ଦକ୍ଷିଣ ଫିଲ୍ମ ଇଣ୍ଡଷ୍ଟ୍ରିର ସବୁଠାରୁ ଚର୍ଚ୍ଚିତ ତଥା ଲୋକପ୍ରିୟ ଅଭିନେତ୍ରୀ ହେଉଛନ୍ତି ଅନୁଷ୍କା ଶେଟ୍ଟୀ । ଖୁବ୍ କମ୍ ସମୟ ମଧ୍ୟରେ ଅନୁଷ୍କା ନିଜର ସୌନ୍ଦର୍ଯ୍ୟ ଏବଂ ସୁନ୍ଦର ଅଭିନୟ ମାଧ୍ୟମରେ ଇଣ୍ଡଷ୍ଟ୍ରିରେ ନିଜର ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି। ପ୍ରତ୍ୟେକ ବଡ଼ ବଡ଼ ନିମର୍ର୍ାତା, ନିର୍ଦ୍ଦେଶକ ତାଙ୍କ ସହ କାମ କରିବାକୁ ଚାହୁଁଛନ୍ତି। କିନ୍ତୁ ଆଜି ଅନୁଷ୍କା ଯେଉଁ ସ୍ଥାନରେ ପହଞ୍ଚି ପାରିଛନ୍ତି ତାହା ତାଙ୍କ ପାଇଁ ସହଜ ନ ଥିଲା। ଏହି ସଫଳତା ପାଇବା ପାଇଁ ତାଙ୍କୁ ବହୁତ ସଂଘର୍ଷ କରିବାକୁ ପଡ଼ିଛି। ଗୋଟିଏ ସମୟରେ ଥିଲା ସେ ଅନେକ ଫ୍ଲପ୍ ଫିଲ୍ମରେ କାମ କରିଥିଲେ। ଏପରିକି ଫିଲ୍ମ ଇଣ୍ଡଷ୍ଟ୍ରି ଛାଡିବା ପାଇଁ ମଧ୍ୟ ମନ ବଳାଇଥିଲେ। ତେବେ ଆଶ୍ଚର୍ଯ୍ୟର କଥା ହେଉଛି, ସେ କେବେହେଲେ ଅଭିନୟ କରିବାକୁ ଚାହୁଁ ନ ଥିଲେ। କାରଣ ତାଙ୍କ ପରିବାରର ସମସ୍ତେ ଡାକ୍ତର ଏବଂ ଇଞ୍ଜିନିୟର। ତେଣୁ ସେ ମଧ୍ୟ ସେହି କ୍ଷେତ୍ରରେ ନିଜର କ୍ୟାରିୟର କରିବାକୁ ଚାହୁଁଥିଲେ। ଗ୍ରାଜୁଏଶନ ଶେଷ ହେବା ପରେ ଅନୁଷ୍କା ତୃତୀୟ ଶ୍ରେଣୀର ପିଲାମାନଙ୍କୁ ଟ୍ୟୁସନ କରୁଥିଲେ। ଏହା ପରେ ସେ ଲୋକଙ୍କୁ ଯୋଗ ଶିଖାଇବା ଆରମ୍ଭ କଲେ। ଯୋଗ ଶିକ୍ଷାଇବାକୁ ଅନୁଷ୍କା ଭାରି ଭଲ ପାଉଥିଲେ। ଏହି ସମୟ ତାଙ୍କ ଜୀବନର ସବୁଠାରୁ ଭଲ ସମୟ ବୋଲି ଅନୁଷ୍କା କୁହନ୍ତି। ଅନୁଷ୍କା ତାଙ୍କ ଗୁରୁ ଭରତ ଠାକୁରଙ୍କଠାରୁ ଯୋଗ ଶିଖିଥିଲେ। କିନ୍ତୁ ଯୋଗ ଶିଖାଉଥିବା ବେଳେ ଅନୁଷ୍କାଙ୍କ ଅଭିନୟ ପ୍ରତିଭା ପ୍ରଥମେ ମେହେର ରମେଶ ଦେଖିପାରିଥିଲେ। ତେଣୁ ସେ ପୁରୀ ଜଗନଙ୍କୁ ତାଙ୍କ ଫିଲ୍ମରେ ଅନୁଷ୍କାଙ୍କୁ ନେବାକୁ କହିଥିଲେ। ଏହିପରି ଭାବେ ଅନୁଷ୍କାଙ୍କୁ ପ୍ରଥମ ଫିଲ୍ମ ‘ସୁପର’ ମିଳିଥିଲା। କିନ୍ତୁ ଏହି ଫିଲ୍ମ ବକ୍ସ ଅଫିସରେ ସେତେଟା ସଫଳ ହୋଇ ନ ଥିଲା। ପରେ ସେ ଏସ୍ ଏସ୍ ରାଜମୌଲୀଙ୍କ ନିର୍ଦ୍ଦେଶିତ ଫିଲ୍ମ ‘ବିକ୍ରମାକୁଦୁ’ରେ ସୁଯୋଗ ପାଇଲେ। ଏହା ପରେ ଅନୁଷ୍କା ଅନେକ ସଫଳ ସିନେମାରେ କାମ କଲେ। ଏହିପରି ଭାବେ ସେ ବାହୁବଳୀର ଦେବସେନା ମଧ୍ୟ ହୋଇଗଲେ।
