ଭୋପାଳ,୧୪ ।୩: ଆମ ଆଦମୀ ପାର୍ଟି(ଏଏପିର) ରାଷ୍ଟ୍ରୀୟ ସଂଯୋଜକ ତଥା ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ମଧ୍ୟପ୍ରଦେଶ ନିର୍ବାଚନକୁ ନେଇ ବଡ ଘୋଷଣା କରିଛନ୍ତି । ସେ ମଙ୍ଗଳବାର ଭୋପାଳରେ କହିଛନ୍ତି ଆମ ଆଦମୀ ପାର୍ଟି ମଧ୍ୟପ୍ରଦେଶର ଆଗାମୀ ବିଧାନସଭା ନିର୍ବାଚନରେ ସମସ୍ତ ଆସନରେ ନିର୍ବାଚନ ଲଢିବ । ସେ କହିଛନ୍ତି, ମଧ୍ୟ ପ୍ରଦେଶ ଲୋକଙ୍କ ପାଇଁ ଏବେ ଏଏପି ବିକଳ୍ପ ହେବ ।
ପଞ୍ଜାବର ମୁଖ୍ୟମନ୍ତ୍ରୀ ଭଗୱନ୍ତ ମାନ ବି କେଜରିୱାଲଙ୍କ ସହ ଭୋପାଳ ପହଞ୍ଚିଥିଲେ । କେଜରିୱାଲ କହିଥିଲେ ଭାଜପା ଓ କଂଗ୍ରେସ ୨୦ ବର୍ଷ ହେବ ରାଜ୍ୟରେ ରାଜ ଚଳାଇଛନ୍ତି । ହେଲେ ଏବେ ଆମ ଆଦମୀ ପାର୍ଟି ପାଇଁ ବିକଳ୍ପ ହେବ । ସେ ଲୋକ ସଭା ନିର୍ବାଚନକୁ ନେଇ କହିଛନ୍ତି, ସାଧାରଣ ନିର୍ବାଚନରେ ଭାଜପାକୁ ବଡ ସମସ୍ୟା ହେବ, ମୋଦି ଆମ ଆଦମୀ ପାର୍ଟିକୁ ଭୟ କରୁଛନ୍ତି ।
