୫ମାସ ବିତିଲା, ହେଲାନି ସ୍ବତନ୍ତ୍ର ବୈଠକ

ନୟାଗଡ଼,୭ା୧୨(ଲୋକନାଥ ମିଶ୍ର)ନୟାଗଡ଼ ଜିଲା ସଦର ମହକୁମାର ପୁରୁଣା ସହରରେ ପୂଜା ପାଉଥିବା ଜଗନ୍ନାଥ, ବଳଭଦ୍ର ଓ ସୁଭଦ୍ରାଙ୍କ ପାଇଁ କରାଗଲାନି ସ୍ବତନ୍ତ୍ର ବୈଠକ। ଏକାଦଶୀରେ ଅନୁଷ୍ଠିତ ସୁନାବେଶରେ ଶ୍ରୀଜୀଉ ରୁପା ଅଳଙ୍କାରରେ ସଜ୍ଜିତ ହେଉଥିବାରୁ ୨୦୨୩ ବାହୁଡ଼ା ଯାତ୍ରା ପରେ ସ୍ବତନ୍ତ୍ର ବୈଠକ କରାଯିବାକୁ ୫ମାସ ତଳେ ଅନୁଷ୍ଠିତ ପ୍ରସ୍ତୁତି ବୈଠକରେ ନିଷ୍ପତ୍ତି ହୋଇଥିଲା । ଜୁନ୍‌ ଯାଇ ଡିସେମ୍ବର ହେଲାଣି, ଇତି ମଧ୍ୟରେ ପ୍ରାୟ ୫ମାସ ବିତିଛି । ହେଲେ ପ୍ରଶାସନର ସ୍ବତନ୍ତ୍ର ବୈଠକ କରିବା ନେଇ ମନେ ପଡୁ ନ ଥିବାରୁ ଅନୁରୂପ ଭାବେ ପୁଣି ଅସନ୍ତୋଷ ପ୍ରକାଶ ପାଇଛି ।
ସୂଚନା ଅନୁଯାୟୀ, ପ୍ରତିବର୍ଷ ସୁନାବେଶରେ ନୟାଗଡ଼ର ଶ୍ରୀଜୀଉ ରୁପା ଅଳଙ୍କାର ପିନ୍ଧୁଛନ୍ତି ା ସୁନାବେଶରେ ରୁପା ଅଳଙ୍କାର ପିନ୍ଧି ଦର୍ଶନ ଦେବାକୁ ନେଇ ଭକ୍ତ ମହଲରେ ଉଦ୍‌ବେଗ ଓ ଅସନ୍ତୋଷ ପ୍ରକାଶ ପାଇ ଆସୁଛି । ରାଜରାଜୁଡା ସମୟର ଶ୍ରୀଜୀଉଙ୍କ ସୁନା ଅଳଙ୍କାର ଥିଲା। ପ୍ରାୟ ୩୩ ବର୍ଷ ତଳେ ତାହା କୁଆଡ଼େ ଗାଏବ ହୋଇଯାଇଥିଲା। ରାଜରାଜୁଡା ସମୟର ସୁନା ଅଳଙ୍କାରକୁ କେହି ଚତୁରତାର ସହ ଅଦଳବଦଳ କରି ସେହି ସ୍ଥାନରେ ସୁନା କଲେଇ ଅଳଙ୍କାର(ରୁପା ଅଳଙ୍କାରରେ ସୁନାର ପ୍ରଲେପ) ରଖି ହଡପ କରିଥିଲେ ବୋଲି ଅଭିଯୋଗ ହୋଇଛି । ତେବେ ଏହି ଘଟଣାର ଆଜି ପର୍ଯ୍ୟନ୍ତ ପର୍ଦ୍ଦାଫାସ ହୋଇ ପାରିନାହିଁ । ପରବର୍ତ୍ତୀ ସମୟରେ ସୁନାର ପ୍ରଲେପ ଛାଡିଯିବା ପରେ ପୁଣି ସୁନାର ପ୍ରଲେପ ଦିଆଯାଇଥିଲା । ତେବେ ସାଢ଼େ ୪ ବର୍ଷ ହେଲା ଶ୍ରୀଜୀଉଙ୍କ ଅଳଙ୍କାରରେ ଆଉ ପ୍ରଲେପ ଦିଆଯାଉ ନ ଥିବାରୁ ପ୍ରଭୁ ସେହି ସୁନା ରଙ୍ଗଛଡ଼ା ଅଳଙ୍କାର ପିନ୍ଧୁଛନ୍ତି । ଏ ନେଇ ପ୍ରାୟ ୨ବର୍ଷ ତଳେ ଆଲୋଚନା ହୋଇଥିଲା । କଟକର କାରିଗର ୫ ଲକ୍ଷ ଟଙ୍କା ନେଇ ରୁପା ଉପରେ ସୁନା କଲେଇ କରିବାକୁ ରାଜି ହୋଇଥିଲେ । ହେଲେ ପ୍ରଶାସନର ନିଷ୍ପତ୍ତି ଶୀତଳଭଣ୍ଡାରରେ ରହିଗଲା । ସୁନାବେଶରେ ଶ୍ରୀଜୀଉ ସ୍ବର୍ଣ୍ଣ ଅଳଙ୍କାର ପିନ୍ଧୁ ନ ଥିବାରୁ ବାହୁଡା ପରେ ସ୍ବତନ୍ତ୍ର ବୈଠକ କରାଯିବାକୁ ଗତ ଜୁନ୍‌ ୧ରେ ରଥଯାତ୍ରା ପ୍ରସ୍ତୁତି ବୈଠକରେ ନିଷ୍ପତ୍ତି ହୋଇଥିଲା । ପୁଣି ମନ୍ଦିର ରୀତିନୀତି ଠିକ୍‌ରେ କରିବା ଓ ମନ୍ଦିରକୁୁ ସହାୟତା ଦେବା ଉଦ୍ଦେଶ୍ୟରେ ସମ୍ପୃକ୍ତ ବୈଠକରେ ଆଲୋଚନା କରାଯିବ ବୋଲି ଜିଲାପାଳ ଓ ଉପଜିଲାପାଳ ସହମତି ପ୍ରକାଶ କରିଥିଲେ।
ଏନେଇ ନୟାଗଡ଼ର ଜଣେ ଭକ୍ତ ଭବାନୀ ଶଙ୍କର ଦାଶ କୁହନ୍ତି, ୧୯୯୦ ପୂର୍ବରୁ ରାଜରାଜୁଡା ସମୟର ଅଳଙ୍କାରକୁ ଗାଏବ କରି ତା’ସ୍ଥାନରେ ଏକା ପ୍ରକାରର ପ୍ରଲେପ ଦିଆ ଅଳଙ୍କାର ରଖାଯାଇଥିଲା। ହେଲେ ଏନେଇ କେହି ଜାଣି ପାରିଲେ ନାହିଁ । ନୟାଗଡ଼ ଦେବୋତ୍ତର ମ୍ୟାନେଜର ଜଗନ୍ନାଥ ସାହୁ ଥିବାବେଳେ ଓଡ଼ଗଁା ରଘୁନାଥଙ୍କ ସୁନାଖଡିକା ଦେଖିବାକୁ ମିଳି ନ ଥିଲା । ତତ୍କାଳୀନ ଉପଜିଲାପାଳ ପୁରୁଷୋତ୍ତମ ପାତ୍ର ସୁନାଖଡିକା କୁଆଡେ ଗଲା ବୋଲି ପ୍ରଶ୍ନ କରିଥିଲେ। ସୁନା ଖଡିକା ସଫେଇ କରିବାକୁ ଦିଆଯାଇଥିବା ମ୍ୟାନେଜର ସଫେଇ ଦେଇଥିଲେ । ତେବେ ତୁରନ୍ତ ସକାଳ ପାଇଲା ବେଳକୁ ରଘୁନାଥଙ୍କ ପାଖରେ ସୁନାଖଡିକା ଯେପରି ଦେଖିବେ ସେନେଇ ନିର୍ଦ୍ଦେଶ ଦେଇଥିଲେ ଉପଜିଲାପାଳ। ଏହି ଘଟଣାରେ ଅସନ୍ତୋଷ ବ୍ୟକ୍ତ କରି ଦେବୋତ୍ତର ମ୍ୟାନେଜର ଜଗନ୍ନାଥ ସାହୁଙ୍କୁ ତତ୍କାଳୀନ ଉପଜିଲାପାଳ ନିଲମ୍ବିତ କରିଥିଲେ । ସେହି ସମୟରେ ନୟାଗଡ଼ ଜଗନ୍ନାଥ ମହାପ୍ରଭୁଙ୍କ ସୁନା ଅଳଙ୍କାରରୁ ପ୍ରଲେପ ଛାଡିଥିବା ଦେଖିବାକୁ ମିଳିଥିଲା । ପରେ ଠାକୁରଙ୍କ ସମସ୍ତ ଅଳଙ୍କାର ରୁପା ବୋଲିି ଜଣାପଡିଥିଲା । ତେବେ ଗୋଟେ କଥା ସ୍ପଷ୍ଟ ହୋଇଥିଲା ଯେ ଠାକୁରଙ୍କ ରାଜରାଜୁଡା ସମୟର ଅଳଙ୍କାରକୁ ଅତି ଚତୁରତାର ସହ ଗାଏବ କରାଯାଇଥିଲା, ଯାହାକି ଅଦ୍ୟାବଧି ରହସ୍ୟାବୃତ୍ତ ହୋଇରହିଛି । ଏଭଳିସ୍ଥଳେ ପ୍ରଶାସନର ନିଷ୍ପତ୍ତି ଅନୁସାରେ ସ୍ବତନ୍ତ୍ର ବୈଠକ କରାଯାଇ ଶ୍ରଜୀଉଙ୍କ ସୁନା ପ୍ରଲେପ ଓ ମନ୍ଦିରର ଅସୁବିଧାକୁ ତୁରନ୍ତ ଦୂର କରିବା ଦରକାର । ଭକ୍ତ ପ୍ରମୋଦ ପଟ୍ଟନାୟକ କୁହନ୍ତି, ନୟାଗଡ଼ର ଶ୍ରୀଜୀଉଙ୍କ ରୁପା ଅଳଙ୍କାର ଉପରେ ସୁନାର ପ୍ରଲେପ ଦିଆଯାଇଥିବା ଆମେ ଜାଣିବାକୁ ପାଇଛୁ। ସୁନାର ପ୍ରଲେପ ଛାଡିଯିବା ପରେ ସୁନାବେଶରେ ଶ୍ରୀଜୀଉ ରୁପା ଅଳଙ୍କାର ପରିଧାନ କରିବା ଘଟଣା କଷ୍ଟ ଦେଇଛି। ରୁପା ଅଳଙ୍କାର ଉପରେ ସୁନାର କଲେଇ କରିବାକୁ ୫ ବର୍ଷ ତଳେ ୫ରୁ ୬ ଲକ୍ଷ ଟଙ୍କା ଖର୍ଚ୍ଚ ହେବ ବୋଲି ଆକଳନ ହୋଇଥିଲା। ଏ ସଂକ୍ରାନ୍ତରେ ଚଳିତ ବର୍ଷ ବାହୁଡ଼ା ଯାତ୍ରା ଶେଷ ପରେ ସ୍ବତନ୍ତ୍ର ବୈଠକ କରାଯିବାକୁ ନିଷ୍ପତ୍ତି ହୋଇଥିଲା। ଜିଲାପାଳ ଓ ଉପଜିଲାପାଳଙ୍କ ଉପସ୍ଥିତିରେ ସୁନା କଲେଇ ସମ୍ପର୍କରେ ଆଲୋଚନା କରାଯାଇ ଏହାର ଆକଳନ ହେବ । ସୁନାର କଲେଇ ପାଇଁ ଭକ୍ତମାନଙ୍କ ସହଯୋଗ ନେଇ ୨୦୨୪ରେ ଠାକୁର ସୁନା ବେଶରେ ଦର୍ଶନ ଦେବାକୁ ସବୁ ପ୍ରକାରର ବ୍ୟବସ୍ଥା କରାଯିବାକୁ ମତ ପ୍ରକାଶ ପାଇଥିଲା। ତେବେ ଏ ଦିଗରେ ପ୍ରଶାସନ ସହ ଆଲୋଚନା କରାଯାଇ ତୁରନ୍ତ ସ୍ବତନ୍ତ୍ର ବୈଠକ ଡକାଯିବାକୁ ବ୍ୟବସ୍ଥା କରାଯିବ ବୋଲି ସେ କହିଛନ୍ତି ।


Enter your email to get our daily news in your inbox.

All Right Reserved By Dharitri.Com

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

IPL 2027 trade: ରାଜସ୍ଥାନ ରୟାଲ୍ସରୁ ଖେଳିବେ ଶାମି, ସାମ୍‌ କୁରାନଙ୍କୁ କିଣିଲା…

ନୂଆଦିଲ୍ଲୀ,୧୭ା୧୧: ଇଣ୍ଡିଆନ ପ୍ରିମିୟର ଲିଗ୍‌ (ଆଇପିିଏଲ୍‌) ୨୦୨୭ ସିଜନରେ ରାଜସ୍ଥାନ ରୟାଲ୍ସରୁ ଖେଳିବେ ଭେଟେରାନ ଭାରତୀୟ ପେସ୍‌ ବୋଲର ମହମ୍ମଦ ଶାମି। ସେ ଲକ୍ଷ୍ନୌ ସୁପର ଜାଏଣ୍ଟ୍ସରୁ…

ସନ୍ୟାସକୁ ନେଇ ଭାବୁକ ହେଲେ ଧୋନୀ, ସୋସିଆଲ ମିଡିଆରେ ଭିଡିଓ ଛାଡି କଲେ ବଡ଼ ଘୋଷଣା

ନୂଆଦିଲ୍ଲୀ,୧୭।୧୧: ଚେନ୍ନାଇ ସୁପର କିଙ୍ଗ୍ସ, ମହାନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସନ୍ନ୍ୟାସର ଘୋଷଣା କରିସାରିଥିଲା। ଯାହାପରେ ସମସ୍ତେ ଧୋନୀଙ୍କ ସୋସିଆଲ ମିଡିଆ ପୋଷ୍ଟକୁ ଅପେକ୍ଷା କରି…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ବୈଭବ ସୂର୍ଯ୍ୟବଂଶୀଙ୍କୁ ମିଳିବ ୧୧କୋଟି ଦରମା? ଆଇପିଏଲ ୨୦୨୭ ରେ ମିଳିବ କୋଟି କୋଟି ଟଙ୍କା!

ନୂଆଦିଲ୍‌ଲୀ,୧୭।୧୧: ବୈଭବ ସୂର୍ଯ୍ୟବଂଶୀଙ୍କୁ ରାଜସ୍ଥାନ ରୟାଲ୍ସ ୨୦୨୫ ମେଗା ଅକ୍ସନରେ ୧ କୋଟି ୧୦ ଲକ୍ଷ ଟଙ୍କାରେ କିଣିଥିଲା। ସେତେବେଳେ ବୈଭବଙ୍କ ବୟସ ୧୪ ବର୍ଷ ଥିଲା,…

VIDEO: CSK ମାଲିକାଣୀଙ୍କ ବଡ଼ ଖୁଲାସା, ଧୋନୀ ହିଁ କହିଥିଲେ ସନ୍ୟାସ ନେବାକୁ, ଆଉ ସେହି ସମୟରେ ସମ୍ଭାଳିପାରିଲାନି…

ନୂଆଦିଲ୍ଲୀ,୧୭।୧୧: ଚେନ୍ନାଇ ସୁପର କିଙ୍ଗ୍ସ (CSK) ର ମାଲିକାଣୀ ରୁପା ଗୁରୁନାଥ କୁହନ୍ତି ଯେ ଗତ ଶନିବାର, ତିନି ଦିନ ପୂର୍ୱେ ଏମ.ଏସ. ଧୋନୀ, CSK ର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?