Posted inଖେଳ

ଏଟିପି ଫାଇନାଲ୍ସ: ଥିମ୍‌, ସିତ୍‌ସିପାସ ବିଜୟୀ

ଲଣ୍ଡନ, ୧୯।୧୧(ଏପି)- ଏଠାରେ ଚାଲିଥିବା ଏଟିପି (ଆସୋସିଏଶନ ଅଫ୍‌ ଟେନିସ ପ୍ରଫେଶନାଲ) ଫାଇନାଲ୍ସ ଟେନିସ ଟୁର୍ନାମେଣ୍ଟରେ ରାଫାଲ ନାଡାଲଙ୍କୁ ହରାଇ ବିପର୍ଯ୍ୟୟ ସୃଷ୍ଟି କରିଛନ୍ତି ଡୋମିନିକ୍‌ ଥିମ୍‌। ଅନ୍ୟ ଏକ ମ୍ୟାଚରେ ଗତଥରର ଚାମ୍ପିୟନ ଷ୍ଟିଫାନୋସ ସିତ୍‌ସିପାସ ନବାଗତ ଆନ୍ଦ୍ରେ ରୁବଲେଭ୍‌ଙ୍କୁ ପରାସ୍ତ କରି ସେମିଫାଇନାଲ ଆଶା ଉଜ୍ଜୀବିତ କରିଛନ୍ତି। ଅଷ୍ଟ୍ରିଆର ଥିମ୍‌ ଟାଇବ୍ରେକରରେ ଦମ୍‌ଦାର ପ୍ରଦର୍ଶନ କରି ୨୦ ଥର ଚାମ୍ପିୟନ ସ୍ପେନର ନାଡାଲଙ୍କୁ ହରାଇ ସେମିଫାଇନାଲରେ ପ୍ରବେଶ କରିଛନ୍ତି। ତୀବ୍ର ସଂଘର୍ଷପୂର୍ଣ୍ଣ ମ୍ୟାଚରେ ଥିମ୍‌ ୭-୬(୭), ୭-୬(୪) ସେଟ୍‌ରେ ବିଜୟୀ ହୋଇଛନ୍ତି। ଗତ ଜାନୁୟାରୀରେ ଅନୁଷ୍ଠିତ ଅଷ୍ଟ୍ରେଲିଆନ ଓପନ କ୍ୱାର୍ଟର ଫାଇନାଲ ପରେ ନାଡାଲଙ୍କୁ ପ୍ରଥମଥର ଭେଟିଥିଲେ ଥିମ୍‌। ମାତ୍ର ସେତେବେଳ ପରି ଏଥର ମଧ୍ୟ ଟାଇବ୍ରେକରରେ ସେ ପ୍ରଭାବୀ ପ୍ରଦର୍ଶନ କରି ସଫଳ ହୋଇଛନ୍ତି। ୟୁଏସ୍‌ ଓପନ ଚାମ୍ପିୟନ ଥିମ୍‌ ଗତ ରବିବାର ସିତ୍‌ସିପାସଙ୍କୁ ହରାଇ ଅଭିଯାନ ଆରମ୍ଭ କରିଥିଲେ। ଅନ୍ୟପକ୍ଷରେ ରୁବଲେଭ କ୍ରମାଗତ ଦ୍ୱିତୀୟ ପରାଜୟ ବରଣ କରିଛନ୍ତି। ନିଜର ଦ୍ୱିତୀୟ ମ୍ୟାଚରେ ସେ ସିତ୍‌ସିପାସଙ୍କଠାରୁ ୧-୬, ୬-୪, ୬(୬)-୭ ସେଟ୍‌ରେ ପରାସ୍ତ ହୋଇଛନ୍ତି। ପ୍ରଥମ ମ୍ୟାଚରେ ସେ ନାଡାଲଙ୍କଠାରୁ ହାରିଥିଲେ। ଅନ୍ୟପକ୍ଷରେ ବିଜୟ ସହ ଅଭିଯାନ ଆରମ୍ଭ କରିଥିବା ନାଡାଲ ଦ୍ୱିତୀୟ ମ୍ୟାଚରେ ପରାଜିତ ହୋଇଥିବାରୁ ସେମିଫାଇନାଲରେ ପହଞ୍ଚତ୍ ପାରିନାହାନ୍ତି। ସେ ଗୁରୁବାର ସିତ୍‌ସିପାସଙ୍କୁ ଭେଟିବେ। ଏହି ମ୍ୟାଚରେ ବିଜୟୀ ହେଲେ ସେମିଫାଇନାଲ ପ୍ରବେଶ ସୁଯୋଗ ସୃଷ୍ଟି ହେବ। ପୂର୍ବରୁ ସେ କେବେହେଲେ ଏଟିପି ଫାଇନାଲ୍ସ ଟାଇଟଲ ଜିତିପାରି ନାହାନ୍ତି। ମ୍ୟାଚପରେ ନାଡାଲ ଥିମ୍‌ଙ୍କୁ ପ୍ରଶଂସା କରିଥିଲେ ହେଁ ଉଭୟ ଭଲ ପ୍ରଦର୍ଶନ କରିଥିବା ପ୍ରକାଶ କରିଛନ୍ତି। ”ଆମେ ଦୁହେଁ ଉଚ୍ଚସ୍ତରର ପ୍ରଦର୍ଶନ ଦେଇଥିଲୁ। ମାତ୍ର ଉଚିତ ସମୟରେ ସେ ଶ୍ରେଷ୍ଠ ପ୍ରଦର୍ଶନ କରି ଫାଇଦାରେ ରହିଲେ। ଆଗାମୀ ମ୍ୟାଚକୁ ନେଇ ମୁଁ ଦୃଢ଼ ଆଶାୟୀ“ ବୋଲି ନାଡାଲ ପ୍ରକାଶ କରିଛନ୍ତି। ଅନ୍ୟପକ୍ଷରେ କ୍ୟାରିୟରରେ ଏହା ତାଙ୍କର ଅନ୍ୟତମ ଶ୍ରେଷ୍ଠ ପ୍ରଦର୍ଶନ ଥିଲା ବୋଲି ଥିମ୍‌ ପ୍ରକାଶ କରିଛନ୍ତି। ଟୁର୍ନାମେଣ୍ଟରେ ପ୍ରଥମଥରପାଇଁ ଇଲେକ୍ଟ୍ରୋନିକ୍‌ ଲାଇନ୍‌ କଲିଂ ବ୍ୟବହାର କରାଯାଉଛି। ତେଣୁ ବଲ୍‌ ଇନ୍‌ କିମ୍ବା ଆଉଟ୍‌ କ୍ଷେତ୍ରରେ ଖେଳାଳିମାନେ ଚ୍ୟାଲେଞ୍ଜ୍‌ କରିପାରିବେ ନାହିଁ। ମାତ୍ର ଡବଲ ବାଉନ୍ସ ପରି ଅନ୍ୟ ବିବାଦୀୟ ନିଷ୍ପତ୍ତି କ୍ଷେତ୍ରରେ ସେମାନେ ଭିଡିଓ ରିଭ୍ୟୁପାଇଁ ଆବେଦନ କରିପାରିବେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ବରଫ ପାହାଡ ଉପରୁ ନୂଆବର୍ଷ ଶୁଭେଚ୍ଛା ଜଣାଇଲେ ବିରୁଷ୍କା

ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ସ୍ତ୍ରୀ ତଥା ଅଭିନେତ୍ରୀ ଅନୁଷ୍କା ଶର୍ମାଙ୍କ ସହ ନୂଆବର୍ଷ ପାଳିବା ପାଇଁ ସୁଇଜରଲାଣ୍ଡରେ ପହଞ୍ଚିଛନ୍ତି। ସେଠାରେ ବରଫ...

ଗଣ୍ଡରପୁରକପ୍‌ ଫୁଟବଲ: ଫାଇନାଲରେ କଟକ ସ୍ପୋଟର୍‌ସ ହଷ୍ଟେଲ

ଭୁବନେଶ୍ୱର, ୬।୧୨(ସ୍ପୋଟର୍‌ସ ବ୍ୟୁରୋ)- ରାଜ୍ୟସ୍ତରୀୟ ଗଣ୍ଡରପୁର କପ୍‌ ଫୁଟବଲ ଟୁର୍ନାମେଣ୍ଟର ଗୁରୁବାର ଅନୁଷ୍ଠିତ ସହରାଞ୍ଜଳ ବିଭାଗର ପ୍ରଥମ ସେମିଫାଇନାଲରେ ଭୁବନେଶ୍ୱରର ଜଗା ୟୁନାଇଟେଡକୁ ୨-୦ ଗୋଲରେ...

ମାଇକ ବ୍ରାୟନ ଦଣ୍ଡିତ

ନ୍ୟୁୟର୍କ,୨।୯(ଏଟିପି): ଷ୍ଟାର ଆମେରିକାନ ଡବଲ୍ସ ଖେଳାଳି ମାଇକ ବ୍ରାୟନଙ୍କୁ ରବିବାର ୟୁଏସ୍‌ ଓପନ ଟୁର୍ନାମେଣ୍ଟ ପକ୍ଷରୁ ୧୦ ହଜାର ଡଲାର ଜରିମାନା କରାଯାଇଛି। ସେ ଅଫିସିଆଲଙ୍କ...

ଇଣ୍ଡିଆନ ସୁପର ଲିଗ୍‌: କେରଳକୁ ହରାଇଲା ମୁମ୍ବାଇ

ବାମ୍ବୋଲିନ୍‌,୩।୧: ଚଳିତ ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ୍‌)ରେ ଶନିବାର ଖେଳଯାଇଥିବା ମ୍ୟାଚରେ ମୁମ୍ବାଇ ସିଟି ଏଫ୍‌ସି ୨-୦ ଗୋଲରେ କେରଳ ବ୍ଲାଷ୍ଟର୍ସକୁ ପରାସ୍ତ କରିଛି। ମୁମ୍ବାଇ...

ଡି’ଭିଲର୍ସଙ୍କ ଉପରେ ଅଖତରଙ୍କ ବଡ଼ ବୟାନ

ଲଣ୍ଡନ, ୮ା୬- ଦକ୍ଷିଣ ଆଫ୍ରିକୀୟ କ୍ରିକେଟର ଏବି ଡି’ଭିଲର୍ସଙ୍କ ସମ୍ପର୍କରେ ପୂର୍ବତନ ପାକିସ୍ତାନ ପେସର ଶୋଏବ ଅଖତର ଶନିବାର ବଡ଼ ବୟାନ ଦେଇଛନ୍ତି। ପୂର୍ବତନ ଦକ୍ଷିଣ...

ଓଡ଼ିଆ ଝିଅ ଚେଲ୍‌ସିଙ୍କୁ ପ୍ରଶଂସା କଲେ ସଚିନ ତେନ୍ଦୁଲକର, ସୋନା ମହାପାତ୍ର କହିଲେ ଏମିତି କଥା

ସୋନି ଟିଭି ପକ୍ଷରୁ ପ୍ରସାରିତ ଇଣ୍ଡିଆନ ଆଇଡଲ-୧୧ରେ ନଜର ଆସିଛନ୍ତି ପୁଣି ଜଣେ ଓଡିଆ ଝିଅ। ସେ ହେଉଛନ୍ତି ଚେଲ୍‌ସି ବେଉରା। ଇଶକ୍‌ଜାଦେ ଫିଲ୍ମର ‘ମେଁ...

୬୦ ବର୍ଷରୁ କମ୍‌, ୨ ବର୍ଷର ଅଭିଜ୍ଞତା ଥିଲେ ହୋଇପାରିବ କୋଚ୍‌

ନୂଆଦିଲ୍ଲୀ, ୧୬।୭ (ପି.ଟି.)- ଭାରତୀୟ କ୍ରିକେଟ୍‌ କଣ୍ଟ୍ରୋଲ ବୋର୍ଡ (ବିସିସିଆଇ) ପୁରୁଷ ଦଳର ମୁଖ୍ୟ ପ୍ରଶିକ୍ଷକଙ୍କ ସମେତ ସପୋର୍ଟ ଷ୍ଟାଫ୍‌ ଲାଗି ମଙ୍ଗଳବାର ବିଧିବଦ୍ଧ ଭାବେ...

ଇଂଲଣ୍ଡ ଗସ୍ତ: ପାକିସ୍ତାନ ଦଳରେ ନବାଗତ ହାଇଦର

କରାଚୀ,୧୨।୬ (ପି.ଟି.): ଆଗାମୀ ଇଂଲଣ୍ଡ ଗସ୍ତ ପାଇଁ ପାକିସ୍ତାନ ଏକ ୨୯ ଜଣିଆ ଦଳ ଘୋଷଣା କରିଛି। ଏଥିରେ ୪ ବର୍ଷ ପରେ ଦ୍ରୁତ ବୋଲର...

Advertisement

BGU

Archives

Model This Week

Why Dharitri