ଭିବିଜି – ରାମ ଜି ଯୋଜନାରେ ଜାଲିଆତି ଅଭିଯୋଗ: କାରଣ ଦର୍ଶାଅ ନୋଟିସର ଜବାବ ରଖିଲେ ବିଡିଓ, କହିଲେ…

ଦିଗପହଣ୍ଡି,୨୦।୪(ଅଶେଷ ନାଥ ମିଶ୍ର) : ଗଞ୍ଜାମ ଜିଲା ସାନଖେମୁଣ୍ଡି ବ୍ଲକରେ ସରକାରୀ ଯୋଜନାରେ ଜାଲିଆତି କରାଯାଇଥିବା ଅଭିଯୋଗ ହୋଇଛି। ଭିବିଜି – ରାମ ଜି ଯୋଜନାରେ ବ୍ୟାପକ ଅର୍ଥ ହରିଲୁଟ୍‌ କରାଯାଇଛି । ବିଭିନ୍ନ ଉନ୍ନୟନ କାମ କିଣାବିକା ଚାଲିଥିବା ଜଣାପଡ଼ିଛି। ପ୍ରକଳ୍ପ ନିର୍ମାଣରେ ବ୍ୟାପକ ଅନିୟମିତତା, ଆର୍ଥିକ ହେର୍‌ଫେର୍‌ ଏବଂ ନିର୍ଦ୍ଦେଶାବଳୀର ଉଲ୍ଲଂଘନ ପାଇଁ ଅତିରିକ୍ତ କାର୍ଯ୍ୟକ୍ରମ ଅଧିକାରୀ ଅରୁଣ କୁମାର ସ୍ବାଇଁଙ୍କୁ ବ୍ଲକ କାର୍ଯ୍ୟାଳୟରୁ ଛତ୍ରପୁର ସ୍ଥିତ ଜିଲା ଗ୍ରାମ୍ୟ ଉନ୍ନୟନ କାର୍ଯ୍ୟାଳୟକୁ ବଦଳି କରାଯିବା ପରେ ସାନଖେମୁଣ୍ଡି ବିଡ଼ିଓ ଜିତେନ୍ଦ୍ର କୁମାର ମିଶ୍ରଙ୍କୁ ରାଜ୍ୟ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ପକ୍ଷରୁ ଗତ ଫେବୃୟାରୀ ୨୩ ତାରିଖ ପତ୍ର ସଂଖ୍ୟା ୫୭୨୯ ଅନୁଯାୟୀ କାରଣ ଦର୍ଶାଅ ନୋଟିସ ଜାରି କରାଯାଇଥିଲା। ରାଜ୍ୟ ଭିବିଜି – ରାମ ଜି ଯୋଜନା କାର୍ଯ୍ୟ ତଦାରଖ କରୁଥିବା ଜଣେ ଅତିରିକ୍ତ ସଚିବଙ୍କ ନେତୃତ୍ୱରେ ଏକ ବୈଷୟିକ ଟିମ ସହ ଅନ୍ୟାନ୍ୟ ଅଧିକାରୀ ବୃନ୍ଦ ସାନଖେମୁଣ୍ଡି ବ୍ଲକ ବିଭିନ୍ନ ପଞ୍ଚାୟତ ଅଧୀନ ଗାଁମାନଙ୍କରେ ଭିବିଜି – ରାମ ଜି ଯୋଜନାରେ ସମ୍ପାଦିତ ପ୍ରାୟ ୩୮ରୁ ଊଦ୍ଧର୍‌ବ ବିଭିନ୍ନ ନିର୍ମାଣ କାର୍ଯ୍ୟର ଯାଞ୍ଚ କରିଥିଲେ। ଯାଞ୍ଚ ସମୟରେ ଅନେକ କାର୍ଯ୍ୟରେ ଅନିୟମିତତା, ପ୍ରକ୍ରିୟାଗତ ଉଲ୍ଲଂଘନ, ଆର୍ଥିକ ଦୁରୂପଯୋଗ ଏବଂ ରେକର୍ଡଗୁଡ଼ିକର ପଦ୍ଧତିଗତ ହେର୍‌ଫେର୍‌ ନେଇ ତଦନ୍ତକାରୀ ଟିମ ଅବଗତ ହୋଇଥିଲେ।

କାର୍ଯ୍ୟ ସମ୍ପାଦନରେ ବଡ଼ଧରଣର ଆର୍ଥିକ ଅନିୟମିତତା ହୋଇଥିବାବେଳେ ଆଦୌ କାର୍ଯ୍ୟ ସମ୍ପାଦନ ନକରି ଅଧିକ ଏବଂ ଅନୁଚିତ ମଜୁରୀ ପ୍ରଦାନ କରାଯାଇଛି। ମାପ ପୁସ୍ତକରେ ରେକର୍ଡ କରାନଯାଇ ଆବଶ୍ୟକୀୟ ଡକ୍ୟୁମେଣ୍ଟେଶନ ରକ୍ଷଣାବେକ୍ଷଣ ନ କରି ଦେୟ ପ୍ରଦାନ କରାଯାଇଥିବା ଦୃଷ୍ଟି ଗୋଚର ହୋଇଥିଲା। ଅନେକ କ୍ଷେତ୍ରରେ ମଷ୍ଟର ରୋଲ ସ୍ବକ୍ଷରହୀନ, ମାଟି କାମ ସମ୍ପାଦନ ସମ୍ଭବ ନଥିବାବେଳେ ଯେପରିକି ବର୍ଷା ଋତୁରେ ଯେତେବେଳେ ପୋଖରୀ ଗୁଡ଼ିକ ପାଣିରେ ପୂର୍ଣ୍ଣ ଥିଲା ସେହି ସମୟରେ ମାଷ୍ଟର ରୋଲ ସୃଷ୍ଟି ହୋଇଥିବା ଦେଖାଯାଇଥିଲା। ତଦନ୍ତକାରୀ ଟିମ ପ୍ରାଥମିକ ପର୍ଯ୍ୟାୟରେ ବ୍ଲକର ସମସ୍ତ ନଥି ପତ୍ର ଯାଞ୍ଚ କରିଥିବା ବେଳେ ୪ ଟି ପଞ୍ଚାୟତର ୩୮ ପ୍ରକଳ୍ପରେ ବ୍ୟାପକ ଜାଲିଆତି କରି ସରକାରୀ ଟଙ୍କା ହେର୍‌ଫେର୍‌ ହୋଇଥିବା ନେଇ ଦର୍ଶାଇଥିଲେ। ପାଟପୁର ପଞ୍ଚାୟତରେ ବିଶ୍ୱାସରାୟ ପୋଖରୀ ,ଗାଁ ପୋଖରୀ,ହାଇସ୍କୁଲ ପୋଖରୀ ନାମରେ ୩ ଥର ଭିବିଜି – ରାମ ଜି ଯୋଜନାରେ ଅର୍ଥରାଶି ବ୍ୟୟ କରାଯାଇଥିବା ବେଳେ ପୁଣିଥରେ ଉକ୍ତ ପୋଖରୀ ପାଇଁ ବିକଶିତ ଗାଁ ବିକଶିତ ଓଡ଼ିଶା ଯୋଜନା ଅଧୀନରେ ୮ ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଛି। ସେହିପରି ପାଟପୁର ୱାଟର ଟ୍ୟାଙ୍କରୁ ଲୋକନାଥ ମନ୍ଦିର ଯାଏ ମେଟାଲ ମୋରମ ରାସ୍ତାରେ ଜଣେ ପଥଚାରୀ ଚାଲିଯିବା ସମ୍ଭବ ନୁହଁ ସେଠାରେ ରାସ୍ତା ନାଁ ରେ ଲକ୍ଷାଧିକ ଟଙ୍କା ବ୍ୟୟ କରାଯାଇଥିବା ଜଣାପଡିଛି। ସେହିପରି ଗୌତମୀ ପଞ୍ଚାୟତ ଅଧିନ ଗୋଟିଏ ପୋଖରୀ କୁ ୭ ଥର ଯଥା ସୋସାଇଟି ପୋଖରୀ,ଗୌତମୀ ଗାଁ ବଡ ପୋଖରୀ ,ପଞ୍ଚାୟତ ପୋଖରୀ, ୱାଟର ଟ୍ୟାଙ୍କ ପୋଖରୀ, ଗୋଲା ସାହି ପୋଖରୀ, ତାରିଣୀ ମନ୍ଦିର ପୋଖରୀ, ୟୁପି ସ୍କୁଲ ପୋଖରୀ ମରାମତି ଓ ରକ୍ଷଣାବେକ୍ଷଣ ନାଁରେ ଏକାଧିକ ଥର ଲକ୍ଷ ଲକ୍ଷ ଟଙ୍କା ଉଠାଣ କରାଯାଇଛି।

ସାନଖେମୁଣ୍ଡି ବ୍ଲକ ଅଧୀନ ୨୬ ପଞ୍ଚାୟତର ଏରେନଡ୍ରା, ମୌଳାଭଞ୍ଜା , ଗଙ୍ଗାପୁର, ପଟିଗୁଡ଼ା,କଉଡ଼ିଆ , ଜିଉରା ସିଙ୍ଗିପୁର ,ଛଣମେରୀ, କଙ୍କୋରଡା, ସହ ବିଭିନ୍ନ ପଞ୍ଚାୟତ ର ଭିବିଜି – ରାମଜି ଯୋଜନାରେ ନିର୍ମାଣ କାର୍ଯ୍ୟ ପାଇଁ ୨୦୨୫-୨୬ ଆର୍ଥିକ ବର୍ଷରେ ୧୩ କୋଟି ୪୪ ଲକ୍ଷ ଟଙ୍କାର ମ୍ୟାଟେରିଲ ଅର୍ଥ ପୈଠ ପାଇଁ ବ୍ଲକ ପକ୍ଷରୁ ବୁକିଂ କରାଯାଇଥିବା ବେଳେ ଅନେକ ପଞ୍ଚାୟତରେ ଗୋଟିଏ କାମକୁ ଦୁଇ ଥର ବିଲ ନେଇ କାର୍ଯ୍ୟର ସ୍ବଚ୍ଛତା ଉପରେ ପ୍ରଶ୍ନବାଚୀ ସୃଷ୍ଟି କରିଛି। ନୋଟିସ ଜାରି ହେବାର ୧୫ ଦିନ ମଧ୍ୟରେ ସାନଖେମୁଣ୍ଡି ବିଡ଼ିଓ ସନ୍ତୋଷଜନକ ଉତ୍ତର ନ ରଖିପାରିଲେ ସରକାରୀ ଅର୍ଥ ହେର୍‌ଫେର୍‌ ଅଭିଯୋଗରେ ବିଭାଗ ପକ୍ଷରୁ ଆଇନଗତ ଶୃଙ୍ଖଳା କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ସହ ଅଧିକାରୀଙ୍କ ନିକଟରୁ ସରକାରୀ ଅର୍ଥ ଅସୁଲ କରାଯିବ। ତାହା ସହ ଅଧିକାରୀଙ୍କ ବିରୁଦ୍ଧରେ ଫୈଜଦାରୀ ମକଦ୍ଦମା କରାଯିବା ନେଇ ଚିଠିରେ ଉଲ୍ଲେଖ ରହିଥିଲା। ୩୮ ଟି ପ୍ରକଳ୍ପ ର କୌଣସି ଭେଣ୍ଡରଙ୍କୁ ପ୍ରାପ୍ୟ ଦିଆଯାଇନାହିଁ।ଗତ ୨୦୨୫-୨୬ ଆର୍ଥିକ ବର୍ଷରେ ସମଗ୍ର ଗଞ୍ଜାମ ଜିଲାରେ ଭିବିଜି – ରାମ ଜି ଯୋଜନାରେ ୭୦ ପ୍ରତିଶତ ସଫଳତା ମିଳିଥିବା ବେଳେ ସାନଖେମୁଣ୍ଡି ବ୍ଲକରେ ଯୋଜନା ୧୧୮ ପ୍ରତିଶତ ସଫଳତା ପାଇବା ସହ ୭୭ ପ୍ରତିଶତ ଆର୍ଥିକ ସଫଳତା ରିପୋର୍ଟ ପ୍ରକାଶ ପରେ ରାଜ୍ୟ ସରକାର ଏବଂ ଜିଲା ପ୍ରଶାସନକୁ ବିସ୍ମିତ କରିଥିଲା। ପରେ ଏନେଇ ପ୍ରଶାସନ ପକ୍ଷରୁ ଗୁପ୍ତରେ ତଦନ୍ତ କରାଯାଇଥିଲା। ଗତ ୨୦୨୩ ଅକ୍ଟୋବର ରେ ସାନଖେମୁଣ୍ଡି ବ୍ଲକରେ ବିଡ଼ିଓ କାର୍ଯ୍ୟଭାର ଗ୍ରହଣ କରିଥିବା ବେଳେ ତାଙ୍କ ପୂର୍ବରୁ ୨୦୨୨-୨୩,୨୦୨୩-୨୪ ଆର୍ଥିକ ବର୍ଷର କିଛି ପୁରୁଣା କାମ ୨୦୨୫-୨୬ ରେ କରାଯାଇଥିବାରୁ କାମ ପ୍ରତିଶତ ବଢ଼ିଯାଇଥିବା ଜଣାପଡ଼ିଛି। ବିଡ଼ିଓଙ୍କ ଦସ୍ତଖତରେ କୌଣସି ପେମେଣ୍ଟ କରାଯାଇନଥିବା କାରଣରୁ ତାଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନର ଭୟ ନଥିବା ଜଣାପଡିଛି।

ଭିବିଜି – ରାମ ଜି ଯୋଜନାରେ କୋଟି କୋଟି ଟଙ୍କା ହେର୍‌ଫେର୍‌ ହୋଇଥିବା ବେଳେ ରାଜ୍ୟ ସରକାରଙ୍କ ବିକଶିତ ଗାଁ ବିକଶିତ ଓଡ଼ିଶା ଏବଂ ୫ମ ଏସ.ଏଫ.ସି ଓ ଜି.ଆଇ.ଏ ଯୋଜନା ଅଧୀନରେ ସାନଖେମୁଣ୍ଡି ବ୍ଲକର ଗୋଟିଏ ନିର୍ଦ୍ଦିଷ୍ଟ ପଞ୍ଚାୟତ ଏସ.ଗୋପାଳପୁର ପଞ୍ଚାୟତରେ ୨୦୨୫-୨୬ ଆର୍ଥିକ ବର୍ଷରେ ଗୋଟିଏ କାର୍ଯ୍ୟକୁ ବାରମ୍ବାର ନାମ ପରିବର୍ତ୍ତନ କରି ୧ କୋଟି ୩୩ ଲକ୍ଷ ଟଙ୍କା ବିନା କୌଣସି ସମିତି ବୈଠକରେ ବ୍ୟୟ ଅଟକଳ ମଞ୍ଜୁର କରାଯିବା ଘଟଣା ସାନଖେମୁଣ୍ଡି ବ୍ଲକ ପ୍ରଶାସନର ସ୍ବଚ୍ଛତା ଉପରେ ଅଙ୍ଗୁଳି ନିର୍ଦ୍ଦେଶ କରିଛି ବୋଲି ବହୁ ସଂଖ୍ୟକ ସରପଞ୍ଚ ଓ ସମିତି ସଭ୍ୟ ସେମାନଙ୍କ ପ୍ରତିକ୍ରିୟାରେ କହିଛନ୍ତି। ଅପରପକ୍ଷରେ ବିଡ଼ିଓଙ୍କୁ ଏନେଇ ଯୋଗାଯୋଗ କରିବାରୁ ସମସ୍ତ ଅଭିଯୋଗକୁ ଅସ୍ବୀକାର କରିବା ସହ ସେ କାରଣ ଦର୍ଶାଅ ନୋଟିସର ଉତ୍ତର ଦେଇ ସାରିଥିବା ଉଲ୍ଲେଖ କରିଛନ୍ତି।

Dharitri – Odisha’s No.1 Odia Daily

Enter your email to get our daily news in your inbox.

All Right Reserved By Dharitri.Com

ଗାଁ ଜମି, ଗାଁର ଭୂମିହୀନଙ୍କୁ ଦିଅ: ଗର୍ଜିଲେ ମହିଳା

ଅମରପାଲି,/ବୀରମହାରାଜପୁର, ୨୦/୧୧ (ପୀତାମ୍ବର ସାହୁ/ଯୁଗଳ କିଶୋର ମିଶ୍ର): ସରକାରୀ ଜମିରେ ପ୍ରଥମ ଅଧିକାର ସ୍ଥାନୀୟ ଭୂମିହୀନଙ୍କର। ହେଲେ ନିଜ ଗ୍ରାମର ଭୂମିହୀନ ପରିବାରଙ୍କୁ ଘରଡିହ ଯୋଗାଇ ଦେବା…

IPLକୁ ନେଇ ଅନୁତାପ କଲା ପାକିସ୍ତାନ, PSL ଦଳର ମାଲିକ ଏହାକୁ ବିକ୍ରି କରିବା ସ୍ବୀକାର କଲେ

ନୂଆଦିଲ୍ଲୀ,୨୦।୧୧: ଗତ ଦୁଇ ବର୍ଷ ଧରି, ପାକିସ୍ତାନ କ୍ରିକେଟ ବୋର୍ଡ ବିଶ୍ୱର ସର୍ବବୃହତ T20 ଲିଗ, IPL ସହିତ ସମାନ ୱିଣ୍ଡୋରେ PSL ଆୟୋଜନ କରିଆସୁଛି। ପାକିସ୍ତାନର…

ଡିସେମ୍ବର ୩ରେ ଦେଶବ୍ୟାପୀ ଧର୍ମଘଟ ଚେତାବନୀ; ୨.୫ ଲକ୍ଷ କର୍ମଚାରୀ…

ନୂଆଦିଲ୍ଲୀ,୨୦।୧୧(ପି.ଟି.): ଆଇଡିବିଆଇ ବ୍ୟାଙ୍କର ୬୦ ପ୍ରତିଶତ ଅଂଶଧନ କାନାଡାର ‘ଫେୟାରଫାକ୍ସ ଫାଇନାନ୍ସିଆଲ ହୋଲ୍ଡିଂସ’କୁ ବିକ୍ରି କରିଦେବା ଲାଗି କେନ୍ଦ୍ରର ପ୍ରସ୍ତାବକୁ ସମ୍ପୃକ୍ତ ବ୍ୟାଙ୍କ କର୍ମଚାରୀ ଓ ସଂଘ…

ଜଙ୍ଗଲରୁ ମିଳିଲା ହାତୀଛୁଆର ମୃତଦେହ, ଆଭ୍ୟନ୍ତରୀଣ କନ୍ଦଳରୁ…

ରିଆମାଳ,୨୦ା୧୧(ବଦ୍ରି ନାରାୟଣ ଅଗ୍ରଓ୍ବାଲ): ଦେବଗଡ଼ ଜିଲା ରିଆମାଳ ବନାଞ୍ଚଳ ରେଙ୍ଗାଳବଡ଼ା ଫରେଷ୍ଟ ସେକ୍ସନ ଅନ୍ତର୍ଗତ ଗଦଗଦା ଗ୍ରାମ ନିକଟସ୍ଥ ରମ୍ଭା ଦେବୀ ସଂରକ୍ଷିତ ଜଙ୍ଗଲରୁ ଶୁକ୍ରବାର ଏକ…

ସନ୍ୟାସ ନେବା ପରେ ପତ୍ନୀଙ୍କ ସହ ଏମିତି ଟାଇମ ସ୍ପେଣ୍ଡ କରୁଛନ୍ତି ଏମଏସ ଧୋନୀ!

ନୂଆଦିଲ୍ଲୀ,୨୦।୧୧: ପୂର୍ବତନ ଭାରତୀୟ ଅଧିନାୟକ ଏମ ଏସ ଧୋନୀଙ୍କ ପତ୍ନୀ ସାକ୍ଷୀ ଇନଷ୍ଟାଗ୍ରାମରେ ତାଙ୍କ ଜନ୍ମଦିନ ପାଳନର କିଛି ଫଟୋ ଏବଂ ଏକ ଭିଡିଓ ଶେୟାର କରିଛନ୍ତି।…

ସୁନାର ଫସଲ ଉଜୁଡି ଯିବା ଆଶଙ୍କାରେ ଚାଷୀ ଆତଙ୍କିତ, ଘାରିଛି ଋଣ ଚିନ୍ତା

ପଟ୍ଟାମୁଣ୍ଡାଇ,୨୦ା୧୧(କଳ୍ପତରୁ ନାୟକ): ସାମୁଦ୍ରିକ ଝଡ଼ ଅକ୍ୱାନ ପ୍ରଭାବରେ କେନ୍ଦ୍ରାପଡ଼ା ଜିଲାରେ ଗୁରୁବାର ବର୍ଷା ଓ ପବନ ଆରମ୍ଭ ହୋଇଛି। ପ୍ରବଳରୁ ଅତି ପ୍ରବଳ ବର୍ଷା ହେବା ନେଇ…

କ୍ରିକେଟପ୍ରେମୀଙ୍କ ପାଇଁ ବଡ଼ ଖବର: ୨୦୨୭ ବିଶ୍ୱକପ ଖେଳିବେ ନା ନାହିଁ ରୋହିତ-ବିରାଟ, ଶେଷରେ BCCI ଦେଲା ବଡ଼ ବୟାନ

ନୂଆଦିଲ୍ଲୀ, ୨୦।୧୧: ୨୦୨୭ରେ ଆୟୋଜିତ ହେବ ଦିନିକିଆ ବିଶ୍ୱକପ। ଏହି ବଡ଼ ଟୁର୍ନାମେଣ୍ଟରେ ରୋହିତ ଶର୍ମା ଓ ବିରାଟ କୋହଲି ଖେଳିବାକୁ ନେଇ ଦୀର୍ଘଦିନ ଧରି ସସ୍‌ପେନ୍ସ…

ମାଣ୍ଡୁବାଡ଼ିରେ ପାଣି ପାଇଁ ଉତ୍ତେଜନା: କୂଅରେ କୁକୁର ମୃତଦେହ ଫିଙ୍ଗିଦେଲେ ଦୁର୍ବୃତ୍ତ

ଦାରିଙ୍ଗବାଡ଼ି,୨୦।୧୧(ଅରୁଣ ସାହୁ): ଗୋଟିଏ ପଟେ ବାତ୍ୟା ‘ଅକ୍ୱାନ’କୁ ନେଇ ଅଞ୍ଚଳବାସୀଙ୍କ ଚିନ୍ତା ବଢ଼ିଥିବା ବେଳେ ଅନ୍ୟପଟେ ପିଇବା ପାଣି କୂଅରେ କୁକୁରର ମୃତଦେହ ଫିଙ୍ଗିଦେବା ଘଟଣାକୁ ନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?