ବମ୍ବେ: ନିର୍ବନ୍ଧ କରିଛନ୍ତି ବଲିଉଡ୍ ଅଭିନେତା ଆମିର ଖାଁଙ୍କ ଝିଅ ଆୟରା ଖାଁ। କିଛି ମାସ ତଳେ ପ୍ରେମିକ ନୂପୁର ଶିଖରେ ତାଙ୍କୁ ପ୍ରପୋଜ୍ କରିଥିଲେ। ଏବେ ଉଭୟ ଆଧିକାରିକ ଭାବେ ନିବନ୍ଧ କରିଛନ୍ତି। ଆମିରଙ୍କ ସହ ପୁରା ପରିବାର ଏହି ଉତ୍ସବରେ ସାମିଲ ହୋଇ ନୂଆ ଯୋଡ଼ିଙ୍କୁ ଆଶୀର୍ବାଦ ଦେଇଛନ୍ତି।
ଆୟରାଙ୍କ ନିର୍ବନ୍ଧର ଅନେକ ଫଟୋ ସାମ୍ନାକୁ ଆସିଛି। ଫଟୋରେ ଆୟରା ଲାଲ ରଙ୍ଗର ସୁନ୍ଦର ଗାଉନ୍ ପିନ୍ଧିଛନ୍ତି। ଅପରପକ୍ଷେ ନୂପୁର କଳା ରଙ୍ଗର ଟକ୍ସିଡୋ ପିନ୍ଧି କ୍ୟାମେରାକୁ ପୋଜ୍ ଦେଉଥିବା ଦେଖାଯାଉଛି।
୨୦୨୦ରେ ପରସ୍ପରକୁ ଭେଟିଥିଲେ ଆୟରା-ନୂପୁର। ଷ୍ଟାରକିଡ୍ଙ୍କ ଜିମ୍ରେ ନୂପୁର ଟ୍ରେନର ଥିଲେ। ଲକ୍ଡାଉନ୍ ସମୟରେ ସେ ଆୟଶାଙ୍କ ନିକଟତର ହୋଇଥିଲେ। ଦୁହେଁ ପ୍ରେମରେ ପଡ଼ିବା ପରେ ସମ୍ପର୍କକୁ ଅଫିସିଆଲ କରିଥିଲେ। ୨୦୨୨ ସେପ୍ଟେମ୍ବରରେ ଏକ ପ୍ରତିଯୋଗିତା ପରେ ଆୟରାଙ୍କୁ ନୂପୁର ପ୍ରପୋଜ କରିଥିଲେ। ଶେଷରେ ଦୁହେଁ ଏବେ ଉଭୟ ପରିବାର ଉପସ୍ଥିତିରେ ନିର୍ବନ୍ଧ କରିନେଇଛନ୍ତି।
