂଳ ରାମପୁର ବାବା ଖଣ୍ଡୁଆଳ ଖେଳପଡ଼ିଆରେ ପହଞ୍ଚିଥିଲା। ସେଠାରୁ ଏକ ଭବ୍ୟ ପଦଯାତ୍ରାରେ ହଜାର ହଜାର ଦଳିତ, ଆଦିବାସୀ ଓ ସମସ୍ତ ଶ୍ରେଣୀର ଜନସାଧାରଣ ନାଚଗୀତ ଓ ଭାଇଚାରାର ନାରା ଦେଇ ରାଜବାଟି ସମ୍ମୁଖରେ ପହଞ୍ଚିଥିଲେ। ସେଠାରେ ବାବାସାହେବଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରାଯାଇ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଥିଲା। ଏହି ରାଲିରେ ଆଦିବାସୀ ସଂଘ କର୍ମକର୍ତ୍ତା, ସମସ୍ତ ରାଜନୈତିକ ଦଳର କର୍ମକର୍ତ୍ତା, ଭୀମ ଆର୍ମି ଏବଂ ଦଳିତ ସଚେତନ ସଙ୍ଗଠନ ସମୂହ ପୂର୍ଣ୍ଣ ସମର୍ଥନ ପ୍ରଦାନ କରିଥିଲେ।
ପ୍ରସ୍ତୁତି ପଡ଼ିଆରେ ଅନୁଷ୍ଠିତ ଆଲୋଚନା ଚକ୍ରରେ ବହୁ ବିଶିଷ୍ଟ ବ୍ୟକ୍ତି ସାମିଲ ହୋଇ ବାବାସାହେବଙ୍କ ବିଚାରଧାରାକୁ ପ୍ରତି ଘରେ ଘରେ ପହଞ୍ଚାଇବାକୁ ଆହ୍ୱାନ ଦେଇଥିଲେ। “ଶିକ୍ଷିତ ହୁଅ, ସଂଘଠିତ ହୁଅ ଓ ସଂଘର୍ଷ କର” – ଏହି ମନ୍ତ୍ରକୁ ପାଥେୟ କରି ସମାଜର ଆର୍ଥିକ, ମାନସିକ ଓ ଶାରୀରିକ ବିକାଶ ପାଇଁ ସମସ୍ତେ ମତ ପ୍ରକାଶ କରିଥିଲେ।
ଏହି ସଭାରେ ପରମାନନ୍ଦ ନାଏକ, ବଂଶୀଧର ନାଏକ, କୈଳାସ ନାଏକ, ମାଣିକ୍ୟ ଚନ୍ଦ୍ର ନାଏକ, ଦାଶରଥି ଧଙ୍ଗଡା ମାଝୀ, କପିଳାଶ ନାଏକ, ଜଳନ୍ଧର ନାଏକ, ଦ୍ରୌପଦୀ ମାଝୀ, ମୁରଲୀଧର ନାଏକ, ଦେବୀ ଚରଣ ଭାଟି, ବ୍ଲକ୍ ଉପାଧ୍ୟକ୍ଷା ଜୟନ୍ତୀ ମାଝୀ, ଗୁଞ୍ଜେନ ମାଝୀ, ସନାତନ ମାଝୀ, କୃଷ୍ଣ ଚନ୍ଦ୍ର ନାଏକ, ଉପେନ୍ଦ୍ର ନାଏକ, ଲାଲ ନାଏକ, ଗୁରୁବାରୁ ମାଝୀ, ସୁବାଷ ଚନ୍ଦ୍ର ନାଏକ, ସୁରେଶ ନାଏକ, ସବୀର ଧଙ୍ଗଡା ମାଝୀ, ମନୋରଞ୍ଜନ ନାଗ, ରାମେଶ୍ୱର ନାଏକ, ଚିତ୍ତ ରଞ୍ଜନ ନାଏକ, ରାମ ମାଝୀ, ଭଜମନ ନାଏକ, କାଟିଶ୍ୱର ନାଏକ, ରାଧାକାନ୍ତ ନାଏକ ଏବଂ ବୈଦ୍ୟନାଥ ନାଏକ ପ୍ରମୁଖ ସୁଚିନ୍ତିତ ମତାମତ ଦେଇଥିଲେ।
ଉତ୍ସବ ପାଳନ କମିଟି ତଥା ସଭାପତି ବିଜନ କୁମାର ନାଏକ, ସମ୍ପାଦକ ପ୍ରଦୀପ ନାଏକ, କୋଷାଧ୍ୟକ୍ଷ ଦୂର୍ଗା କୀର୍ତ୍ତି, ଉପସଭାପତି ମନୋରଞ୍ଜନ ନାଏକ, ଯୁଗ୍ମ ସମ୍ପାଦକ ହିତେଶ ନାଏକ ଓ ଯୁଗ୍ମ କୋଷାଧ୍ୟକ୍ଷ ସୁରେନ୍ଦ୍ର ନାଏକଙ୍କ ସମେତ ସମସ୍ତ ସବ୍ କମିଟି ର କର୍ମକର୍ତ୍ତାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କାର୍ଯ୍ୟକ୍ରମଟି ଅତ୍ୟନ୍ତ ଶୃଙ୍ଖଳିତ ଭାବେ ସମ୍ପନ୍ନ ହୋଇଥିଲା। ସମସ୍ତ ଅଭ୍ୟାଗତଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା କରାଯାଇଥିଲା। ଥୁଆମୂଳ ରାମପୁର ଥାନା ଅଧିକାରୀ କୈବଲ୍ୟ ସେଠ୍ଙ୍କ ନେତୃତ୍ୱରେ ପୋଲିସ ବାହିନୀ ଶାନ୍ତିଶୃଙ୍ଖଳା ରକ୍ଷା କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ।
