ବିଧାନସଭା ଖବର

୨୮ ସରକାରୀ ଉଦ୍ୟୋଗରେ ତାଲା

ରାଜ୍ୟରେ ୨୮ସରକାରୀ ଉଦ୍ୟୋଗରେ ତାଲା ପଡ଼ିଛି। କଂଗ୍ରେସ ବିଧାୟକ ତାରାପ୍ରସାଦ ବାହିନୀପତିଙ୍କ ଏକ ପ୍ରଶ୍ନର ଉତ୍ତର ଦେଇ ସୋମବାର ଏହି ତଥ୍ୟ ରଖିଛନ୍ତି ସରକାରୀ ଉଦ୍ୟୋଗ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା। ୨୮ ଉଦ୍ୟୋଗରେ ତାଲା ଝୁଲୁଥିଲେ ମଧ୍ୟ ଏହାକୁ କାର୍ଯ୍ୟକ୍ଷମ କରିବା ପାଇଁ ସରକାରଙ୍କର ବର୍ତ୍ତମାନ କୌଣସି ପ୍ରସ୍ତାବ ନାହିଁ। ଯଦି ସମ୍ପୃକ୍ତ ବିଭାଗରୁ ଏନେଇ ପ୍ରସ୍ତାବ ହସ୍ତଗତ ହୁଏ ତା’ ହେଲେ ପଦକ୍ଷେପ ଗ୍ରହଣ କରାଯିବ ବୋଲି ମନ୍ତ୍ରୀ କହିଛନ୍ତି। ବନ୍ଦ ହୋଇ ରହିିଥିବା ଏହି ଉଦ୍ୟୋଗଗୁଡ଼ିକ ମଧ୍ୟରେ ଓଡ଼ିଶା ଇଲେକ୍ଟ୍ରିକାଲ ମ୍ୟାନୁଫାକ୍‌ଚରିଂ କୋ ଲିମିଟେଡ୍‌, ଗଜପତି ଷ୍ଟିଲ୍‌ ଇଣ୍ଡଷ୍ଟ୍ରିଜ୍‌, ମଡର୍ନ ମାଲିଏବୁଲ୍‌ କାଷ୍ଟିଂ କୋ ଲିମିଟେଡ୍‌, ଇଷ୍ଟର୍ନ ଆକ୍ୱାଟିକ୍‌ ପ୍ରଡକ୍ଟ ଲିମିଟେଡ୍‌, ପ୍ରିମିୟର୍‌ ବୋଲ୍ଟସ ଆଣ୍ଡ ନଟ୍ସ ଲିମିଟେଡ୍‌, ମ୍ୟାନୁଫାକ୍‌ଚର ଇଲେକ୍ଟ୍ରୋ ଲିମିଟେଡ୍‌, ଓଡ଼ିଶା ବୋଟ୍‌ ବିଲ୍ଡର୍ସ ଲିମିଟେଡ୍‌, କୋଣାର୍କ ଡିଟରଜେଣ୍ଟ ଆଣ୍ଡ ସୋପ୍‌ସ ଲିମିଟେଡ୍‌, ଓଡ଼ିଶା ଇନ୍‌ଷ୍ଟ୍ରୁମେଣ୍ଟ କମ୍ପାନୀ ଲିମିଟେଡ୍‌, ଓଡ଼ିଶା ଲେଦର ଇଣ୍ଡଷ୍ଟ୍ରିଜ୍‌, ହୀରା ଷ୍ଟିଲ୍‌ ଆଣ୍ଡ୍‌ ଆଲୟ ଲିମିଟେଡ୍‌, ଓଡ଼ିଶା ଷ୍ଟେଟ୍‌ ଲେଦର କର୍ପୋରେଶନ, କୋଣାର୍କ ଟେଲିଭିଜନ, ମୟୂରଭଞ୍ଜ ଟେକ୍ସଟାଇଲ, ନ୍ୟୁ ମୟୂରଭଞ୍ଜ ଟେକ୍ସଟାଇଲ, ଏଲ୍‌ମାର୍କସ, ଓଡ଼ିଶା ଷ୍ଟେଟ୍‌ କମର୍ସିଆଲ ଟ୍ରାନ୍ସପୋର୍ଟ କର୍ପୋରେଶନ, ଓଡ଼ିଶା ଷ୍ଟେଟ୍‌ ହ୍ୟାଣ୍ଡ୍‌ଲୁମ୍‌ ଡେଭଲପ୍‌ମେଣ୍ଟ କର୍ପୋରେଶନ ଆଦି ରହିଛି।
ଖୋଲିବ ୧୫୬୭ ଅଙ୍ଗନଓ୍ବାଡିି କେନ୍ଦ୍ର
ରାଜ୍ୟରେ ଖୁବ୍‌ଶୀଘ୍ର ଖୋଲିବ ୧୫୬୭ ନୂଆ ଅଙ୍ଗନଓ୍ବାଡ଼ି କେନ୍ଦ୍ର। ଏନେଇ ପଦକ୍ଷେପ ନିଆଯାଇଥିବା ମହିଳା ଓ ଶିଶୁବିକାଶ ଏବଂ ମିଶନଶକ୍ତି ମନ୍ତ୍ରୀ ଟୁକୁନୀ ସାହୁ ସୋମବାର ବିଧାୟକ ଧ୍ରୁବଚରଣ ସାହୁଙ୍କ ଏକ ପ୍ରଶ୍ନର ଉତ୍ତରରେ ଏହା କହିଛନ୍ତି। କେନ୍ଦ୍ର ସରକାରଙ୍କ ମଞ୍ଜୁରୀ ଆଧାରରେ ଅଙ୍ଗନଓ୍ବାଡ଼ି ଓ ମିନି ଅଙ୍ଗନଓ୍ବାଡ଼ି କେନ୍ଦ୍ର ଖୋଲାଯାଇଥାଏ। ଏହି ଅନୁଯାୟୀ ରାଜ୍ୟରେ ୭୪୧୫୪ ଅଙ୍ଗନଓ୍ବାଡ଼ି କେନ୍ଦ୍ର କରିବାକୁ ମଞ୍ଜୁର ହୋଇଛି। ବର୍ତ୍ତମାନ ୭୨୫୮୭ କେନ୍ଦ୍ର କାର୍ଯ୍ୟକ୍ଷମ ଥିବା ବେଳେ ବଳକା ୧୫୬୭ ନୂଆ ଅଙ୍ଗନଓ୍ବାଡି କାର୍ଯ୍ୟକ୍ଷମ ହେବାକୁ ଯାଉଥିବା ମନ୍ତ୍ରୀ କହିଛନ୍ତି।
ଚଳିତବର୍ଷ ୬ ଇଞ୍ଜିନିୟରିଂ କଲେଜ ଛାତ୍ରଶୂନ୍ୟ
ରାଜ୍ୟରେ ଥିବା ଘରୋଇ ଇଞ୍ଜିନିୟରିଂ କଲେଜଗୁଡ଼ିକ ମଧ୍ୟରୁ ୨୦୧୯-୨୦ ଶିକ୍ଷାବର୍ଷରେ ୬କଲେଜ ଛାତ୍ରଶୂନ୍ୟ ରହିଛି। ଏହି ବେସରକାରୀ କଲେଜଗୁଡ଼ିକରେ ପ୍ରଥମ ବର୍ଷରେ ଜଣେ ହେଲେ ଛାତ୍ର ନାମ ଲେଖାଇନାହାନ୍ତି। ସେହିଭଳି ୩ ଘରୋଇ ଇଞ୍ଜିନିୟରିଂ କଲେଜ ଛାତ୍ର ଅଭାବରୁ ବନ୍ଦ ଲାଗି ଅନୁମତି ନେଇଛନ୍ତି। ଚଳିତ ଶିକ୍ଷାବର୍ଷରେ ଗୋଟିଏ କଲେଜ ବନ୍ଦ ପାଇଁ ଆବେଦନ କରିଛି ବୋଲି ଦକ୍ଷତା ବିକାଶ ଓ ବୈଷୟିକ ଶିକ୍ଷା ମନ୍ତ୍ରୀ ପ୍ରେମାନନ୍ଦ ନାୟକ କଂଗ୍ରେସ ବିଧାୟକ ତାରାପ୍ରସାଦ ବାହିନୀପତିଙ୍କ ଏକ ପ୍ରଶ୍ନର ଉତ୍ତରରେ କହିଛନ୍ତି। ଏହି କଲେଜଗୁଡ଼ିକୁ ସରକାରଙ୍କ ଆର୍ଥିକ ସହାୟତା ସମ୍ପର୍କରେ ପଚାରିବାରେ ମନ୍ତ୍ରୀ କହିଛନ୍ତି, ଘରୋଇ ଇଞ୍ଜିନିୟରିଂ କଲେଜଗୁଡ଼ିକ ସେଲ୍ଫ ଫାଇନାନ୍ସିଂ ମୋଡ୍‌ରେ ପରିଚାଳିତ ହୋଇଥାନ୍ତି। ତେଣୁ ସେମାନଙ୍କୁ ସରକାରୀ ଆର୍ଥିକ ସହାୟତା ଦେବା କିମ୍ବା ସ୍ବତନ୍ତ୍ର ପ୍ୟାକେଜ୍‌ ଘୋଷଣା କରିବାର ଆବଶ୍ୟକତା ନାହିଁ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବଳାତ୍କାର ପ୍ରସଙ୍ଗ: ମାନବାଧିକାର କମିଶନଙ୍କୁ ଭେଟିଲା ଭାଜପା

ଭୁବନେଶ୍ୱର, ୨୦।୧୦(ବ୍ୟୁରୋ):ମହିଳାଙ୍କ ପ୍ରତି ସରକାର ଓ ପ୍ରଶାସନର ଉଦାସୀନତା ମନୋଭାବ ଯୋଗୁ ବଳାତ୍କାର, ଘରୋଇ ହିଂସା ଏବଂ ହତ୍ୟା ଘଟଣା ବୃଦ୍ଧି ପାଉଛି। ଗଞ୍ଜାମ ଜିଲା...

ୟୁଥ୍‌ ରେଡକ୍ରସ୍‌ର ଜିଲା କାର୍ଯ୍ୟକାରୀ ସମ୍ମିଳନୀ

ନୟାଗଡ଼ ଅଫିସ,୨୧ା୯: ନୟାଗଡ଼ ସ୍ବୟଂଶାସିତ ମହାବିଦ୍ୟାଳୟ ପରିସରରେ ଶୁକ୍ରବାର ୟୁଥ୍‌ ରେଡକ୍ରସ୍‌ର ଏକ ଜିଲାସ୍ତରୀୟ କାର୍ଯ୍ୟକାରୀ ସମ୍ମିଳନୀ ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟର ଅଧ୍ୟକ୍ଷା ମେଜର ମଞ୍ଜୁଶ୍ରୀ...

ଏସ୍‌ସିବିକୁ ବିଶ୍ୱସ୍ତରୀୟ ଚିକିତ୍ସାଳୟ କରିବା ଲାଗି ପ୍ରକ୍ରିୟା ଆରମ୍ଭ, ଗୁରୁବାର ସମୀକ୍ଷା କରିବେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୨।୧(ବ୍ୟୁରୋ): କଟକ ସ୍ଥିତ ଶ୍ରୀରାମଚନ୍ଦ୍ର ଭଞ୍ଜ ମେଡିକାଲ କଲେଜ ଓ ହସ୍ପିଟାଲକୁ ବିଶ୍ୱସ୍ତରୀୟ କରିବା କାର୍ଯ୍ୟ ତ୍ୱରାନ୍ବିତ ହୋଇଛି। ଗୁରୁବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାର...

୧୦୦ କି.ମି. ଚାଲିଲେ ୫ ଯୁବକ

ପିପିଲି,୧୮ା୪(ଡି.ଏନ.ଏ): ଚାଲିବାକୁ ବଳ ପାଉନାହିଁ। ତଥାପି କଷ୍ଟେମଷ୍ଟେ ପାଦ ପକାଇବାକୁ ପଡ଼ୁଛି। ଭୋକ ବାଟ କଢାଇ ନେଉଛି। ଢେଙ୍କାନାଳରୁ ପିପିଲି ପାଖାପାଖି ୧୦୦ କିମି ଚାଲି...

ହକି ଖେଳାଳି ନମିତା ଟୋପ୍ପୋ ପାଇବେ ଏକଲବ୍ୟ ପୁରସ୍କାର

ଭୁବନେଶ୍ୱର,୮ା୧୧(ବ୍ୟୁରୋ)-ଅର୍ନ୍ତଜାତୀୟ ହକି ଖେଳାଳି ନମିତା ଟୋପ୍ପୋ ଚଳିତବର୍ଷ ପାଇବେ ସମ୍ମାନଜନକ ଏକଲବ୍ୟ ପୁରସ୍କାର। ତାଙ୍କୁ ୨୮ତମ ଏକଲବ୍ୟ ପୁରସ୍କାର ପ୍ରଦାନ କରାଯିବ ବୋଲି ଘୋଷଣା କରାଯାଇଛି।...

ଖୁଣ୍ଟସମଲାଇ ସଙ୍ଗରୋଧ କେନ୍ଦ୍ରରେ ବୃଦ୍ଧଙ୍କ ମୃତ୍ୟୁ: ପ୍ରଶାସନ ପକ୍ଷରୁ ପରିବାରକୁ ସୂଚନା ଦିଆଯାଇ ନ ଥିବାରୁ ଗ୍ରାମରେ ଉତ୍ତେଜନା

ପାଟଣାଗଡ଼,୨୩।୫ (ଡି.ଏନ୍‌.ଏ.): ବଲାଙ୍ଗୀର ଜିଲା ପାଟଣାଗଡ଼ ବ୍ଲକ ଖୁଣ୍ଟସମଲାଇ ସଂଗୋରଧ କେନ୍ଦ୍ରରେ ଶନିବାର ଜଣେ ବୃଦ୍ଧଙ୍କ ମୃତ୍ୟୁ ଘଟିଛି। ସେ ହେଲେ ଖୁଣ୍ଟସମଲାଇ ଗ୍ରାମର ଟିକେମଣି...

ଘରୁ ତରକାରି ଆଣି ପିଲା ଖାଇଲେ ମଧ୍ୟାହ୍ନଭୋଜନ

ପଦ୍ମପୁର,୫ା୧(ଡି.ଏନ୍‌.ଏ.)- ପିଲାଙ୍କୁ ବିଦ୍ୟାଳୟ ମୁହାଁ କରିବା ପାଇଁ ସରକାର ମଧ୍ୟାହ୍ନଭୋଜନର ବ୍ୟବସ୍ଥା କରିଛନ୍ତି। ହେଲେ ଏହା ଠିକ୍‌ ଭାବେ କାର୍ଯ୍ୟକାରୀ ହେଉନି। ମଧ୍ୟାହ୍ନଭୋଜନରେ ପିଲାଙ୍କୁ ତରକାରି...

ଭଗାମୁଣ୍ଡାର ପରିଚୟ ରେଶମ ଶିଳ୍ପ

ଯୋଡ଼ା,୬।୩(ଡି.ଏନ.ଏ.)-ଖଣି, ବୈତରଣୀ ଓ ମା’ ତାରିଣୀଙ୍କୁ ନେଇ ସାରା ରାଜ୍ୟ ତଥା ଦେଶରେ କେନ୍ଦୁଝର ଜିଲା ପ୍ରସିଦ୍ଧି ଲାଭ କରିଥିବାବେଳେ ଏବେ ଆଉ ଏକ କୁଟୀରଶିଳ୍ପ...

Play 250+ Trending Games
Archives

Model This Week

Why Dharitri