ବନ୍ଧୁତା ଏମିତି ଏକ ଶବ୍ଦ ଯାହାର କଳନା ନାହିଁ। ମାତ୍ର ଏମିତି ଜଣେ ଝିଅ ଅଛନ୍ତି, ଯାହାଙ୍କ ବନ୍ଧୁ କୌଣସି ଝିଅ କି ପୁଅ ନୁହନ୍ତି। ଏକ ବିଷଧର ସାପ। ସାଧାରଣତଃ ସାପକୁ କିଏ ବା ନ ଡରେ। କିନ୍ତୁ ଇସ୍ରାଏଲରେ ରହୁଥିବା ୮ ବର୍ଷୀୟା ଇନ୍ବରଙ୍କ ବନ୍ଧୁ ହେଉଛି ଏହି ଅଜଗର। ଏପରିକି ଇନବର ସୁଇମିଂ ପୁଲ୍କୁ ଗଲେ ମଧ୍ୟ ଅଜଗର ତାଙ୍କ ସହିତ ଯାଇଥାଏ। ଏହାର ଲମ୍ବ ୧୧ ଫୁଟ। ଏହା ହଳଦିଆ ରଙ୍ଗର। ଅଜଗର ସହିତ ଇନ୍ବରଙ୍କୁ ଦେଖିଲେ ଅନ୍ୟ ପିଲାମାନେ ଭୟଭୀତ ହୋଇଯାନ୍ତି। କିନ୍ତୁ ଇନ୍ବର ସକାଳୁ ରାତି ପର୍ଯ୍ୟନ୍ତ ଏହି ଅଜଗର ସହ ସମୟ କାଟିଥାନ୍ତି।
ଇନବର ନିଜର ମାତାପିତାଙ୍କ ସହିତ ଦକ୍ଷିଣ ଇସ୍ରାଏଲର ଏକ କୃଷି ଅଭୟାରଣ୍ୟରେ ରୁହନ୍ତି। ପିଲାଦିନରୁ ଇନବର ଗୃହପାଳିତ ପଶୁମାନଙ୍କୁ ଭଲପାଆନ୍ତି। ସେହି ଗୃହପାଳିତ ପ୍ରାଣୀମାନଙ୍କ ମଧ୍ୟରୁ ଏହି ଅଜଗର ଗୋଟିଏ। ଏହାର ନାମ ‘ବେଲେ’।
An eight-year-old Israeli girl’s favorite swimming buddy is her 11-foot yellow pet python called Belle https://t.co/XEsjdPQGam pic.twitter.com/V2IUna7T2F
— Reuters (@Reuters) October 8, 2020
ଇନବର ଏବଂ ବେଲେ ମଧ୍ୟରେ ଘନିଷ୍ଠ ବନ୍ଧୁତା ରହିଛି। ଇନବର ଯେତେବେଳେ ଛୋଟ ଥିଲେ ବେଲେ ମଧ୍ୟ ଛୋଟ ଥିଲା। ଏବେ ଦୁଇଜଣ ବଡ଼ ହୋଇଗଲେଣି। ତେଣୁ ତା’ ସହିତ ରହିବାକୁ ଇନବରଙ୍କୁ ଟିକେ ବି ଡର ଲାଗେନି ବୋଲି କୁହନ୍ତି। ସୋସିଆଲ ମିଡିଆରେ ବେଲେ ଏବଂ ଇନବରଙ୍କ ସୁଇମିଂ ପୁଲ ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି। ଏହି ଭିଡିଓ ଦେଖି ୟୁଜରମାନେ ଆଶ୍ଚର୍ଯ୍ୟ ହୋଇଯାଇଛନ୍ତି।
