ନୂଆଦିଲ୍ଲୀ,୨୮।୭ : ରାଷ୍ଟ୍ରପତିଙ୍କୁ ରାଷ୍ଟ୍ରପତ୍ନୀ କହିବା ନେଇ କଂଗ୍ରେସକୁ ଭାଜପା ଘେରିବା ଆରମ୍ଭ କରିଛି। ଏପରି କହି କଂଗ୍ରେସ ସଦସ୍ୟ ଅଧୀର ରଞ୍ଜନ ଚୌଧୁରୀ ଅପମାନ ଜନକ ମନ୍ତବ୍ୟ ଦେଇଥିବା କେନ୍ଦ୍ରମନ୍ତ୍ରୀ ସ୍ମୃତି ଇରାନୀ କହିଛନ୍ତି। କଂଗ୍ରେସ ଏନେଇ କ୍ଷମା ମାଗିବା ଆବଶ୍ୟକ ବୋଲି ସେ ଦାବି କରିଛନ୍ତି। ଏହା ଦ୍ୱାରା ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଅପମାନିତ କରାଯାଇଥିବା ସ୍ମୃତି କହିଛନ୍ତି। ଆରମ୍ଭରୁ କଂଗ୍ରେସ ଦ୍ରୌପଦୀଙ୍କୁ ନେଇ କଡ଼ା ଆଭିମୁଖ୍ୟ ପ୍ରଦର୍ଶନ କରିଥିବା ସେ କହିଛନ୍ତି।
ଏହାର ଏକ ଭିଡ଼ିଓ କ୍ଲିପ୍ ଏବେ ଭାଇରାଲ ହେବାରେ ଲାଗିଛି। ଏନେଇ ଭାଜପା ସଦସ୍ୟଙ୍କ ପକ୍ଷରୁ ସଂସଦ ପରିସରରେ ବିକ୍ଷୋଭ ପ୍ରଦର୍ଶନ କରାଯାଇଛି।
ସ୍ମୃତି ଇରାନୀ କହିଛନ୍ତି ଯେ ଦେଶ ଏବଂ ପୃଥିବୀବାସୀ ଜାଣନ୍ତି ଯେ କଂଗ୍ରେସ ଆଦିବାସୀ ବିରୋଧୀ, ଗରିବ ବିରୋଧୀ ଏବଂ ମହିଳା ବିରୋଧୀ। କିନ୍ତୁ କଂଗ୍ରେସର ପତନ ହୋଇଛି। ଦଳ ଦେଶର ସର୍ବୋଚ୍ଚ ସାମ୍ବିଧାନିକ ପଦବୀରେ ଅବସ୍ଥାପିତ ଆଦିବାସୀ ତଥା ଗରିବ ପରିବାରର ଜଣେ ମହିଳାଙ୍କ ପ୍ରତି ଏପରି ଅସମ୍ମାନ, ତାଙ୍କ ସମ୍ମାନ ଉପରେ ଆଞ୍ଚ ଆଣିବା ଅତ୍ୟନ୍ତ ନିନ୍ଦା ଜନକ ବୋଲି ସେ କହିଛନ୍ତି।
