ବିହାରରେ ୮ ଶ୍ରମିକଙ୍କୁ ନିର୍ଯାତନା

ତେନ୍ତୁଳିଖୁଣ୍ଟି,୨୬।୬(ଡି.ଏନ୍‌.ଏ.): ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକ ମଞ୍ଚାଗାଁ ପଞ୍ଚାୟତ ବଙ୍ଗଳାଗୁଡ଼ା ଗ୍ରାମରୁ ୮ ଶ୍ରମିକଙ୍କୁ ବିହାରରେ କାମ କରିବାକୁ ନେଇ ନିର୍ଯାତନା ଦିଆଯାଉଛି। ସେମାନଙ୍କ ଠାରୁ ମୋବାଇଲ ଛଡ଼ାଇ ନେବାସହ ବିନା ପାରିଶ୍ରମିକରେ ଜୋର ଜବରଦସ୍ତ କାମ କରିବାକୁ ବାଧ୍ୟ କରାଯାଉଛି। ଏମିତିକି ପାରିଶ୍ରମିକ ମାଗିଲେ ମାଡ଼ ମରାଯାଉଛି। ଏ ନେଇ ପରିବାର ଲୋକେ କୌଣସି ପ୍ରକାରେ ଖବର ପାଇବା ପରେ ଖାତିଗୁଡ଼ା ଥାନା ଏବଂ ଶ୍ରମ ବିଭାଗର ଦ୍ୱାରସ୍ଥ ହୋଇଛନ୍ତି।
ସୂଚନା ଅନୁଯାୟୀ, ଅଞ୍ଚଳର ଦଲାଲ ଟଙ୍କଧର ଗୌଡ଼ କାମ ଯୋଗାଇଦେବାର ପ୍ରତିଶ୍ରୁତି ଦେଇ ବଙ୍ଗଳାଗୁଡ଼ା ଗ୍ରାମର ଆନନ୍ଦ ଗୌଡ଼ଙ୍କ ପୁଅ ଘାସି, ଲୁକୁ ଗୌଡ଼ଙ୍କ ପୁଅ ତୁଳାରାମ, ରଘୁନାଥ ଗୌଡ଼ଙ୍କ ପୁଅ ବିରାଙ୍ଗ, ଅଭିନାଥ ପୂଜାରୀଙ୍କ ପୁଅ ଟୁନା, ଚଣ୍ଡାଳ ଗୌଡ଼ଙ୍କ ପୁଅ କୃଷ୍ଣ, ଗଙ୍ଗାଧର ଗୌଡ଼ଙ୍କ ପୁଅ ଲଛମନ୍‌ ଏବଂ ଡମୁ ଗୌଡ଼ଙ୍କ ପୁଅ ରୁକଧାରଙ୍କୁ କୋରାପୁଟ ଜିଲା ତେଲେଙ୍ଗାସିଲ ଅଞ୍ଚଳର ଦଲାଲ ଚନ୍ଦ୍ର ଗୌଡ଼ ଏବଂ ବାନୁଆଗୁଡ଼ାର ଦିନେଶ ବାଗଙ୍କ ନିକଟକୁ ନେଇଥିଲେ। ଚନ୍ଦ୍ର ଏବଂ ଦିନେଶ ଶ୍ରମିକମାନଙ୍କୁ ବିହାରର ଗୟା ଜିଲାକୁ ନେଇ କାମରେ ଲଗାଇଥିଲେ। କିଛିଦିନ ପରେ ସେମାନଙ୍କ ଫୋନ ଛଡ଼ାଇ ନେଇ ଜୋର ଜବରଦସ୍ତ କାମ କରାଉଥିଲେ। ପାରିଶ୍ରମିକ ମାଗିଲେ ମାଡ଼ ମାରୁଥିଲେ। ଏ ନେଇ ଶ୍ରମିକମାନଙ୍କ ପରିବାର ପକ୍ଷରୁ ଖାତିଗୁଡ଼ା ଥାନାରେ ଅଭିଯୋଗ କରାଯିବା ସହ ଶ୍ରମ ବିଭାଗକୁ ଅବଗତ କରାଯାଇଛି।
ଏ ନେଇ ଥାନା ଅଧିକାରୀ ପ୍ରମୋଦ କୁମାର ନାୟକ ମଧ୍ୟ ଶ୍ରମ ବିଭାଗକୁ ଅବଗତ କରିଛନ୍ତି। ଅତିରିକ୍ତ ଶ୍ରମ କମିଶନର କୁବେର ବେହେରା ଘଟଣାର ତଦନ୍ତ ପାଇଁ ଅତିରିକ୍ତ ଜିଲା ଶ୍ରମ ଅଧିକାରୀ ଗୋପାଳକୃଷ୍ଣ ମଙ୍ଗରାଜଙ୍କୁ ଦାୟିତ୍ୱ ଦେଇଛନ୍ତି। ଶ୍ରମିକମାନେ କେଉଁଠି ଅଛନ୍ତି ସେ ନେଇ ଗୁଗଲ୍‌ ଜରିଆରେ ସର୍ଚ୍ଚ କରାଯାରଉଛି। ମୋବାଇଲ ଟ୍ରାକ୍‌ ମଧ୍ୟ କରାଯାଉଛି। ତଦନ୍ତ ପରେ କମିଶନରଙ୍କୁ ରିପୋର୍ଟ ପ୍ରଦାନ କରାଯିବ ବୋଲି ଅତିରିକ୍ତ ଜିଲା ଶ୍ରମ ଅଧିକାରୀ କହିଛନ୍ତି।
ତେନ୍ତୁଳିଖୁଣ୍ଟି ବ୍ଲକରେ ଏମ୍‌ଜିଏନ୍‌ଆର୍‌ଇଜିଏସ୍‌ରେ ହିତାଧିକାରୀଙ୍କୁ ଠିକ ସମୟରେ ପ୍ରାପ୍ୟ ନ ମିଳିବା ଏବଂ ମେଶିନରେ କାମ ହେବା ଯୋଗୁ ଅଞ୍ଚଳର ଶ୍ରମିକ କାମ ଆଶାରେ ଦଲାଲଙ୍କ ଶିକାର ହେଉଥିବା ପାତ୍ରପୁଟର ସମିତିସଭ୍ୟ ଦିଲୀପ ପ୍ରଧାନୀ ଅଭିଯୋଗ କରିଛନ୍ତି। ସେହିପରି ତଦନ୍ତ କରି ଆଖିଦୃଶିଆ ପଦକ୍ଷେପ ନିଆଯାଉ ବୋଲି ବ୍ଲକ କଂଗ୍ରେସ ଉପସଭାପତି ଭୀମସେନ ପାଣିଗ୍ରାହୀ ଦାବି କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଟଙ୍କା ୨ ଶହ ପାଇଁ ମାମୁଙ୍କ ମୃତ୍ୟୁର କାରଣ ସାଜିଲା ଭଣଜା

ଉମରକୋଟ, ୧୭।୧୧(ସ୍ବ.ପ୍ର.): ମାତ୍ର ୨ଶହ ଟଙ୍କା ପାଇଁ ମାମୁଙ୍କୁ ହତ୍ୟା କରିଛି ଭଣଜା। ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲା ଉମରକୋଟ ବ୍ଲକ...

ବିବାହିତ ସତ୍ତ୍ୱେ ପ୍ରେମିକଙ୍କ ସହ ହୋଇଯାଇଥିଲେ ଫେରାର; ବବୁଲ ଗଛରେ ଝୁଲୁଛି ମୃତଦେହ

ଚନ୍ଦାହାଣ୍ଡି,୨୫।୯(ଡି.ଏନ୍‌.ଏ.): ନବରଙ୍ଗପୁର ଜିଲା ଚନ୍ଦାହାଣ୍ଡି ଥାନା ଅଧୀନସ୍ଥ ଶରଧାପୁର ଗ୍ରାମର ଅଳ୍ପ ଦୂରରେ ଥିବା ଏକ ବବୁଲ ଗଛରେ ସେହି ଗ୍ରାମର ପ୍ରେମୀଯୁଗଳ ବେକରେ ରଶି...

ଶିକ୍ଷୟିତ୍ରୀଙ୍କ ସାବୁନରେ ବାସନ ମାଜିବାରୁ ଛାତ୍ରଙ୍କୁ ମାଡ଼

ପାପଡାହାଣ୍ଡି,୨୮।୧୦(ଡି.ଏନ.ଏ)- ଶିକ୍ଷୟିତ୍ରୀଙ୍କ ବାସନମଜା ସାବୁନରେ କେତେ ଜଣ ଛାତ୍ର ନିଜ ବାସନ ମାଜି ଦେଇଥିଲେ। ଏହାକୁ ନେଇ ଶିକ୍ଷୟିତ୍ରୀ ରାଗିଯାଇ ଛାତ୍ରମାନଙ୍କୁ ମାଡ ମାରିଥିଲେ। ଶିକ୍ଷୟିତ୍ରୀଙ୍କ...

ନବରଙ୍ଗପୁରରେ ୭୩ତମ ସ୍ବାଧୀନତା ଦିବସ

ନବରଙ୍ଗପୁର,୧୫।୮(ବି.ପ୍ର.): ନବରଙ୍ଗପୁର ଷ୍ଟାଡିୟମଠାରେ ଜିଲାସ୍ତରୀୟ ୭୩ତମ ସ୍ବାଧୀନତା ଦିବସ ପାଳିତ ହୋଇଯାଇଛି। ମୁଖ୍ୟ ଅତିଥି ଭାବେ ପର୍ଯ୍ୟଟନ, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ...

ନୂଆ ଚେହେରାକୁ ନେଇ ମଇଦାନକୁ ଓହ୍ଲାଇଛି ୩ ପ୍ରମୁଖ ଦଳ

ରାଇଘର, ୬ା୨(ଡି.ଏନ୍‌.ଏ.) ନବରଙ୍ଗପୁର ଜିଲା ରାଇଘର ବ୍ଲକର ୪ ଜିଲା ପରିଷଦ ଆସନ ମଧ୍ୟରୁ ୩ନମ୍ବର ଆସନ ମଧ୍ୟରେ ଭାଜପା ବିଜେଡି ଓ କଂଗ୍ରେସ ମଧ୍ୟରେ...

ତାଲିକାରେ ନାଁ ଅଛି, ମିଳୁନି ଆବାସ

ତେନ୍ତୁଳିଖୁଣ୍ଟି,୨୫।୨(ଡି.ଏନ.ଏ) ପ୍ରଧାନମନ୍ତ୍ରୀ ଆବାସ ପାଇଁ ଚୟନ ତାଲିକାରେ ନାମ ଅଛି,ତଥାପି ହିତାଧିକାରୀଙ୍କୁ କାର୍ଯ୍ୟାଦେଶ ମିଳୁନି। ବାଧ୍ୟ ହୋଇ ଭଙ୍ଗା ଦଦରା ଘରେ ରହୁଛନ୍ତି ହିତାଧିକାରୀ। ଏହିପରି...

କଟକ ମେୟରଙ୍କ ପୋଷ୍ଟର ପୋଡ଼ି

ନବରଙ୍ଗପୁର, (ବି.ପ୍ର.)/ଭୁବନେଶ୍ୱର (ବ୍ୟୁରୋ), ୨୪ା୫: ‘କାମ କର ନଚେତ ମାଲକାନଗିରି ପଠେଇଦେବି’ କଟକ ମେୟର ସୁବାସ ସିଂ ଦେଇଥିବା ଏପରି ମନ୍ତବ୍ୟକୁ ବିରୋଧ କରିଛି ନବରଙ୍ଗପୁର...

ନିଲମ୍ବିତ ହେଲେ ଆଇଆଇସି, ଲାଞ୍ଚ ନେବାବେଳେ ଧରିଥିଲା ଭିଜିଲାନ୍ସ

ଉମରକୋଟ,୨୮।୭(ସ୍ବ.ପ୍ର): ନବରଙ୍ଗପୁର ଜିଲା ଉମରକୋଟ ଥାନା ଅତିରିକ୍ତ ଅଧିକାରୀ(ଆଇଆଇସି)ଲିମରାଜ ପ୍ରଧାନଙ୍କୁ ଡିଜିପି ନିଲମ୍ବିତ କରିଛନ୍ତି। ଏକ ପୁରୁଣା କେସ୍‌କୁ କୋହଳ କରିବା ପାଇଁ ଜଣେ ବ୍ୟକ୍ତିଙ୍କ...

Advertisement
Archives

Model This Week