ଡେଟିଂ ଓ ଚାଟିଂ ଆପରେ ଅଜଣା ବ୍ୟକ୍ତିଙ୍କ ସହ ବନ୍ଧୁତା ବା ସମ୍ପର୍କ ଆରମ୍ଭ କରିବାକୁ ପ୍ରାୟ କେତେ ଜଣଙ୍କୁ ପସନ୍ଦ। ଏପରି କରି ବେଳେବେଳେ ସେମାନେ ଠକାମିର ଶିକାର ମଧ୍ୟ ହୋଇଥାନ୍ତି। ତେବେ ବର୍ତ୍ତମାନର ଯୁବପିଢ଼ି ଏହି ଆପ୍କୁ ବହୂଳ ବ୍ୟବହାର କରୁଥିାବେଳେ ଏବେ ବୟସ୍କ କୋକ ମଧ୍ୟ ଡେଟିଂ ଆପ୍ ପ୍ରେମରେ ପଡ଼ୁଛନ୍ତି।
ଏଭଳି ଏକ ଖବର ଆସିଛି ପଶ୍ଚିମବଙ୍ଗରୁ । ଫସି ଯାଇଛନ୍ତି ଜଣେ ବୃଦ୍ଧ ବ୍ୟକ୍ତି । ପଶ୍ଚିମବଙ୍ଗର ସଲ୍ଟ ଲେକ ଅଞ୍ଚଳର ଜଣେ ୬୩ ବର୍ଷୀୟ ବୃଦ୍ଧ ବ୍ୟକ୍ତି ଅନଲାଇନ ଡେଟିଂ ଆପରେ ଠକେଇର ଶିକାର ହୋଇଛନ୍ତି । ଡେଟିଂ ଆପରେ ଜଣେ ମହିଳାଙ୍କ ସହ ପରିଚୟ ମହଙ୍ଗା ପଡ଼ିଛି। ସେ ୬୬.୬ ଲକ୍ଷ ଟଙ୍କା ହରାଇବା ପରେ ବିଧାନନଗର ସାଇବରକ୍ରାଇମ ପୋଲିସ ଷ୍ଟେସନରେ ଅଭିଯୋଗ କରିଥିଲେ। ପରେ ଏହି ଘଟଣା ସାମନ୍ନାକୁ ଆସିଛି ।
ସୂଚନା ଯୋଗ୍ୟ, ବୃଦ୍ଧ ଜଣଙ୍କ ଏପ୍ରିଲ ୧୪ ତାରିଖରେ ଅନଲାଇନ ଡେଟିଂ ଆପରେ ଜଣେ ମହିଳାଙ୍କ ସଂସ୍ପର୍ଶରେ ଆସିଥିଲେ । ଏହା ପରେ ସେ ହୱାଟ୍ସଆପ ଯୋଗେ ତାଙ୍କ ସହ କଥା ହେୋଇଥିଲେ । ଗୋଟିଏ ସପ୍ତାହ ମଧ୍ୟରେ ଉକ୍ତ ମହିଳା ଜଣଙ୍କ ବୃଦ୍ଧଙ୍କୁ ଅନଲାଇନରେ ଟଙ୍କା ନିବେଶ କରିବାକୁ କହିଥିଲେ, ଯେଉଁଥିରେ ସେ ଭଲ ରିଟର୍ଟନ ପାଇବେ ବୋଲି ମଧ୍ୟ ଜଣାଇଥିଲେ । ପରେ ସେ ଟେଲିଗ୍ରାମରେ ଏକ ଗ୍ରୁପରେ ତାଙ୍କୁ ଯୋଡିଥିଲେ । ଯେଉଁଠାରେ ଅନେକ ନକଲି ୟୁଜର ସଫଳ ନିବେଶକ ଭାବେ ନିଜକୁ ଉପସ୍ଥାପନ କରୁଥିଲେ।
ପ୍ରାଥମେ ବୃଦ୍ଧ ଜଣଙ୍କ ୨୦ ହଜାର ଟଙ୍କା ନିବେଶ କରିଥିଲେ, ଛୋଟ ଲାଭ ଦେଖି ଉତ୍ସାହିତ ହୋଇ ଏଥିରେ ବିଶ୍ୱାସ କରିଥିଲେ । ଦିନକୁ ଦିନ ସେ ଏଥିରେ ଅଧିକଅଧିକ ନିବେଶ କଲେ । ଏପରିକି ତାଙ୍କ ସବୁ ସଞ୍ଚୟ ସେ ଏଥିରେ ଲଗାଇଥିଲେ । ସେ ତାଙ୍କ ଆପାର୍ଟମେଣ୍ଟ ବିକ୍ରି କରିବା ସହ ବିଭିନ୍ନ ବ୍ୟାଙ୍କ ଆକାଉଣ୍ଟରୁ ଟଙ୍କା ଉଠାଇ ନିବେଶ କରିଥିଲେ । ଉକ୍ତ ମହିଳାଙ୍କ ପରାମର୍ଶରେ ସେ ବିଭିନ୍ନ ବିପୁଳ ଅର୍ଥ ନିବେଶ କରିଥିଲେ । ପରେ ସେ ଠକାମିର ଶିକାର ହୋଇ ୬୬.୬ ଲକ୍ଷ ଟଙ୍କା ହରାଇ ଦେଇଥିଲେ ।
