ମୁମ୍ବାଇ,୩୧।୧୦ : ନିର୍ବାଚନ ପୂର୍ବରୁ ବ୍ରିହାନମ୍ବାଇ ମ୍ୟୁନିସିପାଲ କର୍ପୋରେଶନ (ବିଏମସି)ରେ ଏକ ବଡ଼ ଆଲୋଡ଼ନ ସୃଷ୍ଟି ହୋଇଛି। ମହାରାଷ୍ଟ୍ରର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ସରକାର ସିଏଜିଙ୍କ ମାଧ୍ୟମରେ ବିଏମ୍ସିର ୨ ବର୍ଷ କାର୍ଯ୍ୟର ତଦନ୍ତ ନିର୍ଦ୍ଦେଶ ଦେଇଛନ୍ତି। କୋରୋନା ଭାଇରସ ମହାମାରୀ ସମୟରେ ବିଏମସି ଦ୍ୱାରା ନିଆଯାଇଥିବା ନିଷ୍ପତ୍ତି ମଧ୍ୟ ସିଏଜି ଅଧୀନରେ ଆସିବାର ସମ୍ଭାବନା ରହିଛି। ରାଜ୍ୟ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଅଗଷ୍ଟ ୨୪ରେ ମହାରାଷ୍ଟ୍ର ବିଧାନସଭାରେ ସିଏଜି ଅଡିଟ ସମ୍ପର୍କରେ ଘୋଷଣା କରିଥିଲେ।
ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଶନିବାର ୨୮ନଭେମ୍ବର ୨୦୧୯ ରୁ ୨୮ ଫେବୃଆରୀ ୨୦୨୨ ମଧ୍ୟରେ ବିଏମସି ପକ୍ଷରୁ ୧୨ ହଜାର କୋଟି ଟଙ୍କା ମୂଲ୍ୟର ପ୍ରକଳ୍ପ ଯାଞ୍ଚ କରିବାକୁ ସିଏଜିକୁ ହସ୍ତାନ୍ତର କରିଛନ୍ତି। ସେହି ସମୟ ମଧ୍ୟରେ ରାଜ୍ୟରେ ମହାଭିକାଶ ଆଘାଡ଼ି ସରକାର ଥିଲେ। ଏଥି ସହିତ ବିଏମସିକୁ ତତ୍କାଳୀନ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ନେତୃତ୍ୱାଧୀନ ଶିବସେନା ମଧ୍ୟ ନିୟନ୍ତ୍ରଣ କରିଥିଲା।
ମିଡିଆ ରିପୋର୍ଟ ଅନୁଯାୟୀ, ଜୁନ-ଜୁଲାଇ ୨୦୨୧ ରେ ବିଏମସି ବିଭିନ୍ନ ଡାକ୍ତରଖାନାରେ ଅମ୍ଳଜାନ ଉତ୍ପାଦନ କାରଖାନା ସ୍ଥାପନ ପାଇଁ ନିର୍ଦ୍ଦେଶ ଦେଇଥିଲା। ବିଶେଷ କଥା ହେଉଛି ଏଥିପାଇଁ କଳା ତାଲିକାଭୁକ୍ତ ରାଜପଥ ନିର୍ମାଣକାରୀ କମ୍ପାନୀକୁ ୧୬ ଜୁନ ୨୦୨୧ରେ ଚୁକ୍ତିନାମା ଦିଆଯାଇଥିଲା। ଏହା ବ୍ୟତୀତ କୋଭିଡ କେୟାର ସେଣ୍ଟର ଏବଂ ହସ୍ପିଟାଲ ଓ ପ୍ରଦାନ କରାଯାଇଥିବା ଚୁକ୍ତିନାମା ଉପରେ ମଧ୍ୟ ପ୍ରଶ୍ନ ଉଠିଛି।
ପ୍ରକାଶ ଯେ, ଲାଇଫଲାଇନ ହସ୍ପିଟାଲ ମ୍ୟାନେଜମେଣ୍ଟ ନାମକ ଏକ ଫାର୍ମକୁ ଏହିପରି ପାଞ୍ଚଟି କେନ୍ଦ୍ର ଚଳାଇବା ଦାୟିତ୍ୱ ଦିଆଯାଇଥିଲା। ୨୬ ଜୁନ ୨୦୨୦ ରେ ଚୁକ୍ତିନାମା ପ୍ରଦାନ ସମୟରେ କମ୍ପାନୀ ପଞ୍ଜୀକୃତ ହୋଇ ନ ଥିଲା। ପରେ ଏହା ଜଣାପଡିଥିଲା ଯେ ଏହା ଏକ ପଞ୍ଜୀକୃତ ହୋଇ ନ ଥିବା କମ୍ପାନୀ ଏବଂ ତାଙ୍କୁ ୧୦୦ କୋଟି ଟଙ୍କା ମୂଲ୍ୟର କାମ ବେଆଇନ ଭାବେ ଦିଆଯାଇଥିଲା।
ଶିନ୍ଦେଙ୍କ ଯୋଗାଯୋଗ ଅନୁଯାୟୀ, ମହାମାରୀ ସମୟରେ ଡାକ୍ତରଖାନା ସ୍ଥାପନ ସହ ଜଡିତ ବିବାଦୀୟ ନିଷ୍ପତ୍ତି ଉପରେ ସିଏଜି ଅନୁସନ୍ଧାନ କରିପାରିବ। ଏଥିରେ ଜମି କିଣିବା ସହିତ ବିକ୍ରେତାଙ୍କଠାରୁ ଯନ୍ତ୍ରପାତି, ଔଷଧ ଏବଂ ଅମ୍ଳଜାନ କ୍ରୟ ଅନ୍ତର୍ଭୁକ୍ତ। ଏଥିରେ ଅଧିକାରୀ ଏବଂ ରାଜନେତାଙ୍କ ସହ ସମ୍ପର୍କ ଥିବା ଜଣାପଡ଼ିଛି। ବ୍ୟାପକ ହେରଫେର ହୋଇଥିବା ଅଭିଯୋଗ ମଧ୍ୟ ହୋଇଛି।
