ମୁମ୍ବାଇ,୨୮।୧୦: ଅଭିନେତା ଶାହରୁଖ ଖାନଙ୍କ ପୁଅ ଆର୍ୟ୍ୟନଙ୍କୁ କ୍ରୁଜ୍ ଡ୍ରଗ୍ସ ମାମଲାରେ ଶେଷରେ ଜାମିନ ମିଳିଛି। ଗୁରୁବାର ବମ୍ବେ ହାଇକୋର୍ଟ ଲଗାତର ୩ ଦିନ ଶୁଣାଣି ପରେ ତାଙ୍କୁ ଜାମିନ ପ୍ରଦାନ କରିଛନ୍ତି। ଏହାସହ ଆର୍ୟନଙ୍କ ଦୁଇ ସାଙ୍ଗ ଅରବାଜ ମର୍ଚ୍ଚାଣ୍ଟ ଏବଂ ମୁନମୁନ ଧନେଚାଙ୍କୁ ମଧ୍ୟ ଜାମିନ ମିଳିଛି। ଏହାପୂର୍ବରୁ ସେସନ୍ସ କୋର୍ଟ ତାଙ୍କ ଜାମିନ ଆବେଦନ ଖାରଜ କରିଦେଇଥିଲେ। ଆର୍ୟନ ଖାନଙ୍କ ଓକିଲ ମୁକୁଲ ରୋହତଗୀ କହିଛନ୍ତି, ଶୁକ୍ରବାର କୋର୍ଟ ତାଙ୍କ ନିଷ୍ପତ୍ତି ଉପରେ ବିସ୍ତୃତ ନିର୍ଦ୍ଦେଶ ଜାରି କରିବେ, ଯାହା ପରେ ଆସନ୍ତାକାଲି କିମ୍ବା ପରଦିନ ସମସ୍ତ ଅଭିଯୁକ୍ତ ଜେଲରୁ ବାହାରିବେ। ଏନସିବି ଏହାର ଯୁକ୍ତି ଉପସ୍ଥାପନ କରିବା ପରେ ବମ୍ବେ ହାଇକୋର୍ଟ ଜାମିନ ଦେଇଛନ୍ତି।
ସୂଚନାଯୋଗ୍ୟ, ଅକ୍ଟୋବର ୨ରେ ମୁମ୍ବାଇରେ କ୍ରୁଜ ପାର୍ଟିରେ ଚଢାଉ ପରେ ଆର୍ୟନଙ୍କ ସମେତ ୮ ଜଣଙ୍କୁ ଏନ୍ସିବି ଗିରଫ କରିଥିଲା।
