ବଲିଉଡ ଅଭିନେତ୍ରୀ ଅନନ୍ୟା ପାଣ୍ଡେ ସୋସିଆଲ ମିଡିଆରେ ବେଶ୍ ସକ୍ରିୟ। ବ୍ୟକ୍ତିଗତ ହେଉ କି ବୃତ୍ତିଗତ ଜୀବନ ବିଷୟରେ ସେ ପ୍ରଶଂସକମାନଙ୍କୁ ସୂଚନା ଦିଅନ୍ତି। ନିକଟରେ ଅନନ୍ୟା ନିଜ ଇନଷ୍ଟାଗ୍ରାମରେ ତାଙ୍କ ପିଲାଦିନର ଏକ ଅତି ସୁନ୍ଦର ଫଟୋ ଶେୟାର କରିଥିଲେ। ଯାହାକୁ ନେଇ ଚର୍ଚ୍ଚା ଜୋର ଧରିଛି। ଅଭିନୟ ବ୍ୟତୀତ ଅନନ୍ୟା ଗୀତ ଗାଇବାକୁ ବହୁତ ପସନ୍ଦ କରନ୍ତି। କିନ୍ତୁ ତାଙ୍କ ଗୀତ ଗାଇବାକୁ ନେଇ ତାଙ୍କ ଭଉଣୀ ଆଦୌ ଖୁସି ନାହାନ୍ତି। ଅନନ୍ୟାଙ୍କ ଗୀତ ଶୁଣି ତାଙ୍କ ଭଉଣୀ ରାଇସାଙ୍କ କାନରୁ ରକ୍ତସ୍ରାବ ହେଉଛି। ଅନନ୍ୟା ନିଜ ଇନଷ୍ଟାଗ୍ରାମରେ ଏକ ଚାଟର ସ୍କ୍ରିନଶଟ୍ ଶେୟାର କରିଛନ୍ତି। ଯେଉଁଥିରେ ରାଇସା ତାଙ୍କ ବଡ଼ ଭଉଣୀକୁ ମେସେଜ କରିଛନ୍ତି ଗୀତ ବନ୍ଦ କର, ମୋ କାନରୁ ରକ୍ତ ବାହାରୁଛି। ଅନନ୍ୟା ତାଙ୍କ ଭଉଣୀଙ୍କ ଚାଟ୍କୁ ଶେୟାର କରି ଏକ ମଜାଳିଆ ଉତ୍ତର ବି ଦେଇଛନ୍ତି। ସେ କହିଛନ୍ତି ତୁମ ସହ ଚାଟ କରିବାକୁ ସବୁବେଳେ ଭଲ ଲାଗେ। ଇନଷ୍ଟାଙ୍କ ଅନନ୍ୟାଙ୍କ ଷ୍ଟାଟସ୍ ଦେଖିବା ପରେ ପ୍ରଶଂସକ ମଜାଳିଆ କମେଣ୍ଟ ଦେଇଛନ୍ତି। ଅଭିନେତା ଚଙ୍କି ପାଣ୍ଡେଙ୍କ ଝିଅ ଅନନ୍ୟା ଷ୍ଟୁଡେଣ୍ଟ ଅଫ୍ ଦ ଇୟର୍-୨ରୁ ବଲିଉଡ୍ରେ ଡେବ୍ୟୁ କରିଥିଲେ। ଏହା ହିଟ୍ ସାବ୍ୟସ୍ତ ହୋଇଥିଲା। ପରେ ସେ ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଦେଇ ଚାଲିଛନ୍ତି।
