ଦୁନିଆରେ ଅନେକ ରହସ୍ୟମୟ ସ୍ଥାନ ରହିଛି। ଏଥିରେ ଆମେରିକାର କ୍ଷେତ୍ର-୫୧ ଅନ୍ତର୍ଭୁକ୍ତ। ଏଠାରେ ସୁରକ୍ଷା କଡ଼ାକଡ଼ି ହୋଇଥିବା ବେଳେ କାହାକୁ ଆସିବାକୁ ଅନୁମତି ନାହିଁ। କେତେକ ସଂସ୍ଥା ଦାବି କରିଛନ୍ତି ଯେ, ଆମେରିକାର ଏରିଆ-୫୧ରେ ଏଲିଅନ୍ସମାନଙ୍କୁ ଗୁପ୍ତ ଭାବରେ ବନ୍ଦୀ କରି ରଖାଯାଇଛି। ସେମାନଙ୍କ ଉପରେ ପରୀକ୍ଷା ନିରୀକ୍ଷା ଚାଲିଛି। ଏହି ସ୍ଥାନଟି କେଉଁ କାରଣରୁ ଗୁପ୍ତ ରଖାଯାଇଛି ତାହା ଆମେରିକାର ଲୋକମାନେ ବି ଜାଣି ନ ଥିଲେ। ଆମେରିକାର ଗୁପ୍ତଚର ଏଜେନ୍ସି ସିଆଇଏ ୨୦୧୩ରେ ପ୍ରଥମ ଥର ପାଇଁ ଏରିଆ-୫୧ ବିଷୟରେ ବିଶ୍ୱକୁ କହିଥିଲା। ତେବେ ଜାଣନ୍ତୁ ଏହି ଗୁପ୍ତ ସ୍ଥାନ ସମ୍ପର୍କରେ…
କୁହାଯାଏ, ୧୯୫୦ ମସିହାରୁ ଆମେରିକାର ଏରିଆ-୫୧ରେ ଏଲିଅନ୍ସମାନେ ବାସ କରନ୍ତି। ଏହାର ସବୁଠାରୁ ବଡ଼ କାରଣ ହେଉଛି, କଣ୍ଟା ବାଡ଼ ମଧ୍ୟରେ ରାତିରେ ଉଡ଼ୁଥିବା ବିମାନଗୁଡ଼ିକର ଆଲୋକ ଦେଖାଯାଇଥିଲା। ୧୯୫୯ ଜୁନ୍ରେ ଏହି ଖବର ପ୍ରଥମେ ଗଣମାଧ୍ୟମରେ ପ୍ରକାଶ ପାଇଥିଲା। ନେଭାଡା ଚାରିପାଖରେ ରହୁଥିବା ଲୋକମାନେ ରହସ୍ୟମୟ ଜିନିଷଗୁଡିକ ସବୁଜ ଆଲୋକରେ ଉଡ଼ିଥିବାର ଦେଖିଛନ୍ତି ବୋଲି କୁହନ୍ତି।
ସେହି ଦିନଠାରୁ ଏଲିଅନ୍ସଙ୍କ ସହିତ ଜଡିତ ଖବର କ୍ରମାଗତ ଭାବରେ ଗଣମାଧ୍ୟମରେ ପ୍ରସାରିତ ହୋଇଆସୁଛି। ଲୋକମାନେ ସେବେଠାରୁ ବିଶ୍ୱାସ କରିଆସୁଛନ୍ତି ଯେ, ଏଲିଅନ୍ସମାନଙ୍କୁ ଏହିଠାରେ ହିଁ ବନ୍ଦୀ ଭାବରେ ରଖାଯାଇଛି। ଆମେରିକୀୟ ବୈଜ୍ଞାନିକମାନେ ବନ୍ଦୀ ରଖାଯାଇଥିବା ଏଲିଅନ୍ସମାନଙ୍କ ଉପରେ ଗବେଷଣା କରୁଛନ୍ତି। ସେହି କାରଣରୁ ନେଭାଡାର ଏହି ଅଞ୍ଚଳକୁ ଯେକୌଣସି ବ୍ୟକ୍ତିଙ୍କ ଆଗମନ ଉପରେ ଏକ ନିଷେଧାଦେଶ ରହିଛି।
