ନୂଆଦିଲ୍ଲୀ,୭ ।୧୧: ପୂର୍ବ ଲଦ୍ଦାଖରେ ଭାରତ-ଚାଇନା ସୀମା ବିବାଦ ମଧ୍ୟରେ ଭାରତ, ଆମେରିକା, ଜାପାନ, ଓ ଅଷ୍ଟ୍ରେଲିଆ ମଧ୍ୟରେ ମାଲାବାର ନୌସେନା ଅଭ୍ୟାସର ଦ୍ୱିତୀୟ ପର୍ଯ୍ୟାୟ ଆରମ୍ଭ ହୋଇଛି । ଏହି ଯୁଦ୍ଧାଭ୍ୟାସରେ ଆମେରିକାର ସବୁଠାରୁ ଶକ୍ତିଶାଳୀ ବିମାନବାହକ ଯୁଦ୍ଧ ଜାହାଜ ନିମିତ୍ଜ ଓ ଭାରତୀୟ ନୌସେନାର ସବୁଠାରୁ ଶକ୍ତିଶାଳୀ ଯୁଦ୍ଧ ଜାହାଜ ବିକ୍ରମାଦିତ୍ୟକୁ ଦେଖିବାକୁ ମିଳିବ । ଏହାସହ ଅଷ୍ଟ୍ରେଲିଆ ଓ ଜାପାନ ନୌସେନାର ୨ଟି ବିଧ୍ୱସଂକ ଜାହାଜ ବି ସାମିଲ ହେବେ । ଏହି ମାଲାବାର ନୌସେନା ଅଭ୍ୟାସ ବଙ୍ଗୋପସାଗର ଉପକୂଳ ବିଶାଖାପଟନମଠାରେ ଆରମ୍ଭ ହୋଇଛି । ବିକ୍ରମାଦିତ୍ୟରେ ମିଗ୍-୨୯ ଯୁଦ୍ଧ ବିମାନ ଥିବା ବେଳେ ନିମିତ୍ଜରେ ରହିଛି ଏଫ୍-୧୮ ଫାଇଟର ଜେଟ୍ । ଏହି ଯୁଦ୍ଧାଭ୍ୟାସ ଫଳରେ ସେନାଙ୍କୁ ଶତ୍ରୁ ସହ ଲଢିବାର କୌଶଳ ମିଳିବ । ଏଥିରେ ସମସ୍ତ ୪ ଦେଶର ନୌସେନାଙ୍କୁ ବିଶେଷ ପ୍ରଶିକ୍ଷଣ ଦିଆଯିବ । ମିଳିଥିବା ସୂଚନାରୁ ଜଣାପଡିଛି କି ଏହି ଅଭ୍ୟାସରେ ବିଦେଶର ପ୍ରାୟ ୭୦ ଯୁଦ୍ଧ ଜାହାଜ ସାମିଲ ହେବ ।
