ନୂଆଦିଲ୍ଲୀ,୧୩ ।୧୧: ଦିଲ୍ଲୀ ନଗର ନିଗମ ନିର୍ବାଚନ ପାଇଁ ଆମ ଆଦମୀ ପାର୍ଟି(ଏଏପି) ପ୍ରାର୍ଥିଙ୍କ ଦ୍ୱିତୀୟ ତାଲିକା ଜାରି କରି ସାରିଛି । ଏହାସହ ଏଏପି ସମସ୍ତ ୨୫୦ ୱାର୍ଡ ପାଇଁ ପ୍ରାର୍ଥିଙ୍କ ନାମ ଘୋଷଣା କରି ସାରିଛି । ଏଥର ଏଏପି ଅନେକ ପୂର୍ବତନ ପ୍ରାର୍ଥିଙ୍କ ଟିକେଟ କାଟି ଦେଇଛି । ଏହାସହ କେତେଜଣ ନେତା ଯେଉଁମାନେ ପ୍ରାର୍ଥି ହେବାର ସ୍ୱପ୍ନ ଦେଖୁଥିଲେ ସେମାନଙ୍କ ଟିକେଟ ବି କାଟି ଦିଆଯାଇଛି ।
ଏହାରି ଭିତରେ ନେତା ସେମାନଙ୍କ ଅସନ୍ତୁଷ୍ଟ ବ୍ୟକ୍ତ କରିଥିବା ଦେଖାଯାଇଛି । ଏମିତି ଜଣେ ପ୍ରାର୍ଥି ଇଲେକ୍ଟ୍ରିକ ଟାୱାର ଉପରେ ଚଢି ହାଇଡ୍ରାମା କରିଥିବା ଦେଖାଯାଇଛି । ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି । ଏମସିଡି ନିର୍ବାଚନ ଲଢିବା ପାଇଁ ଏଏପି ପକ୍ଷରୁ ହସିବ ଉଲ ହାସନଙ୍କୁ ଟିକେଟ ନ ମିଳିବାରୁ ସେ ଏକ ଇଲେକ୍ଟ୍ରିକ ଟାୱାର ଉପରେ ଚଢି ଯାଇଥିଲେ । ପରେ ବହୁ କଷ୍ଟରେ ପୋଲିସ ତାଙ୍କୁ ଉଦ୍ଧାର କରିଥିବା ଜଣାପଡିଛି । ଏପଟେ ଦଳ ଭିତରେ ଟଙ୍କା ଲେଣଦେଣ ହୋଇ ଟିକେଟ ବଣ୍ଟା ଯାଇଥିବା ସେ ଅଭିଯୋଗ ଆଣିଛନ୍ତି ।
