ପ୍ୟୋଙ୍ଗୟାଙ୍ଗ,୧୮।୨ : ଦକ୍ଷିଣ କୋରିଆର ଜଏଣ୍ଟ ଚିଫ୍ ଅଫ୍ ଷ୍ଟାଫ୍(ଜେସିଏସ) କହିଛନ୍ତି ଯେ ଉତ୍ତର କୋରିଆ ଶନିବାର ଦିନ ଏହାର ପୂର୍ବ ଉପକୂଳରୁ ସମୁଦ୍ରକୁ ଏକ ବାଲିଷ୍ଟିକ କ୍ଷେପଣାସ୍ତ୍ର ନିକ୍ଷେପ କରିଛି। ଆସନ୍ତା ସପ୍ତାହରେ ୱାଶିଂଟନରେ ଆୟୋଜିତ ହେବାକୁ ଥିବା ମିଳିତ ଆମେରିକା-ଦକ୍ଷିଣ କୋରିଆ ସମରାଭ୍ୟାସ ପୂର୍ବରୁ ଉତ୍ତର କୋରିଆର ଏହି ପଦକ୍ଷେପ ନେଇଛି।
ଜଏଣ୍ଟ ଚିଫ୍ ଅଫ୍ ଷ୍ଟାଫ୍ କହିଛନ୍ତି, ଏକଛତ୍ରବାଦୀ ଶାସକ କିମ୍ ଜୋଙ୍ଗ ଉନ ଉତ୍ତର କୋରିଆର ପୂର୍ବ ସାଗରରେ ଏକ ଅଜ୍ଞାତ ବାଲିଷ୍ଟିକ କ୍ଷେପଣାସ୍ତ୍ର ନିକ୍ଷେପ କରିଛନ୍ତି। ଅଲ ଜଜିରା ରିପୋର୍ଟ ଅନୁସାରେ, ଜାପାନର କୋଷ୍ଟଗାର୍ଡ ମଧ୍ୟ କହିଛନ୍ତି ଯେ ଉତ୍ତର କୋରିଆ ଏକ ବାଲିଷ୍ଟିକ କ୍ଷେପଣାସ୍ତ୍ର ପରୀକ୍ଷା କରିଛି। ଏହି ପୂର୍ବ ସମୁଦ୍ରକୁ ଜାପାନର ସାଗର ମଧ୍ୟ କୁହାଯାଏ। କ୍ଷେପଣାସ୍ତ୍ର ପରୀକ୍ଷା କରିବାର ଗୋଟିଏ ଦିନ ପୂର୍ବରୁ ଉତ୍ତର କୋରିଆର ବୈଦେଶିକ ମନ୍ତ୍ରଣାଳୟ ଦକ୍ଷିଣ କୋରିଆ ବିରୋଧରେ ଅପ୍ରତ୍ୟାଶିତ କାର୍ଯ୍ୟାନୁଷ୍ଠାନ ପାଇଁ ଧମକ ଦେଇଥିଲା।
ୟୋନହାପ ନ୍ୟୁଜ ଏଜେନ୍ସି ଦକ୍ଷିଣ କୋରିଆ ସୈନ୍ୟ ବିଭାଗ ସୂତ୍ରରୁ କହିଛି ଯେ ଡିସେମ୍ବର ମାସରେ ଉତ୍ତର କୋରିଆ ଦୁଇଟି ମଧ୍ୟବର୍ତ୍ତୀ ଦୂରଗାମୀ ବାଲିଷ୍ଟିକ କ୍ଷେପଣାସ୍ତ୍ର ପୂର୍ବ ସାଗରରେ ଲଞ୍ଚ କରିଥିଲା। ଦକ୍ଷିଣ କୋରିଆର ଜଏଣ୍ଟ ଚିଫ୍ ଅଫ୍ ଷ୍ଟାଫ୍ କହିଛନ୍ତି ଯେ ଉତ୍ତର ପ୍ୟୋଙ୍ଗାନଙ୍ଗ ପ୍ରଦେଶର ତୋଙ୍ଗଚାଙ୍ଗ-ଆରଆଇ ଅଞ୍ଚଳରୁ ସ୍ଥାନୀୟ ସମୟ ପୂର୍ବାହ୍ନ ୧୧ଟା ୧୩ ରୁ ମଧ୍ୟାହ୍ନ ବ ୧୨ଟା ୫୫ ମଧ୍ୟରେ ଏହି ଉତକ୍ଷେପଣ କରାଯାଇଥିବା ନିଶ୍ଚିତ ହୋଇଛି।
ଦକ୍ଷିଣ କୋରିଆର ଜଏଣ୍ଟ ଚିଫ୍ ଅଫ୍ ଷ୍ଟାଫ୍ଙ୍କ କହିବାନୁସାରେ, କ୍ଷେପଣାସ୍ତ୍ର ପ୍ରାୟ ୫୦୦ କିଲୋମିଟର ଦୂରତା ଅତିକ୍ରମ କରିଥିଲା। ଦକ୍ଷିଣ କୋରିଆ ଏବଂ ଆମେରିକାର ଗୁପ୍ତଚର ଅଧିକାରୀମାନେ ଉତ୍ତର କୋରିଆର କ୍ଷେପଣାସ୍ତ୍ର କାର୍ଯ୍ୟକଳାପ ସମ୍ବନ୍ଧରେ ଅନ୍ୟାନ୍ୟ ବିବରଣୀ ପାଇଁ ସନ୍ଧାନ ଜାରି ରଖିଛନ୍ତି।
