ନାରୀର ତନୁପାତଳି ଅଣ୍ଟା ସମସ୍ତଙ୍କୁ ଆକର୍ଷିତ କରେ। ସେଇଥିପାଇଁ ତ ଏମିତି ଅଣ୍ଟା ପାଇବା ଲାଗି ଅନେକେ ଜିମ୍ ଯାଆନ୍ତି, ବିଭିନ୍ନ ବ୍ୟାୟାମ କରନ୍ତି। ନିକଟରେ ଜଣେ ମହିଳା ସୋସିଆଲ ମିଡିଆରେ ନିଜର ପତଳା ଅଣ୍ଟା ପାଇଁ ବେଶ୍ ଚର୍ଚ୍ଚାରେ ଅଛନ୍ତି। ଚର୍ଚ୍ଚାର କାରଣ ହେଉଛି, ତାଙ୍କର ଅଣ୍ଟା ତେ ପତଳା ଯେ ଜଣେ ବଳିଷ୍ଠ ବ୍ୟକ୍ତିଙ୍କ ହାତ ମୁଠାରେ ଅଣ୍ଟା ରହିଯିବ। ଏହି ତରୁଣୀଜଣକ ହେଉଛନ୍ତି ମ୍ୟାନ୍ମାରର ୨୩ ବର୍ଷୀୟା ସୁ ନାଇଙ୍ଗ। ତାଙ୍କ ଅଣ୍ଟା ହେଉଛି ମାତ୍ର ୧୩.୭ ଇଞ୍ଚର। ବିଶ୍ୱାସ କରାଯାଉଛି ସୁ’ଙ୍କ ଅଣ୍ଟା ହେଉଛି ପୃଥିବୀର ସବୁଠାରୁ ପତଳା ଅଣ୍ଟା। ତେବେ ଅନେକେ ତାଙ୍କ ଫଟୋ ଦେଖି ବିଶ୍ୱାସ କରନ୍ତି ନାହିଁ। ଆଉ କେତେକେ କହନ୍ତି ଫଟୋ ଏଡିଟ୍ ହୋଇଛି। ଆଉ କିଏ କହନ୍ତି ସୁ’ ବୋଧହୁଏ ସର୍ଜରି କରି ଏଭଳି ଅଣ୍ଟା ପାଇଛନ୍ତି। କିନ୍ତୁ ସୁ’ କହନ୍ତି, ଏଭଳି ଅଣ୍ଟା ପାଇବା ପାଇଁ ସେ କୌଣସି ସର୍ଜରିର ସାହାଯ୍ୟ ନେଇ ନାହାନ୍ତି। ସ୍ବତନ୍ତ୍ର ଡାଏଟ୍ ଦ୍ୱାରା ତାଙ୍କ ଅଣ୍ଟା ଏତେ ସରୁ ହୋଇପାରିଛି।
