ୱାଶିଂଟନ,୮ ।୧୧: ଆମେରିକା ରାଷ୍ଟ୍ରପତି ନିର୍ବାଚନରେ ଡେମୋକ୍ରାଟିକ ପାର୍ଟି ଜୋ ବାଇଡେନଙ୍କ ବିଜୟ ପରେ ଏବେ ହ୍ୱାଇଟ ହାଉସକୁ କୁକୁରଙ୍କ ପ୍ରବେଶ ହୋଇପାରେ ବୋଲି ଅନୁମାନ କରାଯାଉଛି । ନ୍ୟୁୟର୍କ ପୋଷ୍ଟର ସୂଚନା ଅନୁଯାୟୀ, ଜୋ ବାଇଡେନ ଓ ତାଙ୍କ ସହଧର୍ମିଣୀ ଜିଲ ବାଇଡେନଙ୍କୁ କୁକୁର ବହୁତ ପସନ୍ଦ । ପ-ଲିସି ଆଡଭାଇଜର୍ସ ଭାବେ ହ୍ୱାଇଟ ହାଉସରେ ତାଙ୍କର ଦୁଇଟି ଜର୍ମାନ ଶେଫର୍ଡ ଚ୍ୟାମ୍ପ ଓ ମେଜରଙ୍କୁ ଦେଖିବାକୁ ମିଳିବ ବୋଲି କୁହାଯାଉଛି । ଏମିତି ହେଲେ ବହୁ ବର୍ଷ ପରେ ପୁଣିଥରେ ଆମେରିକାରେ କୁକୁର ରଖିବାର ପରମ୍ପରା ପୁର୍ନଜୀବିତ ହେବ ବୋଲି କୁହାଯାଉଛି । ସୂଚନାଯୋଗ୍ୟ, ଜର୍ଜ ୱାଶିଂଟନ ପ୍ରଥମ ରାଷ୍ଟ୍ରପତି ଥିଲେ ଯିଏ ହ୍ୱାଇଟ ହାଉସରେ କୁକୁର ରଖିଥିଲେ । ତାଙ୍କ ପରେ ହ୍ୱାଇଟ ହାଉସରେ କୁକୁର ରଖିବା ମନା ଥିଲା । କିଛିଦିନ ତଳେ ଜୋ ବାଇଡେନଙ୍କ ଏକ ଭିଡିଓ ଦେଖିବାକୁ ମିଳିଥିଲା । ଯେଉଁଥିରେ ସେ କହିଥିଲେ ହ୍ୱାଇଟ ହାଉସରେ ବିନା କୁକୁରରେ ବୁଲିବା ତାଙ୍କୁ ଭଲ ଲାଗିବ ନାର୍ହି । ତେଣୁ କୁହାଯାଉଛି କି ବାଇଡେନ ଯେତେବେଳେ ହ୍ୱାଇଟ ହାଉସ ଯିବେ ସେତେବେଳେ ତାଙ୍କସହ ତାଙ୍କର ଦୁଇଟି ପୋଷା କୁକୁର ମଧ୍ୟ ଯିବେ । ସୂଚନାଯୋଗ୍ୟ, ୨୦୦୮ରେ ବାଇଡେନଙ୍କ ସହଧର୍ମିଣୀ ତାଙ୍କୁ ଚ୍ୟାମ୍ପ ଓ ମେଜର ନାମକ ଦୁଇଟି କୁକୁର ଉପହାର ଦେଇଥିଲେ ।
