ସାଧାରଣତଃ ପିଲାମାନେ ମା’ ବାପାଙ୍କଠାରୁ ଉପହାର ନେବାକୁ ଚାହିଁ ବସିଥାନ୍ତି। କେହି କେହି ପିଲା ଉପହାର ନେବାକୁ ଅଳି ମଧ୍ୟ କରନ୍ତି। କିନ୍ତୁ ଜଣେ ଯୁବକ ଏସବୁଠାରୁ ବହୁ ଦୂରରେ। ସେ ନିଜ ଧନୀ ମାତାପିତାଙ୍କ ଦାମୀ ଉପହାର ଦେଖି ଖପ୍ପା ହୋଇଯାଇଛନ୍ତି। ଫଳସ୍ବରୂପ ନିଜ ଟୁଇଟର୍ ମାତାପିତାଙ୍କ ଉପରେ ରାଗି ଏକ ପୋଷ୍ଟ ଶେୟାର କରିଛନ୍ତି। ଯାହାକୁ ନେଇ ଚର୍ଚ୍ଚା ଜୋର ଧରିଛି। ୟୁଆନ୍ ନାମକ ଏହି ଯୁବକ ଜଣଙ୍କ ଟୁଇଟର୍ରେ ଏକ ପୋଷ୍ଟ କରିଥିଲେ। ଯେଉଁଥିରେ ସେ ଲେଖିଲେ, ମୁଁ ମୋ ମାତାପିତାଙ୍କ ଉପରେ ବହୁତ ରାଗିଛି। ମୁଁ ଗତ ୩ ବର୍ଷ ହେବ କୌଣସି କାମ କରୁନାହିଁ। ତଥାପି ସେମାନେ ମୋତେ ଆର୍ଥିକ ସହାୟତା କରିଆସୁଛନ୍ତି। ସେ ଆହୁରି ମଧ୍ୟ କହିଛନ୍ତି, ମୋ କଲେଜରେ କିଛି ସାଙ୍ଗ ଥିଲେ ସେମାନଙ୍କର ଟଙ୍କା ସମସ୍ୟା ରହିଥିଲା। କିନ୍ତୁ ମୋ ମାତାପିତା ଧନୀ ହୋଇଥିବାରୁ ମୁଁ ଏହି ସମସ୍ୟା ଦେଇ ଗତି କରି ନାହିଁ। ମୋ ପରିବାର ମୋତେ ସର୍ବଦା ଟଙ୍କା ଦେଇ କେବଳ ମୋତେ ସାହାରା ଦେଇନାହାନ୍ତି ବରଂ ମୋତେ ବିଗାଡି ଦେଇଛନ୍ତି। ଏହାଦ୍ୱାରା ମୋର ବ୍ୟକ୍ତିଗତ ଉନ୍ନତି ଅଟକି ରହିଛି। ସେ ମୋତେ କେବଳ ବାସନ ମାଜିବା, ଝାଡୁ ମାରିବା ଭଳି କାମ କରିବାକୁ ଦେଇନାହାନ୍ତି। ଗତବର୍ଷ ମୋ ମା’ ମୋତେ ୭୫ ଲକ୍ଷ ଟଙ୍କାର ଉପହାର ଦେଇଥିଲେ। ମୁଁ କୌଣସି କାମ କରୁ ନ ଥିବାରୁ ଏହି ଉପହାର ଦେଖି ମୁଁ ପ୍ରବଳ ରାଗିଯାଇଥିଲି ବୋଲି ୟୁଆନ୍ କହିଛନ୍ତି।
