ସୋସିଆଲ ମିଡିଆରେ ଏକ ହୃଦୟସ୍ପର୍ଶୀ ଭିଡିଓ ଏବେ ଭାଇରାଲ ହେବାରେ ଲାଗିଛି। ୟୁଏଇ ରାଜଧାନୀ ଅବୁଧାବୀର ଏକ ୪ ବର୍ଷର ରୋଗାଗ୍ରସ୍ତ ଶିଶୁର ସ୍ବପ୍ନ ଥିଲା ଏକ କାର କିଣିବା। ଅବୁଧାବି ପୋଲିସ ଏହା ଜାଣିବା ପରେ ଉକ୍ତ ଶିଶୁକୁ ଏକ ସର୍ପ୍ରାଇଜ୍ ଦେଇଛି।
ଭିଡିଓରେ ଦେଖିବାକୁ ମିଳୁଛି ଯେ, ୪ ବର୍ଷୀୟ ମହମ୍ମଦୁଅଲ ହରମୌଦି ଡାକ୍ତରଖାନା ବାହାରେ ଛିଡ଼ା ହୋଇଛନ୍ତି ଏବଂ ସେ ପୋଲିିସ କ୍ୟାପ୍ ମଧ୍ୟ ପିନ୍ଧିଛନ୍ତି। କିଛି ସମୟ ପରେ ଏକ ପୋଲିସ ଗାଡି ଆସୁଛି ଏବଂ ଡ୍ରାଇଭର ଶିଶୁକୁ ନିଜ ପାଖରେ ବସାଉଛନ୍ତି। ପରେ କାରରେ ଶିଶୁଟି ଯାତ୍ରା କରାଉଛନ୍ତି। କାରରେ ବୁଲାଇବା ପରେ ପୋଲିସ ଶିଶୁକୁ ଏକ ଇଲେକ୍ଟ୍ରିକ୍ କାର ଉପହାର ରୂପେ ଦେଉଛି। ଏଥିସହ ଏକ ନକଲି ବନ୍ଧୁକ ମଧ୍ୟ ତାଙ୍କୁ ଦିଆଯାଉଛି। ଏହି ବନ୍ଧୁକକୁ ଶିଶୁଟି ନିଜ ବେକରେ ପକାଉଥିବା ଦେଖିବାକୁ ମିଳୁଛି। ଏହି ଭିଡିଓକୁ ଫେସବୁକରେ ୧୧ ଏପ୍ରିଲରେ ଶେୟାର କରାଯାଇଥିଲା। ଏହାକୁ ଲୋକେ ପସନ୍ଦ କରିବା ସହ କମଣ୍ଟେ ମଧ୍ୟ କରୁଛନ୍ତି।
