ଭୋଗରାଇ, ୨ ୭l ୮( ପ୍ରଦୀପ ଦାସ ) ଚଳିତ ଋତୁରେ ସୁବର୍ଣ୍ଣରେଖା ୪ ଜଣଙ୍କର ଜୀବନ ନେଲାଣି lଏହି ନଦୀର ପ୍ରଥମ ବନ୍ୟାରେ ବାଲେଶ୍ୱରଜିଲା ବାଲିଆପାଳ ବ୍ଲକର ୧ ଜଣ ଯୁବକର ପ୍ରାଣ ଯାଇଥିବାବେଳେ ଭୋଗରାଇବ୍ଲକର ବୁଧବାର ସୁଦ୍ଧା ୩ ଜଣଙ୍କର ଜୀବନ ଗଲାଣି l ଏଥି ମଧ୍ୟରୁ ୩ ଜଣ ଯୁବକଥିବାବେଳେ ଅନ୍ୟଜଣେ ବୃଦ୍ଧ ଅଛନ୍ତି l ଗତ ମଙ୍ଗଳବାର ସକାଳେ ଭୋଗରାଇ ବ୍ଲକ ନଦୀକୂଳିଆ ଗାଁ ଅଡଙ୍ଗପନ୍ତେଇ ଗ୍ରାମର ଜଣେ ଯୁବକକୁ ମୃତବସ୍ଥାରେ ଓଡ୍ରାଫ ଟିମ ଉଦ୍ଧାର କରିଥିବାବେଳେ ଉକ୍ତଗ୍ରାମର ବୈକୁଣ୍ଠ ମାଝୀ ନାମକ (୭ ୬ ) ବୃଦ୍ଧଙ୍କୁ ମଧ୍ୟ ରାତ୍ରିରେ ଘର ଲୋକେ ପାଣିରୁ ଅଚେତବସ୍ଥାରେ ଉଦ୍ଧାର କରି ଜଳେଶ୍ୱରପୁର ଡାକ୍ତରଖାଙ୍କୁ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ l
ବୁଧୁବାର ଭୋଗରାଇ ଥାନା ପୋଲିସ ଏକ ଅପମୃତ୍ୟୁ ମାମଲା ରୁଜୁକରି ପ୍ରାଥମିକ ତଦନ୍ତ କରୁଥିବାବେଳେ ଶବକୁ ଡାକ୍ତରଖାନାରେ ବ୍ୟବଛେଦ କରାଯାଇ ପରିବାରକୁ ହସ୍ତାନ୍ତର କରାଯାଇଥିବାର ଖବର ମିଳିଛି l ସୂଚନାନୁଯାୟୀ, ସୁବର୍ଣ୍ଣରେଖାର ୨ ମାସ ମଧ୍ୟରେ ୬ ଥର ବନ୍ୟା ଆସି ୪ ବ୍ଲକର ଜନଜୀବନକୁ ଦୁର୍ବିସହ କରିଛିl ଚୀନର ଦୁଃଖ ହୋ୍ୟଂହ ନଦୀ ହୋଇଥିବାବେଳେ ସେହିପରି ଓଡ଼ିଶାର ସୁବର୍ଣ୍ଣରେଖା ଭୋଗରାଇ, ବାଲିଆପାଳ, ବସ୍ତା ଓ ଜେଳେଶ୍ୱର ବ୍ଲକ ପାଇଁ ଦୁଃଖ ପାଲଟିଛି। ସ୍ବାଧୀନତା ପରଠାରୁ ସରକାର ବଦଳୁଛି ହେଲେ, ଅଦ୍ୟାବଧି ସୁବର୍ଣ୍ଣରେଖା ସଂସ୍କାର ଯୋଜନା କାର୍ଯ୍ୟକାରୀ ନ ହୋଇ ଶୀତଳଭଣ୍ଡାରରେ ସୀମିତ ରହୁଥିବାରୁ ଉତ୍ତର ବାଲେଶ୍ୱରବାସୀ ବର୍ଷକୁ ବର୍ଷ ବଡ ବନ୍ୟାର ସାମ୍ନା କରି ବାକୁ ପଡୁଛି ଓ ଧନଜୀବନ ବନ୍ୟାରେ ଚାଲିଯାଉଛି l
