ସାଉଥ୍ ଫିଲ୍ମର ଲୋକପ୍ରିୟ ଅଭିନେତା ଆଲୁ ଅର୍ଜୁନ ଇତିମଧ୍ୟରେ ୩୮ ବର୍ଷର ହୋଇଛନ୍ତି। ୮ ଅପ୍ରେଲ, ୧୯୮୩ରେ ଚେନ୍ନାଇରେ ସେ ଜନ୍ମଗ୍ରହଣ କରିଥିଲେ। ୨୦୦୩ରେ ଫିଲ୍ମ ‘ଗଙ୍ଗୋତ୍ରୀ’ରୁ ଲିଡ୍ ରରିତ୍ରରେ ସେ ଅଭିନୟ କରିବା ଆରମ୍ଭ କରିଥିଲେ। ମିଡିଆ ରିପୋର୍ଟ ଅନୁଯାୟୀ, ବର୍ତ୍ତମାନ ପର୍ଯ୍ୟନ୍ତ ପ୍ରାୟ ୨୫ ଫିଲ୍ମରେ କାମ କରିସାରିଥିବା ଆଲୁ ଏବେ ୩୬୦ କୋଟି ଟଙ୍କା ସମ୍ପତ୍ତିର ମାଲିକ। ଗୋଟିଏ ଫିଲ୍ମ ପାଇଁ ସେ ୧୬ରୁ ୧୮ କୋଟି ଟଙ୍କା ଚାର୍ଜ କରିଥାନ୍ତି। ତେବେ ଅଭିନୟ ସାଙ୍ଗକୁ ନୃତ୍ୟ ଏବଂ ଜୀବନଶୈଳୀ ପାଇଁ ସେ ବେଶ୍ ଚର୍ଚ୍ଚାରେ ରୁହନ୍ତି।
ହାଇଦ୍ରାବାଦରେ ଥିବା ଆଲୁଙ୍କର ଏକ ବଙ୍ଗଳାର ମୂଲ୍ୟ ହେଉଛି ୧୦୦ କୋଟିରୁ ଊର୍ଦ୍ଧ୍ୱ ଟଙ୍କା। ଜୁବଲୀ ହିଲ୍ସ୍ସ୍ଥିତ ଏହି ଘରକୁ ଆଲୁ ଲୋକପ୍ରିୟ ଡିଜାଇନର ଆମିର ଏବଂ ହାମିଦାଙ୍କ ଦ୍ୱାରା ଡେକୋରେଟ୍ କରିଛନ୍ତି।
୬ ମାର୍ଚ୍ଚ, ୨୦୧୧ରେ ହାଇଦ୍ରାବାଦର ସ୍ନେହା ରେଡ୍ଡିଙ୍କୁ ସେ ବିବାହ କରିଥିଲେ। ଏକ ବିବାହ ଉତ୍ସବରେ ଜଣେ ବନ୍ଧୁଙ୍କ ମାଧ୍ୟମରେ ଉଭୟଙ୍କ ସାକ୍ଷାତ ହୋଇଥିଲା। ପ୍ରଥମ ଦେଖାରେ ଆଲୁ ସ୍ନେହାଙ୍କୁ ଭଲପାଇ ବସିଥିଲେ। ବିବାହରେ ୩ ବର୍ଷ ପରେ ଅର୍ଥାତ୍ ୩ ଅପ୍ରେଲ ୨୦୧୪ରେ ତାଙ୍କର ପୁଅ ଆଲୁ ଅୟାନ ଜନ୍ମଗ୍ରହଣ କରିଥିଲେ। ଏହାର ୨ ବର୍ଷ ପରେ ଅର୍ଥାତ୍ ୨୦୧୬ରେ ସେ ଏକ କନ୍ୟା ସନ୍ତାନ ଆଲୁ ଆରହାଙ୍କ ବାପା ହୋଇଥିଲେ। ଆଲୁ ହେଉଛନ୍ତି ଭେଟେରାନ ଅଭିନେତା ଚିରଞ୍ଜିବୀଙ୍କ ଭଣଜା। ଅର୍ଥାତ୍ ତାଙ୍କ ମା’ ନିର୍ମଳା ଚିରଞ୍ଜିବୀଙ୍କ ଭଉଣୀ। ଏହିପରି ଭାବେ ଆଲୁ ଚିରଞ୍ଜିବୀଙ୍କ ପୁଅ ରାମଚରଣ ତେଜାଙ୍କ ଭାଇ। ଆଲୁ ଅର୍ଜୁନଙ୍କ ଭାଇଙ୍କ ନାମ ହେଉଛି ଆଲୁ ଶିରିଷ ଏବଂ ସେ ମଧ୍ୟ ଜଣେ କଳାକାର।
