ବଲିଉଡ ଫିଲ୍ମରେ ଜବରଦସ୍ତ ଅଭିନୟ କରିଥିବା ଅନେକ ଅଭିନେତା ଅଛନ୍ତି, ଯାହାଙ୍କୁ ଦର୍ଶକ ହୃଦୟରୁ ଭଲପାନ୍ତି। ଏହା ସହ ତାଙ୍କୁ ଅଧିକ ଉତ୍ସାହିତ କରିବା ପାଇଁ ଅନେକ ପ୍ରକାରର ପୁରସ୍କାର ମଧ୍ୟ ପ୍ରଦାନ କରାଯାଇଥାଏ। ତେବେ ବଲିଉଡ ପୁରସ୍କାର ବିଷୟରେ କହିବାକୁ ଗଲେ ଫିଲ୍ମ ଫେୟାର ପୁରସ୍କାର ସବୁଠୁ ବଡ଼ ବୋଲି ବିବେଚନା କରାଯାଏ। ରାଜ କପୁର, ଦିଲୀପ କୁମାର, ଅମିତାଭ ବଚ୍ଚନଙ୍କ ପରି ବଲିଉଡର ଅନେକ ବଡ ତାରକା ଏହି ପୁରସ୍କାରରେ ସମ୍ମାନିତ ହୋଇଛନ୍ତି। ଯଦିଓ ଅନେକ ବଲିଉଡ ଅଭିନେତାଙ୍କ ଫିଲ୍ମ ୧୦୦ କୋଟିରୁ ଅଧିକ ରୋଜଗାର କରିଥିଲେ ମଧ୍ୟ ଆଜି ପର୍ଯ୍ୟନ୍ତ ସେମାନଙ୍କୁ ଫିଲ୍ମଫେୟାର ଶ୍ରେଷ୍ଠ ଅଭିନେତା ପୁରସ୍କାର ମିଳି ନାହିଁ।
ଅକ୍ଷୟ କୁମାର
ଖିଲାଡି କୁମାର ଇଣ୍ଡଷ୍ଟ୍ରିର ଏପରି ଅଭିନେତା, ଯିଏ ଆକ୍ସନ, କମେଡି, ରୋମାଣ୍ଟିକ ସମସ୍ତ ପ୍ରକାର ଫିଲ୍ମରେ ଅଭିନୟ କରିଛନ୍ତି। ହିରୋ ସହ ଅକ୍ଷୟ ଭିଲେନ ଭୂମିକାରେ ଫିଲ୍ମ କରି ଚର୍ଚ୍ଚାରେ ରହିଛନ୍ତି। ତେବେ ସେ ଅକ୍ଷୟ ଆଜି ପର୍ଯ୍ୟନ୍ତ ଫିଲ୍ମଫେୟାର ଶ୍ରେଷ୍ଠ ଅଭିନେତା ପୁରସ୍କାର ପାଇନାହାନ୍ତି। ତେବେ ଏଥିପାଇଁ ତାଙ୍କୁ ଅନେକ ଥର ମନୋନୀତ କରାଯାଇଛି।
ଅଜୟ ଦେବଗନ
ଅଜୟ ବଲିଉଡର ସୁପରହିଟ ହିରୋମାନଙ୍କ ମଧ୍ୟରୁ ଜଣେ, ଯାହାଙ୍କ ଅଭିନୟ ଯାଦୁରେ ଦର୍ଶକ ପାଗଳ ହୋଇଯାନ୍ତି। ଅଜୟ ପ୍ରତ୍ୟେକ ଚରିତ୍ରକୁ ନିଖୁଣ ଭାବେ ଦେଖାନ୍ତି। ଗୋଟିଏ ପଟେ ସେ ଆକ୍ସନ ଫିଲ୍ମ ସହିତ ଦର୍ଶକଙ୍କ ହୃଦୟ ଜିତିଥିବା ବେଳେ ଅନ୍ୟ ପଟେ ‘ଗୋଲମାଲ’ କମେଡି ଫିଲି୍ମରେ ଲେକଙ୍କୁ ହସାନ୍ତି। ତାଙ୍କ ଫିଲ୍ମ ବହୁତ ହିଟ, କିନ୍ତୁ ସେ ମଧ୍ୟ ଆଜି ପର୍ଯ୍ୟନ୍ତ ଫିଲ୍ମଫେୟାର ଶ୍ରେଷ୍ଠ ଅଭିନେତା ପୁରସ୍କାର ପାଇ ନାହନ୍ତି। ଯଦିଓ ଅଜୟ ଦୁଇଥର ଜାତୀୟ ଚଳଚ୍ଚିତ୍ର ପୁରସ୍କାର ଜିତିଛନ୍ତି ।
ସଲମାନ ଖାଁ
ଲୋକଙ୍କ ହୃଦୟ ଉପରେ ରାଜ କରୁଥିବା ଦବଙ୍ଗ ହିରୋ କିମ୍ବା ସଲମାନଙ୍କ ନାମ ମଧ୍ୟ ଏହି ତାଲିକାରେ ଅନ୍ତର୍ଭୁକ୍ତ ସଲମାନଙ୍କ ଫିଲ୍ମ ୩୦୦ କୋଟି ଟଙ୍କା ପର୍ଯ୍ୟନ୍ତ ବ୍ୟବସାୟ କରିଛି। କିନ୍ତୁ ଆଜି ପର୍ଯ୍ୟନ୍ତ ସେ ଫିଲ୍ମଫେୟାର ଶ୍ରେଷ୍ଠ ଅଭିନେତା ପୁରସ୍କାର ପାଇନାହାନ୍ତି। ୧୯୮୯ ରେ, ସେ ‘ମୈନେ ପ୍ୟାର୍ କିୟା’ ପାଇଁ ଶ୍ରେଷ୍ଠ ଡେବ୍ୟୁ ପୁରସ୍କାର ପାଇଥିଲେ। ଏଥି ସହିତ ସେ ‘କୁଛ କୁଛ ହୋତା ହୈ ’ ପାଇଁ ଶ୍ରେଷ୍ଠ ସହାୟକ ଅଭିନେତା ପୁରସ୍କାର ପାଇଛନ୍ତି।
ସୁନୀଲ ଶେଟ୍ଟୀ
ବଲିଉଡର ଆନ୍ନା ସୁନୀଲ ଶେଟ୍ଟୀ ତାଙ୍କ ଅଭିନୟ ଦ୍ୱାରା ଲୋକଙ୍କୁ ପାଗଳ କରିଦେଇଥିଲେ। କେବଳ ଆକ୍ସନ ନୁହେଁ ଭିଲେନ ଏବଂ କମେଡି ଫିଲ୍ମରେ ଅଭିନୟ କରି ସୁନୀଲ ଇଣ୍ଡଷ୍ଟ୍ରିରେ ନିଜର ପରିଚୟ ସୃଷ୍ଟି କରିଛନ୍ତି। ଶ୍ରେଷ୍ଠ ଭିଲେନ ପାଇଁ ସୁନୀଲ ନିଶ୍ଚିତ ଭାବରେ ଫିଲ୍ମଫେୟାର ପୁରସ୍କାର ଜିତିଛନ୍ତି। କିନ୍ତୁ ସେ ଆଜି ପର୍ଯ୍ୟନ୍ତ ଶ୍ରେଷ୍ଠ ଅଭିନେତା ପୁରସ୍କାର ପାଇପାରି ନାହାନ୍ତି।
