ମୁମ୍ବାଇ: ବଲିଉଡ୍ ନାୟିକା ଅନନ୍ୟା ପାଣ୍ଡେ ତାଙ୍କ ଅପ୍ କମିଙ୍ଗ ଫିଲ୍ମକୁ ନେଇ ଏବେ ଅଛନ୍ତି ଚର୍ଚ୍ଚାରେ। ଇଶାନ ଖଟ୍ଟରଙ୍କ ସହ ‘ଖାଲି-ପିଲି’ରେ ନଜର ଆସିବେ ଅନନ୍ୟା। ଏହାସହ ସେ ଏବେ ସୋସିଆଲ ମିଡିଆରେ ଖୁବ୍ ଆକ୍ଟିଭ ଅଛନ୍ତି। ନିକଟରେ ସେ ସୋସିଆଲ ମିଡିଆରେ ଏମିତି ଏକ ଫଟୋ ପୋଷ୍ଟ କରିଛନ୍ତି ଯାହାକୁ ନେଇ ଚର୍ଚ୍ଚା ଯୋର ଧରିଛି। ସେ ଏକ ଟ୍ରାଡିଶନାଲ ଲୁକ୍ରେ ଫଟୋ ଶେୟାର କରିଥିବା ବେଳେ ସେସବୁ ଦିନକୁ ସେ କେମିତି ମିସ୍ କରୁଛନ୍ତି ତାହା ମଧ୍ୟ ଉଲ୍ଲେଖ କରିଛନ୍ତି। ଇନଷ୍ଟାଗ୍ରାମରେ ସେ ଯେଉଁ ଫଟୋ ଶେୟାର କରିଛନ୍ତି ସେଥିରେ ସେ ସାଲଓ୍ବାର ସୁଟ୍ରେ ନଜର ଆସିଛନ୍ତି। ନାକରେ ନାକଫୁଲ ସହ ହାତରେ ଚୁଡି ଅନନ୍ୟାଙ୍କ ଏହି ଲୁକ୍ସ ତାଙ୍କ ପ୍ରଶଂସକଙ୍କୁ ବେଶ୍ ପସନ୍ଦ ଆସିଛି। ଏହାପରେ ତାଙ୍କର ଏହି ଫଟୋ ଭାଇରାଲ ହେବାରେ ଲାଗିଛି। ଏହି ଫଟୋ ଶେୟାର କରିବା ସହ ସେ ଦର୍ଶକଙ୍କୁ ‘ଖାଲି-ପିଲି’ର ଟିଜର ଦେଖିବାକୁ ଅପିଲ ବି କରିଛନ୍ତି।