ଗଞ୍ଜାମ,୨୪ା୧୧(ବିଦ୍ୟାଧର ସାହୁ/ଦିଲ୍ଲୀପ ସାମଲ, ପ୍ରଶାନ୍ତ ମିଶ୍ର): ଗଞ୍ଜାମ ଜିଲା ଖଲ୍ଲିକୋଟ ଥାନା ଅନ୍ତର୍ଗତ ଡଲିବାଟି ନିକଟସ୍ଥ ୧୬ନଂ ଜତୀୟ ରାଜପଥଠାରେ ଏକ ଅଜଣା ଗାଡ଼ି ଧକ୍କାରେ ଜଣେ ପରିବା ବ୍ୟବସାୟୀଙ୍କ ମୃତ୍ୟୁ ଘଟିଥିବା ଜଣାପଡ଼ିଛି। ମୃତ ବ୍ୟବସାୟୀ ଜଣକ ହେଲେ ରମ୍ଭା ଥାନା ଡିଆଁଡେଇଁ ମଧୁରଚୂଆ ଗ୍ରାମର ସାଧୁ ନାହାକ(୫୨)।
ମିଳିଥିବା ସୂଚନାଯାୟୀ, ମୃତ ବ୍ୟକ୍ତି ଶୁକ୍ରବାର ଭୋର୍ରୁ ତାଙ୍କ ଗାଡ଼ି ନଂ ଓଡି ୦୭ ଏଇ ୯୦୦୬ରେ ପନିପରିବା ନେଇ କେଶପୁରକୁ ବିକ୍ରି କରିବାକୁ ଯାଉଥିବା ବେଳେ ଏକ ଅଜଣା ଗାଡ଼ି ପଛରୁ ଧକ୍କା ଦେଇ ଦ୍ରୁତଗତିରେ ଚାଲିଯାଇଥିଲା । ଗାଡିକୁ ଧକ୍କା ଦେବା ସହ ପରିବା ବେପାରୀଙ୍କ ଉପରେ ଟ୍ରକ୍ ଚକା ମାଡ଼ିଯାଇଥିଲା। ଫଳରେ ତାଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ପାଟ୍ରୋଲିଂ ଗାଡ଼ି ଏବଂ ଖଲ୍ଲିକୋଟ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଗାଡ଼ି ଓ ମୃତଦେହ ଜବତ କରିଛି। ଖବର ପାଇ ମୃତ ବ୍ୟକ୍ତିଙ୍କ ପୁଅ ଘଟଣାସ୍ଥଳରେ ପହଞ୍ଚିବା ପରେ ମୃତଦେହ ବ୍ୟବଚ୍ଛେଦ ପାଇଁ ମେଡିକାଲ ପଠାଯାଇଛି।
