ବୁଏନ୍ସଆୟାର୍ସ, ୧ା୧୨(ଏପି)-ଡିଏଗୋ ମାରାଡୋନାଙ୍କ ମୃତ୍ୟୁକୁ ନେଇ ଆର୍ଜେଣ୍ଟିନା ପୋଲିସ କିମ୍ବଦନ୍ତୀ ଫୁଟ୍ବଲରଙ୍କ ବାସଭବନ ଏବଂ କାର୍ଯ୍ୟାଳୟରେ ତଦନ୍ତ ଆରମ୍ଭ କରିଦେଇଛନ୍ତି। ୬୦ବର୍ଷୀୟ ଫୁଟ୍ବଲ ଷ୍ଟାରଙ୍କ ବ୍ୟକ୍ତିଗତ ଡାକ୍ତର ସ୍ନାୟୁ ବିଶେଷଜ୍ଞ ଲେପୋଲ୍ଡୋ ଲକ୍ଙ୍କୁ ତଦନ୍ତର ଅଂଶବଶେଷ କରାଯାଇଛି। ମାରାଡୋନାଙ୍କ ବିୟୋଗରେ ସମଗ୍ର ଦେଶରେ ଶୋକର ଛାୟା ଖେଳିଯାଇଥିଲା। ତଦନ୍ତକାରୀ ଦଳ ତାଙ୍କ ସମ୍ପର୍କୀୟମାନଙ୍କ ବୟାନ ରେକର୍ଡ କରୁଛି। ତାଙ୍କ ମେଡିକାଲ ରେକର୍ଡକୁ ମଧ୍ୟ ଯାଞ୍ଚ କରି ଦେଖୁଛି। ମାରାଡୋନାଙ୍କର ବୁଏନ୍ସଆୟାର୍ସ ବାହାରେ ଏକ ବାସଗୃହରେ ହୃଦ୍୍ଘାତରେ ପ୍ରାଣହାନି ଘଟିଥିଲା। ଏହାପୂର୍ବରୁ ନଭେମ୍ବର ୩ରେ ତାଙ୍କ ମସ୍ତିଷ୍କରେ ସଫଳ ଅସ୍ତ୍ରୋପଚାର କରାଯାଇଥିଲା। ଏଥିରୁ ସେ ଆରୋଗ୍ୟ ଲାଭ କରିଥିଲେ ମଧ୍ୟ। ହେଲେ ତାଙ୍କର ଅତ୍ୟଧିକ ଆଲ୍କୋହଲ୍ ଏବଂ ଡ୍ରଗ୍ସ ସେବନ ଆଦି ଅନ୍ୟ କେତେକ ସମସ୍ୟା ରହିଥିଲା।
