ଗୁଣପୁର,୧୪/୮(ସୁଜାତା ପାଢ଼ୀ):ମହିଳାଙ୍କୁ ମାରପିଟ,ଗାଳି ଗୁଲଜ ଏବଂ ଅସ ଅସଦାଚାରଣ କରିବା ଘଟଣାକୁ ନେଇ ରାୟଗଡା ଜିଲା ଗୁଣପୁର ଏସଡିଜେଏମଙ୍କ କୋର୍ଟରେ ଶୁକ୍ରବାର ରାୟ ପ୍ରକାଶ ପାଇଛି। ଅଭିଯୁକ୍ତ ପେବୁକା କରାଡ.ସନେୟା ବିଡିକା, ବୁଲି ହିଆଲ, ଆକାଶ ଗାଣ୍ଟା, ଶାନ୍ତି ଗାଣ୍ଟା, ନିରୁ ଲିମା,ଇନ୍ଦ୍ର ଗର ଡିଆ,ରାଧେୟ ଗାଣ୍ଟା ଦୋଷି ସାବ୍ୟସ୍ତ ହୋଇଛନ୍ତି। ଦଫା ୩୨୩ରେ ୬ ମାସ ସଶ୍ରମ କାରାଦଣ୍ଡ ସହ ୨୫୦ ଟଙ୍କା ଲେଖାଏ ଅର୍ଥ ଦଣ୍ଡ । ଅନାଦେୟ ଅଧିକା ୩୦ ଦିନ ସଶ୍ରମ କାରାଦାଣ୍ଡ ଭୋଗିବେ ବୋଲି ସଡିଜେଏମ ବିଜୟ ଲକ୍ଷ୍ମୀ ମହାପାତ୍ର ତାଙ୍କ ରାୟରେ ଉଲେଖ କରିଛନ୍ତି। ସେହିପରି ଦଫା ୩୨୪ରେ ଦେଢ ବର୍ଷ ସଶ୍ରମ କାରାଦାଣ୍ଡ ସହ ପ୍ରତ୍ଯେକଳୁ କଙ୍କୁ ୧୦୦୦ ଟଙ୍କା ଅର୍ଥ ଦଣ୍ଟରେ ଦଣ୍ଡିତ କରିଛନ୍ତି କୋର୍ଟ। ଅନାଦେୟ ୪ ମାସ ସଶ୍ରମ କାରାଦଣ୍ଡ ଭୋଗିବେ ବୋଲି କୋର୍ଟ ତାଙ୍କ ରାୟରେ ଦର୍ଶାଇଛନ୍ତି। ମାମଲାରୁ ଜଣାଯାଏ ଗୁଡାରି ଗ୍ରାମର ପ୍ରେମାଞ୍ଜଳି ଲିମା ତାଙ୍କୁ ମାରପିଟ,ଗାଳି ଗୁଲଜ ଏବଂ ଅସଦାଚରଣ କରାଯାଇଥିବା ଗୁଡାରି ଥାନା ଥାନାରେ ଗତ ୨୦୨୦ ସେପଟମ୍ବର ୯ ତାରିଖରେ ଅଭିଯୋଗ କରିଥିଲେ। ଏହି ମାମଲାର ବିଚାରଣା ଗୁଣପୁର ଏସଡିଜେଏମଙ୍କ କୋର୍ଟରେ ହୋଇଥିଲା। ଅଭିଯୁକ୍ତଙ୍କ ପାଇଁ ଭାଗିରଥି ବାଙ୍ଗାରୀ ଏବଂ ସରକାରଙ୍କ ପକ୍ଷରୁ ଗଣେଷ ପଣ୍ଡା,ଇନ୍ଦ୍ରାକ୍ଷୀ ପ୍ରସାଦ ଦାସ, ହିମକାନ୍ତ ମହାପାତ୍ର ମାମଲା ପରିଚାଳନା ଚାଳନା କରିଥିଲେ। ଜାମିନ ପରେ ସେମାନେ କୋର୍ଟରୁ ମୁଜଳି ଥିଲେ। ରାୟ ବିରୋଧରେ ସେମାନେ ଉପର କୋର୍ଟର ଆଶ୍ରୟ ନେବେ ବୋଲି ଅଭିଯୁକ୍ତଙ୍କ ଓକିଲ ଭାଗିରଥି ବାଙ୍ଗାରି ସୂଚନା ପ୍ରଦାନ କରିଛନ୍ତି।
