ଲସ୍ ଏଞ୍ଜେଲ୍ସ,୧।୫ : ଅନ୍ତର୍ଜାତୀୟ ଗାୟକ ଲେଡି ଗାଗାଙ୍କ କୁକୁରକୁ ଅପହରଣ ଘଟଣାରେ ଲସ୍ ଏଞ୍ଜେଲ୍ସ ପୋଲିସ ୫ ଜଣଙ୍କୁ ଗିରଫ କରିଛି। ଅଭିଯୋଗ ଅନୁଯାୟୀ, ଜେମ୍ସ ଜ୍ୟାକସନ (୧୮), ଜେଲିନ ହ୍ବାଇଟ୍ (୧୯) ଓ ଲାଫାଏଟ ଓ୍ବାଲେ (୨୭) କୁକୁରକୁ ଅପହରଣ କରି ନେଇଥିଲେ।
ଗତ ଫେବୃୟାରୀରେ ଫିଶ୍ଚର ଲେଡି ଗାଗାଙ୍କ ଅନ୍ୟ ୩ କୁକୁର ସହ ବୁଲୁୁଥିଲା। କୁକୁରଙ୍କୁ ଚୋରି କରିବାକୁ ଉଦ୍ୟମ କରିଥିଲେ ଦୁଇ ବ୍ୟକ୍ତି। ଫିଶ୍ଚର ଆକ୍ରମଣରେ ଜଣେ ଅଭିଯୁକ୍ତ ଆହତ ହେବା ପରେ ଅନ୍ୟ ଜଣେ ଗୁଳି କରିଥିଲେ। ଏହାପରେ ୩ ମଧ୍ୟରୁ ୨ କୁକୁରକୁ ଉଠାଇ ନେଇଥିଲେ ଦୁର୍ବୃତ୍ତ। ଗୁରୁତର ଆହତ ଫିଶ୍ଚରକୁ ଭର୍ତ୍ତି କରାଯାଇଥିଲା ପଶୁ ଚିକିତ୍ସା କେନ୍ଦ୍ରରେ। ଜୀବନ ଯୁଦ୍ଧରେ ଜିତି ଯାଇଥିଲା ସେହି ବୁଲ ଡଗ। ସମାନ ଘଟଣାରେ ହାରଲ୍ଡ ହ୍ବାଇଟ୍ (୪୦) ଓ ଜେନିଫର ମ୍ୟାକବ୍ରାଇଡ୍ (୫୦)ଙ୍କୁ ମଧ୍ୟ ଗିରଫ କରାଯାଇଛି।
