ମୁମ୍ବାଇ: ପରିଣିତି ଚୋପ୍ରାଙ୍କ ସହିତ ବିବାହ ପରେ ଶନିବାର ଅର୍ଥାତ୍ ନଭେମ୍ବର ୧୧ରେ ରାଘବ ଚଢା ତାଙ୍କର ପ୍ରଥମ ଜନ୍ମଦିନ ପାଳନ କରୁଛନ୍ତି। ସ୍ବାମୀଙ୍କ ଏହି ବିଶେଷ ଦିନରେ ଅଭିନେତ୍ରୀ ତାଙ୍କ ଉପରେ ତାଙ୍କ ଭଲ ପାଇବା ଅଜାଡି ଦେଇଛନ୍ତି। ସ୍ବାମୀଙ୍କ ପାଇଁ ସେ ଏକ ସ୍ବତନ୍ତ୍ର ପୋଷ୍ଟ ଲେଖିଛନ୍ତି।
ପସ୍ରିଣିତି ଚୋପ୍ରାଙ୍କ ସ୍ବାମୀ ତଥା ଆମ ଆଦମୀ ପାର୍ଟି ଏମପି ରାଘବ ଚଢାଙ୍କ ଜନ୍ମଦିନ। ଅଭିନେତ୍ରୀଙ୍କ ସ୍ବାମୀଙ୍କୁ ୩୫ବର୍ଷ ବୟସ ହୋଇଛି। ଏଭଳି ସମୟରେ ସେ ଏକ ସ୍ବତନ୍ତ୍ର ପୋଷ୍ଟ ଲେଖି ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି।
ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ରାଘବ ଚଢାଙ୍କ ସହ କିଛି ଅନସିନ ଫଟୋ ଶେୟାର କରିଛନ୍ତି। ଫଟୋଗୁଡ଼ିକରେ ଅଭିନେତ୍ରୀଙ୍କ ସ୍ବାମୀଙ୍କ ସହ ବିତାଇଥିବା ବିଶେଷ ମୁହୂର୍ତ୍ତର ଝଲକ ଦେଖାଯାଇଛି। ପ୍ରଥମ ଫଟୋରେ ପରିଣିତି ଏବଂ ରାଘବ ଏକ ବିଦେଶୀ ରାସ୍ତାରେ ପୋଜ ଦେଉଥିବା ନଜର ଆସିଛନ୍ତି। ଏହି ଫଟୋରେ, ଦମ୍ପତି କଳା ପୋଷାକରେ ନଜର ଆସିଛନ୍ତି।
ଦ୍ୱିତୀୟ ଫଟୋରେ ଏହି ଦମ୍ପତି ତାଙ୍କ ପାଦର ମେହେନ୍ଦୀକୁ ଦେଖାଉଥିବା ନଜର ଆସିଛି। ଏହି ଫଟୋରେ, ଅଭିନେତ୍ରୀଙ୍କ ପାଦ ରାଘରଙ୍କ ପାଦରେ କ୍ଲିକ କରାଯାଇଛି।
ଅନ୍ୟ ଏକ ଫଟୋରେ, ଉଭୟ ଏକ କାଫେରେ ବସିଥିବା ଦେଖିବାକୁ ମିଳିଛି। ସେ ରାଘବଙ୍କ କୋଳରେ ଆଉଜି ବସିଥିବାର ଦେଖାଯାଏ। ଏହି ଫଟୋଗୁଡ଼ିକ ସହିତ ଅଭିନେତ୍ରୀ ତାଙ୍କ ସ୍ବାମୀଙ୍କ ପାଇଁ ଏକ ସ୍ବତନ୍ତ୍ର ପୋଷ୍ଟ ଲେଖିଛନ୍ତି।
କ୍ୟାପସନରେ ଲେଖିଛନ୍ତି- ତୁମେ ମୋର ଭଗବାନ, ଭଗବାନ ମୋତେ ଦେଇଥିବା ସର୍ବୋତ୍ତମ ଉପହାର! ତୁମର ମନ ଏବଂ ବୁଦ୍ଧି ମୋତେ ଆଶ୍ଚର୍ଯ୍ୟ କରେ। ତୁମର ମୂଲ୍ୟବୋଧ, ସଚ୍ଚୋଟତା ଏବଂ ବିଶ୍ୱାସ ମୋତେ ଜଣେ ଭଲ ମଣିଷ ହେବାକୁ ପ୍ରେରଣା ଦିଏ।
ଅଭିନେତ୍ରୀ ଆହୁରି ଲେଖିଛନ୍ତି- ପରିବାର ପ୍ରତି ତୁମର ପ୍ରତିବଦ୍ଧତା ମୋତେ ପ୍ରତିଦିନ ଆଶୀର୍ବାଦ ଭଳି ଅନୁଭବ କରେ। ତୁମର ଶାନ୍ତି ମୋର ମେଡିସିନ। ଆଜି ଆନୁଷ୍ଠାନିକ ଭାବରେ ମୋର ପ୍ରିୟ ଦିନ କାରଣ ମୋ ପାଇଁ ତୁମେ ଆଜି ଜନ୍ମ ହୋଇଛ। ଜନ୍ମଦିନର ଶୁଭେଚ୍ଛା! ମୋତେ ପସନ୍ଦ ଥିବାରୁ ଧନ୍ୟବାଦ।
