ନୂଆଦିଲ୍ଲୀ,୧୭।୧୨ : ଅନଲାଇନ ଠକେଇ ଦେଶରେ ଏକ ବଡ ସମସ୍ୟା ସୃଷ୍ଟି କରିଛି। ନକଲି ସିମର ନେଟୱାର୍କ ଭାରତରେ ବ୍ୟାପକ ପରିମାଣରେ ଚାଲିଛି। ଲୋକମାନେ ନକଲି ଡକ୍ୟୁମେଣ୍ଟ ସହିତ ସିମ କାର୍ଡ ପାଉଛନ୍ତି, ତାପରେ ଏହି ସିମ କାର୍ଡ ବ୍ୟବହାର କରି ଅନଲାଇନ ଠକେଇ କରାଯାଇଥାଏ। ଏପରି ପରିସ୍ଥିତିରେ ଠକମାନଙ୍କୁ ଚିହ୍ନଟ କରିବା ଏବଂ ଧରିବା କଷ୍ଟକର ହୋଇପଡେ। ତେବେ ବର୍ତ୍ତମାନ ସରକାର ବଡ ପଦକ୍ଷେପ ନେଇ ୫୫ ଲକ୍ଷ ମୋବାଇଲ ଫୋନ ସଂଯୋଗ ବନ୍ଦ କରିଛନ୍ତି।
ଭାରତ ସରକାର ସଞ୍ଚାର ସାଥି ପୋର୍ଟାଲରୁ ନ କଲି କଗେଜପତ୍ରରେ ମିଳିଥିବା ସିମ କାର୍ଡଗୁଡ଼ିକୁ ଚିହ୍ନଟ କରିଛନ୍ତି। ସାଇବର ଅପରାଧ ଏବଂ ଅନଲାଇନ ଠକେଇକୁ ରୋକିବା ଲକ୍ଷ୍ୟରେ ଏହି ପୋର୍ଟାଲ ଡିଜାଇନ କରାଯାଇଛି । ସଞ୍ଚାର ସାଥି ପୋର୍ଟାଲରୁ, ଗ୍ରାହକ ନିଜେ ଜାଣିପାରିବେ ତାଙ୍କର ଆଧାର, ଭୋଟର ଆଇଡି କାର୍ଡ କିମ୍ବା ଅନ୍ୟାନ୍ୟ ପ୍ରମାଣପତ୍ର ସାହାଯ୍ୟରେ ଅନ୍ୟ କେହି ସିମ କାର୍ଡ କିଣିଛନ୍ତି କି? ଗ୍ରାହକ ଏପରି ମୋବାଇଲ ନମ୍ବର ବିରୋଧରେ ଅଭିଯୋଗ କରିପାରିବେ।
ସଂସଦରେ ସୂଚନା ପ୍ରଦାନ କରୁଥିବାବେଳେ ଯୋଗାଯୋଗ ରାଷ୍ଟ୍ର ମନ୍ତ୍ରୀ ଦେବୁସିଂହ ଜୟସିଂ ଭାଇ ଚୌହ୍ବାନ କହିଛନ୍ତି ନକଲି ପରିଚୟ ପତ୍ର ମାଧ୍ୟମରେ ମିଳିଥିବା ୫୫ ଲକ୍ଷ ମୋବାଇଲ ନମ୍ବର ବନ୍ଦ ହୋଇଯାଇଛି। ଏଥିସହ ସାଇବର ଅପରାଧ ତଥା ଆର୍ଥିକ ଠକେଇରେ ଜଡିତ ୧.୩୨ ଲକ୍ଷ ହ୍ୟାଣ୍ଡସେଟକୁ ସରକାର ଅବରୋଧ କରିଥିବାବେଳେ ଲୋକଙ୍କ ଅଭିଯୋଗ ପାଇବା ପରେ ୧୩.୪୨ଲକ୍ଷ ସଂଯୋଗକୁ ଅବରୋଧ କରାଯାଇଛି ବୋଲି କୁହାଯାଇଛି। ଆର୍ଥିକ ଜାଲିଆତି, ଫିସିଙ୍ଗ କଲ ଭଳି ଅପରାଧିକ କାର୍ଯ୍ୟକଳାପ ଜାଲ ଡକ୍ୟୁମେଣ୍ଟ ବ୍ୟବହାର କରି ସିମ କାର୍ଡ ବ୍ୟବହାର କରି ବ୍ୟାପକ ପରିମାଣରେ ଚାଲିଥିବାରୁ ଏଭଳି ପଦକ୍ଷେପ ଗ୍ରହଣ କରାଯାଇଛି।
ସୂଚନାଯୋଗ୍ୟ, ୟୁଜର୍ ମୋବାଇଲ ନମ୍ବର ଯାଞ୍ଚ୍ କରିବା ପାଇଁ “ସଞ୍ଚାର ସାଥି” ପୋର୍ଟାଲ ହେଉଛି ଏକ ଅନଲାଇନ ପ୍ଲାଟଫର୍ମ। ଏହି ପୋର୍ଟାଲ ୟୂଜରମାନଙ୍କୁ ସେମାନଙ୍କ ନାମରେ ଦିଆଯାଇଥିବା ମୋବାଇଲ ସଂଯୋଗଗୁଡିକ ଜାଣିବା, ଅତ୍ୟାବଶ୍ୟକ ସଂଯୋଗଗୁଡ଼ିକୁ ବିଚ୍ଛିନ୍ନ କରିବା, ହଜିଯାଇଥିବା ମୋବାଇଲ ଫୋନକୁ ଅବରୋଧ କରିବା ଏବଂ ନୂତନ ଖୋଜିବାକୁ ସକ୍ଷମ କରିଥାଏ । ମୋବାଇଲ ଫୋନ ଏହା ଡିଭାଇସର ବ୍ୟବହାର ସମ୍ପର୍କରେ ଯାଞ୍ଚ କରିବାକୁ ସୁବିଧା ଦେଇଥାଏ ।
