ଭୁବନେଶ୍ୱର,୫।୩(ବ୍ୟୁରୋ): ଆଲବମ ଅଭିନେତ୍ରୀ କରାଇଦେବାକୁ କହି ଜଣେ ଯୁବତୀଙ୍କୁ ବଳାତ୍କାର କରାଯାଇଛି। ଏନେଇ ପୀଡିତା ଓ ତାଙ୍କ ପରିବାର ଲୋକେ ଭରତପୁର ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗ ଆଧାରରେ ପୋଲିସ ସହ କଳାକାର ସୁରଜ ବିଶ୍ୱାଳଙ୍କ ନାମରେ ଆଇପିସି ଦଫା ୩୭୬ରେ ମାମଲା ନଂ.୭୭/୨୨ ରୁଜୁ କରି ତଦନ୍ତ ଚଳାଇଥିବା ଏସ୍ଆଇ ବିଜୟ କୁମାର ଦାଶ କହିଛନ୍ତି। ଅଭିଯୋଗ ଅନୁଯାୟୀ, ଖୋର୍ଦ୍ଧା ଅଞ୍ଚଳରୁ ଆସିଥିବା ଜଣେ ଯୁବତୀଙ୍କୁ ସୁରଜ ଆଲ୍ବମ୍ରେ ଅଭିନେତ୍ରୀ କରାଇଦେବାକୁ କହି ଭରତପୁରରେ ଥିବା ଏକ ଘରକୁ ଡାକିଥିଲେ। ଏହାପରେ ସେ ସେଠାରେ ତାଙ୍କୁ ବଳାତ୍କାର କରିଥିଲେ। ତେବେ ଭରତପୁର ଥାନାରେ ପୀଡିତା ଅଭିଯୋଗ କରିଛନ୍ତି। ଅଭିଯୁକ୍ତଙ୍କୁ ଗିରଫ ପାଇଁ ଉଦ୍ୟମ ଚାଲିଥିବା ଏସ୍ଆଇ ଦାଶ କହିଛନ୍ତି।
