ହାଟଡିହୀ/ଛେନାପଦୀ,୧୫।୮(ଶୁଭକାନ୍ତ ନାୟକ/ନିରାକାର ପରିଡା): ଦିନେ ଯେଉଁ ରାସ୍ତାରେ ଆଣ୍ଠୁଏ କାଦୁଅ ଓ ପାଣି ଜମି ରହୁଥିବାରୁ ଯାତାୟାତ ଦୁର୍ବିସହ ହୋଇପଡ଼ୁଥିଲା, ଶେଷରେ ସେହି ରାସ୍ତା ପକ୍କା ରାସ୍ତାରେ ପରିଣତ ହୋଇଛି। କେନ୍ଦୁଝର ଜିଲା ହାଟଡିହୀ ବ୍ଲକ ଅକରୁଆ ପଞ୍ଚାୟତର ବଡ଼ସାହିଠାରୁ କେନ୍ଦୁଗୁଡ଼ାକୁ ସଂଯୋଗ କରୁଥିବା ରାସ୍ତାଟି ଦୀର୍ଘ ବର୍ଷ ଧରି ଅବହେଳିତ ହୋଇ ପଡ଼ିଥିଲା।
ସ୍ଥାନୀୟ ଲୋକଙ୍କ କହିବାନୁଯାୟୀ, ୨୦୦୨ ମସିହାରେ ପଞ୍ଚାୟତ ଗଠନ ହେବା ପରଠାରୁ ଏହି ରାସ୍ତାର ସ୍ଥାୟୀ ସମାଧାନ ପାଇଁ ବାରମ୍ବାର ଦାବି ହୋଇଆସୁଥିଲା। ବର୍ଷାଦିନେ ରାସ୍ତା ଉପରେ ପାଣି ଓ କାଦୁଅ ଜମି ରହିବା ଯୋଗୁଁ ଛାତ୍ରଛାତ୍ରୀ, ଚାଷୀ, ବୃଦ୍ଧ ଓ ମହିଳାମାନେ ଯିବାଆସିବା ସମୟରେ ଅନେକ ଅସୁବିଧାର ସମ୍ମୁଖୀନ ହେଉଥିଲେ। ଅନେକ ନିର୍ବାଚନ ଆସିଲା ଏବଂ ଅନେକ ସରପଞ୍ଚ ଦାୟିତ୍ୱ ନେଲେ, ମୋତ୍ର ଏହି ରାସ୍ତା ପ୍ରତି ଆବଶ୍ୟକ ଗୁରୁତ୍ୱ ଦିଆଯାଇନଥିବାରୁ ସମସ୍ୟା ଦୀର୍ଘଦିନ ଧରି ଲାଗିରହିଥିଲା।
ବର୍ତ୍ତମାନର ସରପଞ୍ଚ ହେମଲତା ବେହେରା ଦାୟିତ୍ୱ ଗ୍ରହଣ କରିବା ପରେ ଗ୍ରାମବାସୀଙ୍କ ଏହି ଗୁରୁତ୍ୱପୂର୍ଣ୍ଣ ସମସ୍ୟାକୁ ପ୍ରାଥମିକତା ଦେଇଥିଲେ। ରାସ୍ତା ନିର୍ମାଣ ପାଇଁ ସେ ଆବଶ୍ୟକ ପଦକ୍ଷେପ ଗ୍ରହଣ କରିଥିଲେ, ଯାହାଫଳରେ ଶେଷରେ ଏହି ରାସ୍ତା ପକ୍କା ହୋଇପାରିଛି।
ଶନିବାର ସରପଞ୍ଚ ହେମଲତା ବେହେରା ଏହି ପକ୍କା ରାସ୍ତାରୁ ଶୁଭାରମ୍ଭ କରିଥିଲେ। ଏହି ଉଦଘାଟନୀ ଉତ୍ସବରେ ସମାଜସେବୀ ଚତୁର୍ଭୁଜ ସ୍ୱାଇଁ, ନାରାୟଣ ଜେନା, ପଦ୍ମନାଭ ଜେନା, ଗୋକୁଳ ଜେନା, ଶ୍ରୀକାନ୍ତ ଜେନା, ମାନସ ଜେନା, ପିଣ୍ଟୁ ଜେନା, ଲିପୁ ଜେନା, ସତ୍ୟବ୍ରତ ଜେନା, ତ୍ରୈଲୋକ୍ୟ ଜେନା, ବାବୁଲା ଜେନା, କୁଷ ଜେନା, ସତ୍ୟବ୍ରତ ଖଣ୍ଡା, ବଳରାମ ଖଟୁଆ, ଜଗତ ଜେନା, ପ୍ରଫୁଲ୍ଲ ଖଟୁଆ, କାହ୍ନୁ ଖଟୁଆ, ବଳିଆ ଯେନା, ମିଞ୍ଜିରି ଯେନା, ବିଜୁ ଜେନା, ମନୋଜ ଯେନା, ବାଇଧର ଖଣ୍ଡା, ବାଇଧର ଜେନା, ଜିତନ ଜେନା, ଗୌରାଙ୍ଗ ଖଟୁଆ, ଅଜୁ ଜେନା, ଗୁରୁ ଜେନା, ନନ୍ଦ ସେଠୀ, ଶଙ୍କର ସ୍ୱାଇଁ, ସଞ୍ଜୁ ବେହେରା, କାଳିଆ ଜେନା, ଅରୁଣ ବେହେରା, ସଞ୍ଜୟ ପାତ୍ର, ଅଜୟ ପାତ୍ର, ଜୁବୁଲା ସାମଲ ତଥା ୱାର୍ଡ ସଭ୍ୟ ଶୁଭଶ୍ରୀ ଜେନା, ସତ୍ୟଭାମା ଖଟୁଆ, ନିର୍ମଳ ଜେନା, ଅହଲ୍ୟା, ଭାଗେଶ୍ୱର୍ ବେହେରା, ମାଧବିଲତା ଜେନାଙ୍କ ସମେତ ୧୨ଟି ୱାର୍ଡର ବହୁ ସଂଖ୍ୟାରେ ଜନସାଧାରଣ ଉପସ୍ଥିତ ଥିଲେ।
ରାସ୍ତା ନିର୍ମାଣ ହେବାଫଳରେ ବର୍ଷାଦିନେ ଯାତାୟାତ ସମ୍ପର୍କିତ ଭୟ ଓ ଆଶଙ୍କା ଦୂର ହୋଇଥିବାରୁ ଗ୍ରାମବାସୀଙ୍କ ମୁହଁରେ ହସ ଫୁଟିଛି ଏବଂ ଏହି ବିକାଶମୂଳକ କାର୍ଯ୍ୟ ପାଇଁ ସମସ୍ତେ ସରପଞ୍ଚଙ୍କୁ ଧନ୍ୟବାଦ ଜଣାଇଛନ୍ତି।
