ନୂଆଦିଲ୍ଲୀ,୨୦।୧୨: ଆଡିଲେଡ୍ ଟେଷ୍ଟରେ ୮ ଉଇକେଟରେ ଅଷ୍ଟ୍ରେଲିଆଠାରୁ ପରାଜିତ ହେବା ପରେ ଭାରତୀୟ ଦଳକୁ ସମାଲୋଚନାର ଶିକାର ହେବାକୁ ପଡ଼ିଛି। କୌଣସି ବ୍ୟାଟ୍ସମ୍ୟାନ୍ ଗୋଟିଏ ଇନିଂସରେ ଦୁଇଅଙ୍କ ଛୁଇଁ ନ ପାରିବାକୁ ନେଇ ସୋସିଆଲ ମିଡିଆରେ ତାତ୍ସଲ୍ୟ କରାଯାଉଛି। ହେଲେ ମେଗାଷ୍ଟାର ଅମିତାଭ ବଚ୍ଚନ କୋହଲିଙ୍କ ସହ ଭାରତୀୟ ଦଳର ସମର୍ଥନ କରିଛନ୍ତି। ଆମ ସମସ୍ତଙ୍କ ଜୀବନରେ ଖରାପ ସମୟ ଆସେ। ହେଲେ ଆମକୁ ବେଶି ଚିନ୍ତା କରିବା ଉଚିତ ନୁହେଁ। ଆମେ ଅଷ୍ଟ୍ରେଲିଆ ଦଳକୁ ଜବାବ ଦେବା ବୋଲି ଅମିତାଭ କହିଛନ୍ତି।
ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ପ୍ରଥମ ଟେଷ୍ଟ। କିଛି ଚିନ୍ତା କରିବାର ଆବଶ୍ୟକତା ନାହିଁ। ଆଜି ଗୋଟିଏ ଖରାପ ଦିନ ଥିଲା। ଆମେ ପୁଣି ଫେରିବୁ। ଆମ ଜୀବନରେ ଖରାପ ସମୟ ଆସେ ହେଲେ ସେଟ୍ବ୍ୟାକ୍ର ଜବାବ କମ୍ବ୍ୟାକ୍ରେ ଦେବୁ ବୋଲି ନିଜର ୩୭୫୮ତମ ଟୁଇଟ୍ରେ ବିଗ୍ ବି କହିଛନ୍ତି।
ପ୍ରକାଶ ଯେ, ପ୍ରଥମ ଟେଷ୍ଟ ମ୍ୟାଚ୍ର ଦ୍ୱିତୀୟ ଇନିଂସରେ ଭାରତ ମାତ୍ର ୩୬ ରନ୍ରେ ଅଲଆଉଟ୍ ହୋଇ ସର୍ବନିମ୍ନ ସ୍କୋରରେ ସୀମିତ ରହିଥିଲା। ଅଷ୍ଟ୍ରେଲିୟ ବୋଲରଙ୍କ ଆଗରେ ଭାରତୀୟ ବ୍ୟାଟ୍ସମ୍ୟାନମାନେ ବେଶ ଅସହାୟ ମନେ ହୋଇଥିଲେ।
