ଆଖିରେ କଳା ଚଷମା। ମୁହଁରେ ମାସ୍କ ପିନ୍ଧି ଅଭିନବ ଢ଼ଙ୍ଗରେ ମହିଳା ଚୋରି କରିନେଲେ ୧୦ ଲକ୍ଷ ମୂଲ୍ୟର ସୁନା ହାର। ଗୋରଖପୁରର ଗୋଲଘରରେ ଥିବା ଏକ ସୁନା ଦୋକାନରେ ଏଭଳି ଘଟଣା ଘଟିଛି। ମହିଳାଜଣଙ୍କ ଗ୍ରାହକ ସାଜି ଆସି ବେଶ ଚତୁରତାର ସହ ଚୋରି କରି ଫେରାର ହେବା ବେଳର ଘଟଣା ସିସିଟିଭିରେ କଏଦ ହେବା ପରେ ଭାଇରାଲ ହେଉଛି।
ଭାଇରାଲ ଭିଡିଓଟି ନଭେମ୍ବର ୧୭ର। ଭିଡିଓରେ ଦେଖାଯାଉଥିବା ଦୃଶ୍ୟ ଅନୁଯାୟୀ କିଛି ଗ୍ରାହକ ଅଳଙ୍କାର ଦୋକାନରେ ଉପସ୍ଥିତ ଅଛନ୍ତି। ସେମାନଙ୍କ ମଧ୍ୟରେ କଳା ଚଷମା ପିନ୍ଧିଥିବା ମହିଳା ଅଛନ୍ତି। ସେ ବହୁତ ଧନୀ ଭଳି ଲାଗୁଛନ୍ତି। ହେଲେ କଥା ହେବା ଆଳରେ ସେ ଗୋଟିଏ ହାରକୁ କୋଳକୁ ନେଇ ଲୁଚାଇ ଦେଉଛନ୍ତି। କେହି ସେ କଥାକୁ ନେଇ ସନ୍ଦେହ କରନ୍ତି ନାହିଁ। ପରେ ସେ ସେଠାରୁ ଫେରାର ହୋଇଯାଉଛନ୍ତି।
ପୁରା ଘଟଣା ପରେ ଦୋକାନ ମାଲିକ ଅଳଙ୍କାର ସେଟ୍ ଯାଞ୍ଚ କରିଥିଲେ। ସେଥିରେ ଗୋଟିଏ ସେଟ୍ କମ୍ ପାଇଥିଲେ। ଏହାକୁ ନେଇ ଶୋ’ ରୁମ୍ରେ ଉତ୍ତେଜନା ପ୍ରକାଶ ପାଇଥିଲା। ମାଲିକ ପ୍ରଥମେ ତାଙ୍କ କର୍ମଚାରୀଙ୍କୁ ସନ୍ଦେହ କରିଥିଲେ। କିନ୍ତୁ ସିସିଟିଭି ଫୁଟେଜ ଦେଖାଯିବା ପରେ ମହିଳାଙ୍କ ଚୋରି ଘଟଣା ସାମ୍ନାକୁ ଆସିଥିଲା। ଏହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ପରେ ଏନେଇ ଦୋକାନ ମାଲିକ ପୋଲିସ ନିକଟରେ ଅଭିଯୋଗ କରିଛନ୍ତି।
गोरखपुर में काले चश्मे वाली महिला ने जूलरी शॉप में ऐसे पार किया सोने का हार pic.twitter.com/rqpzQGkw1n
— Samir Abbas (@TheSamirAbbas) November 26, 2022
