ଥୁଆମୂଳ ରାମପୁର,୦୪/୦୩-(ଦୁର୍ଗା କୀର୍ତ୍ତି): କଳାହାଣ୍ଡି ଜିଲା ଥୁଆମୁଳ ରାମପୁର ବ୍ଲକ ଅନ୍ତର୍ଗତ କାଠକୁରା ସ୍ଥିତ ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ବିଭାଗ ଦ୍ବାରା ପରିଚାଳିତ ଆଶ୍ରମ ବିଦ୍ୟାଳୟର ବାର୍ଷିକ ଉତ୍ସବ ୨୦୨୫ ମଙ୍ଗଳବାର ମହାସମାରୋହରେ ଅନୁଷ୍ଠିତ ହୋଇଯାଇଛି l ଆଶ୍ରମ ବିଦ୍ୟାଳୟର ପ୍ରଧାନ ଶିକ୍ଷକ ଡମ୍ବରୁଧର ଗଡତିଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଥୁଆମୁଳ ରାମପୁର ଗ୍ରାମ ପଞ୍ଚାୟତ ସରପଞ୍ଚ ବିଜୟା ମାଝୀ ଯୋଗଦେଇଥିବା ବେଳେ ମୁଖ୍ୟ ବକ୍ତା ଭାବେ ଗୋପାଳପୁର ସରକାରୀ ବାଳକ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଧାନ ଶିକ୍ଷକ ଭରତ ନାୟକ, ସମ୍ମାନିତ ଅତିଥି ଭାବେ ଗୋପାଳପୁର +୨ ବିଜ୍ଞାନ କଲେଜ ଅତିରିକ୍ତ ଅଧ୍ୟକ୍ଷ ମହେନ୍ଦ୍ର ବିଶ୍ବାଳ, ଡୁମେରପଦର ଉଚ୍ଚ ମାଧ୍ୟମିକ ବିଦ୍ୟାଳୟ ପ୍ରଧାନ ଶିକ୍ଷକ ସୁଶାନ୍ତ କୁମାର ସାହୁ, ଗୋପାଳପୁର ସରକାରୀ ବାଳକ ଉଚ୍ଚ ମାଧ୍ୟମିକ ବିଦ୍ୟାଳୟ ଶିକ୍ଷକ ଜଗଦୀଶ ଶବର, ଖେଳ ଶିକ୍ଷକ ଚାଞ୍ଚଲ୍ୟ କୁମାର ବାଗ, ଶିକ୍ଷକ ସତ୍ୟ ପ୍ରକାଶ ଗଡତିଆ, ସହ ଶିକ୍ଷକ ଭୀମସେନ ମେହେର, ବିଦ୍ୟାଳୟ ପରିଚାଳନା କମିଟି ସଭାପତି କୈଳାସ ଚନ୍ଦ୍ର ନାଏକ, ପୂର୍ବତନ ବିଦ୍ୟାଳୟ ପରିଚାଳନା କମିଟି ସଭାପତି କ୍ଷୀରସିନ୍ଧୁ ନାଏକ, ସ୍ଥାନୀୟ ଓ୍ବାର୍ଡ ମେମ୍ବର ଚିତ୍ରସେନ ମାଝୀ ପ୍ରମୁଖ ମଞ୍ଚାସୀନ ଥିଲେ। ପରେ ବାବା ଗଣପତିଙ୍କ ଫଟୋଚିତ୍ରରେ ପୂଜାର୍ଚ୍ଚନା ଓ ପୁଷ୍ପମାଲ୍ୟ ଅର୍ପଣ ପୂର୍ବକ ମଞ୍ଚକୁ ଉଦଘାଟନ କରିଥିଲେ। କାର୍ଯ୍ୟକ୍ରମରେ ପ୍ରଧାନ ଶିକ୍ଷକ ଗଡତିଆ ବିଦ୍ୟାଳୟର ବାର୍ଷିକ ବିବରଣୀ ପାଠ କରିବା ବେଳେ ଏହି ବିଦ୍ୟାଳୟ ୧୯୫୬ ମସିହାରେ ସେବାଶ୍ରମ ନାମରେ ପ୍ରତିଷ୍ଠିତ ହୋଇ ୨୦୦୮ ମସିହାରେ ସେବାଶ୍ରମ ରୁ ଆଶ୍ରମ ବିଦ୍ୟାଳୟ କୁ ଉନ୍ନତି ହୋଇଥିବା ଏହି ବିଦ୍ୟାଳୟରେ ୧୧୪ ଜଣ ଛାତ୍ର ଛାତ୍ରୀ ଅଧ୍ୟୟନରତ ଥିବା ବେଳେ ସେଥିରୁ ୫୭ ଜଣ ଛାତ୍ର ଛାତ୍ରୀ ଅନ୍ତେବାସୀ ଅଛନ୍ତି l ଏଣୁ ବିଦ୍ୟାଳୟର ଶ୍ରେଣୀ ଗୃହ ମରାମତି, ଏକ ନୂତନ ଶ୍ରେଣୀଗୃହର ର୍ନିମାଣ, ଛାତ୍ରୀ ମାନଙ୍କ ସକାଶେ ଏକ ସ୍ବତନ୍ତ୍ର ଶୌଚାଳୟ ର୍ନିମାଣ, ହଷ୍ଟେଲ ଗୃହ ର୍ନିମାଣ, ଶିକ୍ଷକ ମାନଙ୍କ ରହଣି ନିମନ୍ତେ ଗୃହ ର୍ନିମାଣ ତଥା ଅବଶକେୟ ଉପକରଣ ଏବଂ ଉନ୍ନତି ସଂରଚନା ବିଦ୍ୟାଳୟରେ ଭିତ୍ତିଭୂମି ନିମନ୍ତେ ଜିଲ୍ଲାପ୍ରଶାସନଙ୍କୁ ଦୃଷ୍ଟି ଗୋଚର କରାଇଥିଲେ।
ଉପସ୍ଥିତ ମୁଖ୍ୟ ଅତିଥି ଏବଂ ଅନ୍ୟାନ୍ୟ ଅତିଥିଙ୍କ ସମ୍ମୁଖରେ ଉପସ୍ଥାପନ କରିବା ସହ
ଏହି ବିଦ୍ୟାଳୟର ଶିକ୍ଷାଦାନ ପଦ୍ଧତି ସୱତନ୍ତ୍ରତା ଏବଂ ମୂଲ୍ୟବୋଧ ଓ ଗୁଣାତ୍ମକ ଶିକ୍ଷା ଉପରେ ପ୍ରତିଷ୍ଠିତ ଅଟେ, ଭବିଷ୍ୟତର ମାନବ ସମ୍ବଳ ହେଉଛନ୍ତି ଏହି ଛାତ୍ର ଛାତ୍ରୀ ମାନେ l ଶିକ୍ଷା ହେଲେ ବ୍ୟକ୍ତି ର ସାମାଜିକ, ମାନସିକ, ବୈଧିକ ତଥା ସାମଗ୍ରିକ ବିକାଶ କୁ ବୁଝାଇ ଥାଏ l ଆମେ ନିଜେ ସମୟାନୁବର୍ତ୍ତି ହେଲେ ଛାତ୍ରଛାତ୍ରୀ ମାନେ ମଧ୍ୟ ସମୟାନୁବର୍ତ୍ତି ହେବେ। ସମୟାନୁବର୍ତ୍ତି କହିଲେ କେବଳ ଠିକ ସମୟରେ ବିଦ୍ୟାଳୟକୁ ଆସିବା ଏବଂ ଯିବାକୁ ବୁଝାଏ ନାହିଁ। ଏହା ସମୟାନୁବର୍ତ୍ତିର ଅଂଶକୁ ବୁଝାଇଥାଏ। ପ୍ରତ୍ୟେକ ମୂଲ୍ୟବାନ ସମୟକୁ ଠିକ ହିସାବରେ ବିନିଯୋଗ କରିବା ଦିଗରେ ଛାତ୍ରଛାତ୍ରୀ ମାନଙ୍କର ଦାୟିତ୍ୱ ରହିଛି, ଶିଶୁ ଟିଏ ଯେତେବେଳେ ବୁଝିପାରିବ ” ସମୟ ବଡ ମୂଲ୍ୟବାନ ” ସେତିକିବେଳେ ସେ ଜଣେ ଭଲ ଛାତ୍ରଛାତ୍ରୀ ସେହିଁ ଭଲ ମଣିଷ ଟିଏ ହୋଇ ନାଁ ଅର୍ଜନ କରି ଦେଶଜାତିର ଗୌରବମୟ ଜୀବନ ଅତିକ୍ରମ କରିପାରିବେ l ଏହି ବିଦ୍ୟାଳୟରେ ଗୁଣାତ୍ମକ ଶିକ୍ଷା ପ୍ରଦାନ ସକାଶେ ଗୀତ , ନାଚ, ତଥା ସହ ଶୈଖିକ କାର୍ଯ୍ୟକ୍ରମ ସହ ନିୟମିତ ବ୍ୟାୟାମ ଅଭ୍ୟାସ କରାଯାଉଛି ବୋଲି ଉପସ୍ଥିତ ଛାତ୍ର ଛାତ୍ରୀ ଏବଂ ଅତିଥିଙ୍କ ସମ୍ମୁଖରେ ଅଭିଭାଷଣ ରଖିଥିଲେ l ଏହି ଅବସରରେ ବାର୍ଷିକ କ୍ରୀଡା ଉତ୍ସବରେ ଛାତ୍ରଛାତ୍ରୀ ମାନେ ବିଭିନ୍ନ ଖେଳ ପ୍ରତିଯୋଗିତାରେ ଅଂଶଗ୍ରହଣ ପୂର୍ବକ ବିଜୟୀ ହାସଲ କରି ଅତିଥି ମାନଙ୍କ ଦାରା ପୁରସ୍କୃତ ହୋଇଥିଲେ । ଏହି ମଞ୍ଚକୁ ଶିକ୍ଷକ ଧନବଳ ମାଝୀ ପରିଚାଳନା କରିଥିବା ବେଳେ ଶିକ୍ଷକ ଜୟଦେବ ନାଏକ, ଜଗା ସାହୁ ଏବଂ ଯୁଗଳ ସିଂ ମାଝୀ ସହଯୋଗ କରିଥିଲେ ଏବଂ କାର୍ଯ୍ୟକ୍ରମ ପରିଶେଷରେ ତାପସ ଗଡତିଆ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
