ଗ୍ୟାଙ୍ଗଟକ,୧୭।୩: ପ୍ରବଳ ତୁଷାରପାତ ପରେ ପୂର୍ବ ସିକ୍କିମର ଉପର ଅଞ୍ଚଳରେ ଫସି ରହିଥିବା ମହିଳା ଶିଶୁଙ୍କ ସମେତ ୧୦୦୦ରୁ ଅଧିକ ପର୍ଯ୍ୟଟକଙ୍କୁ ଭାରତୀୟ ସେନା ସ୍ଥାନାନ୍ତର କରିଛି। ସେ କହିଛନ୍ତି ଯେ ବୁଧବାର ଅପରାହ୍ନରେ ନାଥୁ ଲା, ସୋମଗୋ (ଚାଙ୍ଗୁ) ହ୍ରଦ ଏବଂ ଏହାର ଆଖପାଖ ଅଞ୍ଚଳରେ ପ୍ରବଳ ତୁଷାରପାତ ହୋଇଥିଲା। ଅଧିକାରୀଙ୍କ କହିବାନୁସାରେ, ତୁଷାରପାତ କାରଣରୁ ଗାଡି ଚଲାଇବା କଷ୍ଟକର ହୋଇପଡ଼ିଥିଲା, ଯାହା ପରେ ୧୦୦୦ରୁ ଅଧିକ ପର୍ଯ୍ୟଟକ ଏବଂ ୨୦୦ ଯାନବାହାନ ଫସି ରହିଥିଲା। ଏହାପରେଏହି ଅଞ୍ଚଳରେ ନିୟୋଜିତ ସେନାମାନେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ ଏବଂ ଆଠ ଘଣ୍ଟାର ଅପରେଶନ ପରେ ପର୍ଯ୍ୟଟକମାନଙ୍କୁ ଏକ ସୁରକ୍ଷିତ ସ୍ଥାନକୁ ଅଣାଯାଇଥିଲା। ପ୍ରକାଶ ଯେ, ସମସ୍ତ ପର୍ଯ୍ୟଟକଙ୍କୁ ଆବାସ, ଗରମ ଖାଦ୍ୟ, ଉଷୁମ ପୋଷାକ ଏବଂ ଚିକିତ୍ସା ସହାୟତା ଯୋଗାଇ ଦିଆଯାଇଥିବା ପ୍ରଶାସନ ପକ୍ଷରୁ ସୂଚନା ମିଳିଛି।
