ଗୋପାଳପୁର,୮ା୪(ଡି.ଏନ.ଏ.): ଲୋଡିଂକୁ ନେଇ ଏକ ଟ୍ରକ ମାଲିକ ସଂଘର ସଦସ୍ୟଙ୍କୁ ମରଣାନ୍ତକ ଆକ୍ରମଣ କରିବା ଅଭିଯୋଗରେ ଗୋଳନ୍ଥରା ପୋଲିସ ୫ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ ବ୍ରହ୍ମପୁର ପାଣିଗ୍ରାହୀପେଣ୍ଠ ସାହିର ଅଶୋକ କୁମାର ସେଠୀ, ଫାଷ୍ଟଗେଟ୍ ଗାୟତ୍ରୀନଗରର ନିଶିକାନ୍ତ ସେଠୀ, ଲୋଚାପଡ଼ାର ଜୟରାମ ପାଢ଼ୀ, ଅନ୍ଧପସରା ରୋଡର ରାଧାମଧବ ସାହୁ ଓ ରାମନଗରର ପ୍ରଶାନ୍ତ କୁମାର ମହାରଣା ।
ଗୋଳନ୍ଥରା ଥାନା ଅନ୍ତର୍ଗତ ସୋର୍ଲା ରୋଡ଼ଠାରେ କୋଲକତା ସ୍ପ୍ରିଙ୍ଗ୍ ଲୋଡିଂକୁ ନେଇ ଗଞ୍ଜାମ ଜିଲା ମଲ୍ଟି ଏକ୍ସିଲ ଟ୍ରକ ସଂଘ ଓ ଗଞ୍ଜାମ ଟ୍ରକ ମାଲିକ ସଂଘ ମଧ୍ୟରେ ଗତ କିଛିଦିନ ହେଲା ବାଦବିବାଦ ଲାଗି ରହିଥିଲା। ହଳଦିଆପଦରଠାରେ ମଲ୍ଟି ଏକ୍ସିଲ ଟ୍ରକ ସଂଘ ସଦସ୍ୟ ବିକ୍ରମ କେଶରୀ ପଟ୍ଟନାୟକ ଟ୍ରାନ୍ସପୋର୍ଟ କାର୍ଯ୍ୟାଳୟରେ ଥିବା ବେଳେ ଗତ ୪ରେ ଗଞ୍ଜାମ ଟ୍ରକ ମାଲିକ ସଂଘର ସଦସ୍ୟମାନେ ତାଙ୍କୁ ମରଣାନ୍ତକ ଆକ୍ରମଣ କରିଥିଲେ। ଆକ୍ରମଣରେ ବିକ୍ରମ ଗୁରୁତର ଆହତ ହୋଇଥିଲେ। ଗୋଳନ୍ଥରା ପୋଲିସ ପହଞ୍ଚତ୍ବା ପରେ ଆକ୍ରମଣକାରୀମାନେ ସେଠାରୁ ଚମ୍ପଟ ମାରିଥିଲେ। ବିକ୍ରମଙ୍କ ଏତଲା କ୍ରମେ ନଂ. ୧୧୨/୨୨ରେ ୪୦ରୁ ଊର୍ଦ୍ଧ୍ୱ ଜଣଙ୍କ ନାମରେ ହତ୍ୟା ଉଦ୍ୟମ ମାମଲା ରୁଜୁ କରି ପୋଲିସ ତଦନ୍ତ ଚଳାଇଥିଲା। ଉକ୍ତ ମାମଲାରେ ଫେରାର୍ ଥିବା ଅଭିଯୁକ୍ତମାନଙ୍କୁ ଶୀଘ୍ର ଗିରଫ କରାଯିବ ବୋଲି ବ୍ରହ୍ମପୁର ସଦର ଏସ୍ଡିପିଓ ଶିବ ଶଙ୍କର ମହାପାତ୍ର କହିଛନ୍ତି।
