ଭୁବନେଶ୍ୱର,୧୨।୭: ଓଡ଼ିଶା କ୍ରିକେଟ୍ ଆସୋସିଏଶନର ପୂର୍ବତନ ସଭାପତି ଆଶୀର୍ବାଦ ବେହେରା ତାଙ୍କ ପକ୍ଷ ବଦଳାଇଛନ୍ତି। ପୂର୍ବରୁ ସେ ବିଜେଡିକୁ ସମର୍ଥନ କରୁଥିଲେ ଏବେ ଭାଜପାକୁ ସମର୍ଥନ କରିବେ ବୋଲି କହିଛନ୍ତି । ଆଗକୁ ଓସିଏରେ ଲଲିତେନ୍ଦୁ ବିଦ୍ୟାଧର ମହାପାତ୍ରଙ୍କ ପ୍ରବେଶ ନେଇ ଚର୍ଚ୍ଚା ହେଉଥିବା ବେଳେ ଏ ବିଷୟରେ ସେ କହିଛନ୍ତି, କୀଡାରେ ଦଳଗତ ରାଜନୀତି ନାହିଁ। ବିନା ଅନୁଦାନରେ କ୍ରୀଡାର ବିକାଶ ହୋଇପାରିବ ନାହିଁ । ଏଣୁ କ୍ରୀଡା ସଂଗଠନ ଗୁଡିକ ସରକାରଙ୍କ ସହ ରହିବାକୁ ପଡ଼ିବ । ବର୍ତ୍ତମାନ ଓସିଏରେ ପ୍ରଣବ ପ୍ରକାଶ ଦାସ ଅଛନ୍ତି, ଆଗକୁ ଲଲିତେନ୍ଦୁ ବିଦ୍ୟାଧର ମହାପାତ୍ର ଓସିଏକୁ ଆସିଲେ ତାଙ୍କୁ ସେ ସମର୍ଥନ କରିବେ । ଓସିଏର ନିର୍ବାଚନ ୨୦୨୫ରେ ହେବ, ସେହି ସମୟରେ ଲଳିତେନ୍ଦୁଙ୍କ ନାମ ଆସିଲେ ବିଚାର କରାଯିବ ବୋଲି ଆଶୀର୍ବାଦ ବେହେରା କହିଛନ୍ତି । ଏଥିସହ ଫୁଟବଲ ଆସୋସିଏଶନ ଅଫ ଓଡ଼ିଶାର ନୂତନ ସଭାପତି ସମୀର ଦେ ନିର୍ଦ୍ୱନ୍ଦରେ ନିର୍ବାଚିତ ହୋଇଥିବାରୁ ସେ ତାଙ୍କୁ ସ୍ବାଗତ ଜଣାଇଛନ୍ତି।
