ଆହ୍ଲାବାଦ,୨୦।୪: ଲୋକ ସଭା ନିର୍ବାଚନରେ କଂଗ୍ରେସର ଘୋଷଣା ପତ୍ରରେ ଗରୀବଙ୍କୁ ବର୍ଷକୁ ୭୨ହଜାର ଟଙ୍କା ଦେବାନେଇ ଘୋଷଣା ଉପରେ ନୋଟିସ୍ ଜାରି କରାଯାଇଛି। ଆହ୍ଲାବାଦ ହାଇକୋର୍ଟ କଂଗ୍ରେସକୁ ନୋଟିସ କରିବା ସହ ଦଳକୁ ପ୍ରଶ୍ନ କରିଛନ୍ତି। ସେ କହିଛନ୍ତିି ଯେ, ଏହା ମତାଦାତାଙ୍କୁ ଲାଞ୍ଚ ଦେବା ସପକ୍ଷରେ କାହିଁକି ଯାଉନାହିଁ। କ’ଣ ପାଇଁ ଦଳ ବିରୋଧରେ କଟକଣା ଓ ଅନ୍ୟ କାର୍ଯ୍ୟାନୁଷ୍ଠାନ ନିଆଯିବ ନାହିଁ ବୋଲି ହାଇକୋର୍ଟ ପ୍ରଶ୍ନ କରିଛନ୍ତି। ସେହିପରି କୋର୍ଟ ଏହି ମାମଲାରେ ନିର୍ବାଚନ ଆୟାଗଙ୍କୁ ମଧ୍ୟ ଜବାବ ତଲବ କରିଛନ୍ତି। କଂଗ୍ରେସ ଓ ଆୟାଗଙ୍କୁ ୨ସପ୍ତାହ ମଧ୍ୟରେ ନିଜ ପକ୍ଷ ରଖିବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ। ଏଭଳି ଘୋଷଣାପତ୍ର ଲାଞ୍ଚକୁ ପ୍ରୋତ୍ସାହନ ଦେବା ସହ ଭୋଟରଙ୍କୁ ଆକୃଷ୍ଟ କରିବା ପାଇଁ କରାଯାଇଛି ବୋଲି ଆଇନଜୀବୀ ମୋହିତ କୁମାର ହାଇକୋର୍ଟରେ ଆବେଦନ କରିଥିଲେ। ଏହି ଆବେଦନ ଉପରେ ବିଚାରପତି ସୁଧିର ଅଗ୍ରଓ୍ବାଲ ଓ ରାଜେନ୍ଦ୍ର କୁମାରଙ୍କ ଖଣ୍ଡପୀଠ ଶୁଣାଣି କରୁଛନ୍ତି।
