ବେଙ୍ଗାଲୁରୁ: ରାସ୍ତାରେ ଟ୍ରାଫିକ୍ ଜାମ୍ ହେଲେ ଦୀର୍ଘ ସମୟ ଅପେକ୍ଷା କରିବା ଅଧିକାଂଶଙ୍କ ପାଇଁ କାଠିକର ପାଠ। ଅନେକେ ଭାବନ୍ତି ଯଦି ଭିଡ଼ରୁ ଉଡ଼ିକରି ଯିବାର ସୁବିଧା ଥାଆନ୍ତା ତେବେ ସେମାନେ ନିଶ୍ଚୟ ଉଡ଼ିଯାଇଥାନ୍ତେ। ହେହଲେ ଏବେ ତାହା କେବଳ ଏକ ଭାବନା ସତ ହେବାକୁ ଯାଉଛି। ଟ୍ରାଫିକ୍ ଜାମ୍ ସମୟରେ ଏଥର ହେଲିକପ୍ଟର ସାହାଯ୍ୟରେ ରାସ୍ତା ପାର୍ କରିହେବ। ଲୋକଙ୍କ ପାଇଁ ଏପରି ସୁବିଧା ଟ୍ରାଫିକ୍ ଜାମ୍ର ସହର କର୍ନାଟକର ବେଙ୍ଗାଲୁରୁରେ ହେବାକୁ ଯାଉଛି। ବ୍ଲେଡ୍ ଇଣ୍ଡିଆ ନାମକ ଏକ କମ୍ପାନୀ ଲୋକଙ୍କୁ ଟ୍ରାଫିକ୍ ଜାମ୍ରୁ ମୁକୁଳାଇବା ପାଇଁ ଏପରି ଅଫ୍ର ଦେଇଛି। ଏହି କମ୍ପାନୀ ହିନ୍ଦୁସ୍ତାନ ଏରୋନଟିକ୍ସ ଲିମିଟେଡ୍(ହାଲ୍) ଦ୍ୱାରା ବେଙ୍ଗାଲୁରୁ ଇଣ୍ଟରନ୍ୟାଶନାଲ ଏୟାରପୋର୍ଟ ପର୍ଯ୍ୟନ୍ତ ୨ଟି ହେଲିକପ୍ଟରର ସୁବିଧା ଯୋଗାଇଦେବ। ୧୦ ଅକ୍ଟୋବରରୁ ଏହି ସୁବିଧା ଆରମ୍ଭ କରାଯିବ। ଭିଡ଼ରୁ ବାହାରି ଲୋକେ ୧୨ ମିନିଟ୍ରେ ଯାଇ ଏୟାରପୋର୍ଟରେ ପହଞ୍ଚିପାରିବେ। ଏହି ଏୟାର ଟାକ୍ସିରେ ଥରକେ ୫ଜଣ ଯାତ୍ରୀ ଯାଇପାରିବେ। ହେଲେ ଏଥିପାଇଁ ସେମାନଙ୍କୁ ଦେବାକୁ ଅର୍ଥ ଦେବାକୁ ପଡିବ। ବାଙ୍ଗାଲୁରୁ ଅନ୍ତର୍ଜାତୀୟ ବିମାନବନ୍ଦର ଏବଂ ହାଲ୍ ମଧ୍ୟରେ ଏହି ଟ୍ୟାକ୍ସି ବ୍ୟବହାର କଲେ ସିଟ୍ ପିଛା ୩,୨୫୦ ଟଙ୍କା ଦେବାକୁ ପଡ଼ିବ। ଲୋକଙ୍କ ପାଇଁ ଏପରି ସେବା ପୂର୍ବାହ୍ନ ୯ରୁ ଅପରାହ୍ନ ୪ଟା ପର୍ଯ୍ୟନ୍ତ ଯୋଗାଇ ଦିଆଯିବ। ଲୋକଙ୍କୁ ଏୟାରପୋର୍ଟରେ ପହଞ୍ଚିବାକୁ ୧୨୦ ମିନିଟ୍ ସମୟ ଲାଗୁଥିବାବେଳେ ୧,୩୦୦ ଟଙ୍କା ଖର୍ଚ୍ଚ ହୋଇଥାଏ।
