ଜଣେ ବ୍ୟକ୍ତିଙ୍କ ମୃତ୍ୟୁ ମାମଲାରେ ଏକ କୁକୁଡ଼ାକୁ ଗିରଫ କରାଯାଇଛି। ଏମିତି ଏକ ଅଜବ ମାମଲା ସାମ୍ନାକୁ ଆସିଛି ତେଲେଙ୍ଗାନାର ଜଗତିଆଲ ଜିଲାରୁ।
ଖବର ଅନୁଯାୟୀ, ଜଗତିଆଲ ଜିଲାରେ ଏକ ବେଆଇନ କୁକୁଡ଼ା ଲଢ଼େଇ ଆୟୋଜିତ ହୋଇଥିଲା। ଏହି ଅବସରରେ ଏକ କୁକୁଡ଼ାର ଗୋଡ଼ରେ ଛୁରି ବନ୍ଧାଯାଇଥିଲା। ଏହି ସମୟରେ କୁକୁଡ଼ାଟି ହଠାତ୍ ସତୀଶ ନାମକ ବ୍ୟକ୍ତିଙ୍କୁ ଅକ୍ରମଣ କରିଥିଲା। ସତୀଶଙ୍କ ଅଣ୍ଟା ତଳକୁ କୁକୁଡ଼ା ଆକ୍ରମଣ କରିଥିଲା। ଏହି ଆକ୍ରମଣ ବହୁତ ବିପଜ୍ଜନକ ଥିଲା ଗୁରୁତର ଅବସ୍ଥାରେ ସତୀଶଙ୍କୁ ହସ୍ପିଟାଲରେ ଭର୍ତ୍ତି କରାଗଲା। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ କୁକୁଡ଼ାକୁ ଗିରଫ କରିଥିଲା। ଉକ୍ତ ରାଜ୍ୟରେ କୁକୁଡ଼ା ଲଢ଼େଇ ନିଷେଧ ଥିଲେ ମଧ୍ୟ ଏଭଳି କାର୍ଯ୍ୟକ୍ରମ ଆୟୋଜିତ ହୋଇଥିଲା।
